Hiob 1:20 - ŊMALƐ KRƆŊKRƆŊ LƐ

²⁰ Kɛkɛ ni Hiob te shi, ni ekɛ awerɛho gbala ehe atade lɛ, eshɛ eyi, ni eho ebu shikpɔŋ, ni esɔle.

Ṅmãle̱ Kroṅkroṅ Le̱

²⁰ Ke̱ke̱ ni Hiob te ši ni *egbla ehe atadei ni eku eyi, ni eho ebu šikpoṅ, ni eso̱le, *1 Mose 37,34.

Hiob 1:20 ပူးပေါင်းရင်းမြစ်များ

1 Mose 37:29

Shi be ni Ruben ku esɛɛ kɛba bu lɛ he ekoŋŋ lɛ, Yosef bɛ bu lɛ mli. Kɛkɛ ni Ruben gbala ehe atadei lɛ,

1 Mose 37:34

Ni Yakob gbala ehe atade lɛ, ni ekɔ kpekpe emia ehɛ, ni eye ebi lɛ he ŋkɔmɔ gbii pii.

2 Maŋtsɛmɛi 2:12

Elisha na nii nɛɛ, ni ebo etsɛ Elia akɛ, “Mitsɛ, mitsɛ! Israel hefãlɔ kpele! Ao, tee otee lɛ?” Ni enɛ sɛɛ lɛ enaaa Elia dɔŋŋ. Ni emɔ lɛ diɛŋtsɛ etade yuu lɛ mli ni etse mli enyɔ.

2 Kronika 7:3

Be ni Israelbii lɛ na la lɛ ni jɛ ŋwɛi lɛ kɛ Yehowa anunyam la lɛ ni ebayi Sɔlemɔtsu lɛŋ obɔ̃ lɛ, amɛkɛ amɛhiɛiaŋ bumɔ shi, yɛ he ko ni aka jɛi tɛ, ni amɛja Yehowa, ni amɛda lɛ shi yɛ emlihilɛ kɛ esuɔmɔ ni sɛɛ efooo kɛmiiya naanɔ lɛ hewɔ.

Ezra 9:3

Be ni minu nɛkɛ sane nɛɛ, migbala mihe atade kɛ mihebo, ni mifãmɔ miyiteŋ tsɔi kɛ mitsɛŋ; ni mihe jɔ̃ mihe kɛta shi.

Hiob 1:19

kɛkɛ ni ahum kpele ko tswa kɛjɛ shiaŋa lɛ nɔ gbɛ, ni ebabote shĩa lɛ mli, ni eshimɔ shĩa lɛ koji ejwɛ lɛ, ni eshĩa lɛ wule eshwie oblahii lɛ anɔ, ni amɛ fɛɛ amɛgboi; mikome too pɛ mihe je mli ni miba mibatswa bo adafi nɛɛ.”

Hiob 2:12

Nanemɛi nɛɛ na Hiob yɛ shɔŋŋ, shi amɛyooo lɛ. Shi be ni amɛyoo Hiob lɛ, amɛfo waa; amɛteŋ mɔ fɛɛ mɔ kɛ dɔlɛ gbala ehe atade, ni amɛloo mlu amɛwo amɛyiteiaŋ.

2 Mose 4:31

Maŋ lɛ he lɛ ye. Ni be ni amɛnu akɛ Yehowa ekwɛ ni ena Israelbii lɛ amanehulu lɛ, amɛmamɔ amɛyitsei ashi ni amɛja.

Yeremia 7:29

“Yerusalɛmbii, nyɛkua nyɛyi nyɛshwiea, nyɛwoa yara yɛ gɔji kpataai lɛ anɔ, ejaakɛ Yehowa ekwa, ni ekpoo yinɔbii ni emli efu amɛ nɛɛ!

Yoel 2:13

Nyɛtsɛrɛa nyɛtsuii, shi jeee nyɛtadei; nyɛkpalea kɛbaa nyɛNyɔŋmɔ lɛ ŋɔɔ, ejaakɛ durolɔ kɛ mlitsɔ̃lɔ ji lɛ; emli fuu mra, ni eyeɔ eshiwoo nɔ; ni emɔbɔnalɛ fa, ni eshwaa ehe yɛ nɔ fɔŋ hewɔ.

Mateo 26:39

Ni etee hiɛ fioo, ni ekɛ ehiɛ bu shi, ni esɔle ekɛɛ, “MiTsɛ, kɛji aaaho lɛ, hã ni kpulu nɛɛ aho mihe aya; shi kɛ̃lɛ jeee bɔ ni mi misumɔɔ, shi moŋ bɔ ni bo osumɔɔ.”

5 Mose 9:18

Kɛkɛ ni mitee ekoŋŋ, ni miyagbee shi yɛ Yehowa hiɛ, tamɔ tsuutsu lɛ. Miye nyɔɔŋnyɔɔŋ kɛ shwaneshwane gbii nyɔŋmai ejwɛ ni miyeee nii lɛ, minuuu nu hu, yɛ nyɛtoigbele kɛ efɔŋ ni nyɛfee Yehowa ni nyɛkɛwo emli la lɛ hewɔ.

Yoshua 7:6

Kɛkɛ ni Yoshua kɛ Israel onukpai lɛ kɛ dɔlɛ gbala amɛhe atadei, ni amɛloo mlu amɛwo amɛyiteiaŋ, ni amɛkɛ amɛhiɛi bumɔ shi yɛ Yehowa Kpãŋmɔ Adeka lɛ hiɛ kɛyashi gbɛkɛ;

1 Petro 5:6

Hewɔ lɛ nyɛbaa nyɛhe shi yɛ Nyɔŋmɔ nine ni wa lɛ shishi, koni ewo nyɛnɔ yɛ be ni sa mli.