Hiob 1:3 - ŊMALƐ KRƆŊKRƆŊ LƐ

³ Eyɛ toi akpei kpawo kɛ yoomai akpei etɛ̃ kɛ tsinai akpe kɛ teji yei ohai enumɔ kɛ tsuji babaoo diɛŋtsɛ. No hewɔ lɛ, Hiob ji bokãgbɛbii lɛ ateŋ niiatsɛ fe fɛɛ.

Ṅmãle̱ Kroṅkroṅ Le̱

³ Ni ekoloi ní eyo̱ dši tōi akpei-kpawo ke̱ yomai akpei-etẽ ke̱ tšĩnai ntatai ohai-enumo̱ ke̱ tedšĩyei ohai-enumo̱, ke̱ webii babaō dientše̱; hewo le̱ ne̱ke̱ nū ne̱ dši gbomo agbo fè bokãgbe̱bii le̱ fẽ.

Hiob 1:3 ပူးပေါင်းရင်းမြစ်များ

1 Mose 12:16

Sarai hewɔ lɛ Farao hiɛ Abram jogbaŋŋ. Ni no hewɔ lɛ, Abram na toi kɛ tsinai kɛ tejihii kɛ webii kɛ weyei kɛ tejiyei kɛ yoomai.

1 Mose 12:5

Eŋɔ eŋa Sarai lɛ kɛ enyɛmi nuu bi Lot lɛ, kɛ amɛnibii fɛɛ, ni amɛyiŋ kɛtee Kanaan shikpɔŋ lɛ nɔ. Be ni amɛshɛ Kanaan shikpɔŋ lɛ nɔ lɛ

1 Mose 13:6

ni no hewɔ lɛ, shikpɔŋ lɛ faaa hãaa amɛ bɔ ni amɛyi enyɔ lɛ fɛɛ amɛaahi he kome, ejaakɛ amɛnibii fa.

1 Mose 24:35

Yehowa ejɔɔ minuŋtsɔ naakpa, ni etsɔ̃ niiatsɛ wulu. Yehowa ehã lɛ toi kɛ tsinai kɛ jwiɛtɛi kɛ shika kɛ webii kɛ weyei kɛ yoomai kɛ tejii.

1 Mose 25:6

Shi ehemɛi lɛ abii lɛ, Abraham hã amɛ nikeenii be mli ni ehiɛ kã beebe, ni ewo amɛ gbɛ kɛje ebi Isak he kɛtee bokãgbɛ yɛ bokãgbɛ shikpɔŋ lɛ nɔ.

1 Mose 29:1

Yakob wo enane nɔ yɛ egbɛfaa lɛ mli, ni eyashɛ bokãgbɛbii ashikpɔŋ lɛ nɔ.

1 Mose 32:14

too abotia yei ohai enyɔ kɛ too kpakpoi nyɔŋmai enyɔ, too gwantɛŋ yei ohai enyɔ kɛ too ojwɛnii nyɔŋmai enyɔ

1 Mose 34:23

Amɛkooloo kui kɛ amɛnii ni amɛyɔɔ kɛ amɛshĩa kooloi fɛɛ lɛ, ani jeee wɔnii ebaatsɔmɔ? Nyɛhãa wɔkpɛ̃lɛa nɔ wɔhãa amɛ kɛkɛ koni amɛkɛ wɔ ahi shi.”

2 Samuel 12:2

Niiatsɛ lɛ yɛ toi kɛ tsinai babaoo diɛŋtsɛ,

1 Maŋtsɛmɛi 4:30

Solomon le nii fe nilelɔi fɛɛ ni yɔɔ Bokã kɛ Ijipt lɛ fɛɛ.

2 Maŋtsɛmɛi 15:20

Menahem tsu Israelbii lɛ too, niiatsɛmɛi wuji lɛ ateŋ mɔ fɛɛ mɔ hã jwiɛtɛi shekeli nyɔŋmai enumɔ, ni akɛhã Tiglat Pileser, Asiria Maŋtsɛ lɛ. No hewɔ lɛ, Asiria maŋtsɛ lɛ ku esɛɛ, ni etuaaa Israel shikpɔŋ lɛ dɔŋŋ.

2 Maŋtsɛmɛi 3:4

Moab maŋtsɛ Mesha lɛ lɛɔ toi, ni daa afi lɛ eyahãa Israel maŋtsɛ lɛ too gwantɛŋ bii akpei oha kɛ too ojwɛnii akpei oha ahe tsɔi akɛ daa afi too ni ewoɔ ehãa lɛ.

1 Kronika 27:30

Yoomai lɛ Obil, Ishmaelnyo lɛ, ji mɔ ni kwɛ amɛnɔ; ni tejii lɛ Yehedeia ni jɛ Meronot ji mɔ ni kwɛ amɛnɔ; ni gwantɛŋi kɛ abotiai lɛ Yaziz, Hegrinyo lɛ, ji mɔ ni kwɛ amɛnɔ.

2 Kronika 26:10

Emamɔ mɔji gojogojoo lɛ ekomɛi yɛ ŋa lɛ nɔ hu; ni etsara nubui pii ejaakɛ eyɛ kooloi babaoo diɛŋtsɛ yɛ jɔɔ naa shikpɔŋ lɛ kɛ ŋa lɛ hu nɔ. Akɛni Uzia sumɔɔ humɔ hewɔ lɛ, ehã mɛi hu ŋmɔji, ni amɛfeefee waintromii yɛ gɔji lɛ anɔ kɛ jɔi lɛ amli fɛɛ.

2 Kronika 32:29

Enɛɛmɛi asɛɛ lɛ, Hezekia totoo maji, ni ena toi kɛ tsinai kuikui babaoo diɛŋtsɛ ejaakɛ Nyɔŋmɔ duro lɛ nii jogbaŋŋ.

Hiob 1:10

Bɛ ofo afabaŋ okɛbaa lɛ kɛ ewe kɛ nɔ fɛɛ nɔ ni eyɔɔ lɛ yi shweshweeshwe. Ojɔɔ eninenaa nitsumɔ nɔ, ni ekooloi eshwere yɛ shikpɔŋ lɛ nɔ.

Hiob 1:4

Hiob bihii lɛ toɔ naa ekomekome ni amɛŋmɛɔ amɛhe okplɔ̃. Kɛji eshɛ mɔ ko nɔ lɛ, ebihii krokomɛi lɛ fɛɛ yaa mɔ lɛ we lɛ. Hii lɛ tsuɔ kɛyaa, ni ayatsɛɔ amɛnyɛmimɛi yei etɛ̃ lɛ hu kɛbaa, ni amɛkɛ amɛ bayeɔ nii, ni amɛnuɔ dãa.

Hiob 21:28

Ejaakɛ nyɛbiɔ akɛ, ‘Nɛgbɛ lumɔ lɛ we lɛ yɔɔ agbɛnɛ, gbɔmɔ ni ji yiwalɔ lɛ?’

Hiob 29:25

Mi, mito amɛshihilɛ lɛ he gbɛjianɔ, ni mihi shi mihã amɛ akɛ yitso; mihi shi yɛ etabilɔi ateŋ akɛ maŋtsɛ. Mihi shi akɛ mɔ ni shɛjeɔ ŋkɔmɔyelɔi amii.

Hiob 31:25

ni minya ejaakɛ minii ni mina fa babaoo, ni minine eshɛ nii babaoo nɔ

Hiob 31:37

Kulɛ matsɔ̃ɔ Nyɔŋmɔ nibii fɛɛ ni mifee, ni matsi mabɛŋkɛ lɛ tamɔ lumɔ

Hiob 42:10

Be ni Hiob ekpa fai ehã enanemɛi lɛ sɛɛ lɛ, Yehowa hã Hiob saa eshwere ekoŋŋ. Yehowa ku nii fɛɛ ni Hiob yɔɔ sa lɛ ebɔ he toi enyɔ ehã lɛ.

Hiob 42:12

Yehowa jɔɔ Hiob yɛ enaagbee wala beiaŋ fe bɔ ni ejɔɔ lɛ tsutsu lɛ. Hiob na gwantɛŋi akpei nyɔŋma kɛ ejwɛ kɛ yoomai akpei ekpaa kɛ tsinai akpei enyɔ kɛ teji yei akpe kome.

Abe̱i 10:22

Yehowa jɔɔmɔ lɛ, no feɔ mɔ niiatsɛ; shi odeŋmegbomɔ nyɛŋ ekɛ nɔ ko afata he.

Yeremia 49:28

Nɔ ni Yehowa kɛɛ yɛ Kedar kɛ maji bibii ni yɔɔ Hazor maŋ lɛ shishi ni Maŋtsɛ Nebukadnezar ye amɛnɔ lɛ ahe nɛ, Bɔ ni, Yehowa, kɛɛ nɛ, “Nyɛtea shi, nyɛyatuaa Kedar, ni nyɛkpãtãa bokãgbɛbii lɛ ahiɛ!

4 Mose 23:7

Kɛkɛ ni Balaam wo egbee nɔ, ni ebɔi gbaa ekɛɛ, “Moab Maŋtsɛ Balak yaŋɔ mi kɛjɛ Siria, yɛ bokã gɔji lɛ anɔ ekɛɛ: ‘Ba, baalomɔ Yakob; Baalomɔ Israelbii ohã mi!’

Kojolɔi 6:3

Kɛji Israelbii lɛ du nii lɛ, kɛkɛ lɛ Midianbii kɛ Amalekbii kɛ bokãgbɛbii lɛ efã kɛbatua amɛ.

Kojolɔi 6:5

Ejaakɛ amɛbaa kɛ amɛkooloi kɛ amɛbuui. Amɛbaa babaoo tamɔ baalabii; ni amɛ kɛ amɛyoomai lɛ fɛɛ lɛ anyɛɛɛ akane. Amɛbaa shikpɔŋ lɛ nɔ amɛbakpãtãa hiɛ.

Kojolɔi 7:12

Shi Midianbii lɛ kɛ Amalekbii kɛ bokãgbɛbii lɛ fɛɛ bua jɔɔ lɛ mli babaoo tamɔ baalabii. Amɛyoomai lɛ aleee amɛyibɔ; amɛyifalɛ tamɔ ŋshɔnaa shia.

Kojolɔi 8:10

Shi Zeba kɛ Zalmuna kɛ tabilɔi aaafee hii akpei nyɔŋma kɛ enumɔ yɛ Karkor. Mɛnɛɛmɛi ji mɛi pɛ ni eshwɛ yɛ bokãgbɛbii ata lɛ fɛɛ mli, ejaakɛ tabilɔi akpei oha kɛ nyɔŋmai enyɔ sɔŋŋ enyɔnyɔi.

1 Samuel 25:2

Nuu ko hi shi yɛ Moan, shi enitsumɔhe yɛ Karmel. Niiatsɛ kpanaa ji lɛ; eyɛ too gwantɛŋi akpei etɛ̃ kɛ abotiai hu akpe, ni eeku etoi lɛ ahe tsɔi be nɛɛ mli yɛ Karmel.

1 Samuel 27:9

David yatuaa gbɔmɛi nɛɛ, ni egbeɔ hii kɛ yei fɛɛ, ni eloɔ amɛtoi kɛ tsinai kɛ tejii kɛ yoomai kɛ atadei hu, kɛkɛ lɛ eku esɛɛ kɛba Akish ŋɔɔ.