Hiob 1:6 - ŊMALƐ KRƆŊKRƆŊ LƐ

⁶ Be ko lɛ ŋwɛi bɔfoi lɛ ni sɔmɔɔ Nyɔŋmɔ yɛ ŋwɛi lɛ tee Nyɔŋmɔ hiɛ. Abonsam futu amɛ kɛtee, ni lɛ hu eyadamɔ Nyɔŋmɔ hiɛ eko.

Ṅmãle̱ Kroṅkroṅ Le̱

⁶ Ni eba mli ake̱ gbĩ ko le̱, *Nyoṅmo̱ bii le̱ ba ame̱badamo̱ Iehowa hĩe, ni †satan hũ futuame̱ ke̱-ba. *2,1. 1 Maṅ. 22,19-22. †1 Kron. 21,1. Zak. 3,1.

Hiob 1:6 ပူးပေါင်းရင်းမြစ်များ

1 Mose 6:2

Nyɔŋmɔ gbɔmɛi lɛ yana akɛ gbɔmɛi abiyei lɛ ahe yɛ fɛo, ni amɛŋɔŋɔɔ amɛteŋ yei fɛɛ ni amɛsumɔɔ.

1 Mose 6:4

Nakai bei lɛ amli kɛ no sɛɛ fɛɛ lɛ Nyɔŋmɔbii lɛ kɛ gbɔmɛi abiyei lɛ fɔfɔɔ asaabui yɛ shikpɔŋ lɛ nɔ. Bii nɛɛ tsɔmɔ gbɔmɛi kãkãlɔi ni agbɛii hehee kɛjɛ blema bei lɛ amli tɔ̃ɔ.

1 Maŋtsɛmɛi 22:19

Mikaia tee nɔ ekɛɛ, “Agbɛnɛ bo Yehowa naa wiemɔ toi! Mina Yehowa ta emaŋtsɛ sɛ̃i lɛ nɔ yɛ ŋwɛi, ni ebɔfoi asafo lɛ fɛɛ damɔ emasɛi yɛ eninejurɔ nɔ kɛ ebɛku nɔ.

1 Kronika 21:1

Yɛ mli aahu lɛ, satan te shi ewo Israel, ni ewo David yiŋ akɛ ekane Israel yikulɛ.

2 Kronika 18:20

Ahiɛ mli nakai kɛyashi mumɔ ko je kpo ni ebadamɔ Yehowa hiɛ ni ekɛɛ akɛ, ‘Maya mayalaka lɛ.’ Yehowa bi mumɔ nɛɛ akɛ, ‘Mɛɛ gbɛ nɔ obaatsɔ?’

Hiob 2:1

Be ni eshɛ gbi ko ni ŋwɛi bɔfoi ni sɔmɔɔ Nyɔŋmɔ yɛ ŋwɛi lɛ tee amɛyadamɔ Nyɔŋmɔ hiɛ ekoŋŋ lɛ, Abonsam futu amɛ kɛtee, ni lɛ hu eyadamɔ Nyɔŋmɔ hiɛ eko.

Hiob 2:3

Kɛkɛ ni Yehowa bi Abonsam akɛ, “Osusu mitsulɔ Hiob he akɛ mɔ ko mɔ ko bɛ shikpɔŋ lɛ nɔ ni tamɔ lɛ, ni anɔkwafo ni, ni esheɔ Nyɔŋmɔ gbeyei, ni ewiɔ ehe yɛ efɔŋ he; ni shwamɔ ko bɛ ehe, ni efeɔ nɔ ni ja? Ehiɛ enɔkwayeli lɛ mli kpɛŋŋ lolo tsɛbelɛ ohã mite shi miwo lɛ koni mikpãtã ehiɛ yakatswaa!”

Hiob 38:7

Be ni leebi ŋulamii lɛ fɛɛ la kutuu ni ŋwɛibii lɛ bɔ oshe kɛ nyamɔ lɛ?

Lalai 103:20

Oo, nyɛ ebɔfoi ni he wa, ni nyɛyeɔ ewiemɔ lɛ nɔ, ni nyɛboɔ egbee toi, nyɛjiea Yehowa yi!

Daniel 3:25

Nebukadnezar kɛɛ amɛ akɛ, “Miina gbɔmɛi ejwɛ yɛ la lɛ mli. Afimɔko amɛ, ni la lɛ efeee amɛ nɔ ko nɔ ko; ni mɔ ni gbe yi fee ejwɛ lɛ, su tamɔ bɔfo.”

Zakaria 3:1

Agbɛnɛ ehã mina Yoshua ni ji osɔfonukpa lɛ ni edamɔ Yehowa bɔfo lɛ hiɛ, ni satan hu damɔ Yoshua ninejurɔ ni ebaafolɔ enaa.

Mateo 18:10

“Nyɛkwɛa jogbaŋŋ koni nyɛkabu mɛi bibii nɛɛ ateŋ mɔ ko mɔ ko akɛ ejeee mɔ ko; ejaakɛ miikɛɛ nyɛ akɛ, amɛbɔfoi ni yɔɔ ŋwɛi lɛ kwɛɔ miTsɛ ni yɔɔ ŋwɛi lɛ hiɛ daa. [

Luka 22:31

Shi Nuŋtsɔ lɛ kɛɛ, “Simon, Simon, naa, Satan ena hegbɛ, koni esha nyɛ mli tamɔ ŋmaa.

Luka 3:38

Enos bi, Set bi, Adam bi, ni ji Nyɔŋmɔ bi lɛ.

Yohane 6:70

Yesu here amɛ nɔ akɛ, “Ani jeee nyɛyi nyɔŋma kɛ enyɔ mihala? Shi nyɛteŋ mɔ kome lɛ abonsam ni!”