Hiob 1:16 - ŊMALƐ KRƆŊKRƆŊ LƐ

¹⁶ Tsulɔ lɛ hiɛ wiemɔ lɛ mli lolo kɛkɛ ni tsulɔ kroko ko ba, ni ebakɛɛ akɛ, “Srawa gba kɛjɛ ŋwɛi ni ebayi toi lɛ kɛ tsuji lɛ anɔ, ni eplene amɛ fɛɛ; mikome too pɛ mihe je mli, ni miba mibatswa bo adafi nɛɛ.”

Ṅmãle̱ Kroṅkroṅ Le̱

¹⁶ Beni ewĩeo̱ lolo le̱, mokroko ba ni ebakē̱: Nyoṅmo̱ la le̱ dše̱ ṅwei bayi ši, ni ebašã toi le̱ ke̱ tšũdši le̱, ní eplenē̃-ame̱; ni mikometō pe̱ midše mli, ni mi-batſao adafi ne̱.

Hiob 1:16 ပူးပေါင်းရင်းမြစ်များ

1 Mose 19:24

Yehowa hã swɔɔ kɛ la nɛ kɛjɛ ŋwɛi eshwie Sodom kɛ Gomora nɔ,

1 Maŋtsɛmɛi 18:38

Kɛkɛ ni Yehowa hã la gba kɛbabote afɔle lɛ mli, ni eshã afɔle lɛ kɛ lai lɛ kɛ tɛi lɛ kɛ su lɛ, ni nu lɛ tete ni yɔɔ bu ni bɔle afɔleshãa latɛ lɛ mli lɛ ŋala wɛɛ.

2 Maŋtsɛmɛi 1:10

Shi Elia kɛɛ asafoiatsɛ lɛ akɛ, “Kɛji Nyɔŋmɔ gbɔmɔ ji mi lɛ, no lɛ, la ajɛ ŋwɛi ayi shi koni ebashã bo kɛ omɛi nyɔŋmai enumɔ lɛ.” Kɛkɛ ni la jɛ ŋwɛi yi shi, ni ebashã lɛ kɛ emɛi nyɔŋmai enumɔ lɛ.

2 Maŋtsɛmɛi 1:12

Shi Elia hã lɛ hetoo akɛ, “Kɛji Nyɔŋmɔ gbɔmɔ ji mi lɛ, no lɛ, la ajɛ ŋwɛi ayi shi, ni ebashã bo kɛ omɛi nyɔŋmai enumɔ lɛ.” Kɛkɛ ni la jɛ ŋwɛi yi shi, ni ebashã lɛ kɛ emɛi nyɔŋmai enumɔ lɛ.

2 Maŋtsɛmɛi 1:14

Naa, la ejɛ ŋwɛi ebayi shi, ni ebashã klɛŋklɛŋ asafoiatsɛmɛi enyɔ lɛ kɛ amɛmɛi nyɔŋmai enumɔi lɛ fɛɛ; shi agbɛnɛ, mi lɛ, naa mi mɔbɔ, hã misusuma jara awa yɛ ohiɛ.”

Lalai 45:3

Oo, bo hewalɛtsɛ maŋtsɛ, miamɔ kɛ oklante yɛ ogbojee kɛ onunyam mli.

2 Mose 9:28

Nyɛkpaa Yehowa fai koni ŋwɛi shiimɔ kɛ nyɔŋmɔŋtɛi lɛ akpa; shi efa; ni mahã nyɛya, ni mitsiŋ nyɛnaa dɔŋŋ.”

3 Mose 10:2

Yehowa hã la ba ebashã amɛ, ni amɛgboi yɛ ehiɛ.

3 Mose 9:24

Trukaa lɛ Yehowa hã la ba ni ebashã shãa afɔle lɛ kɛ fɔi lɛ ni yɔɔ afɔleshãa latɛ lɛ nɔ lɛ. Be ni maŋ muu lɛ fɛɛ na lɛ, amɛbolɔ, ni amɛkɛ amɛhiɛ bumɔ shi.

Amos 7:4

Nɔ ni Nuŋtsɔ Nyɔŋmɔ jie etsɔ̃ɔ mi nɛ. Mina akɛ Nuŋtsɔ Nyɔŋmɔ miitao akɛ ekɛ la agbala ewebii lɛ atoi. La lɛ ŋala nu ni yɔɔ shikpɔŋ lɛ shishi lɛ, kɛkɛ ni la lɛ bɔ̃i shikpɔŋ lɛ hu shãa.

Kpojiemɔ 13:13

Ni efeɔ okadii wuji, ni ehãa la po jɛɔ ŋwɛi baa shikpɔŋ yɛ gbɔmɛi ahiɛ.

1 Samuel 14:15

Kɛkɛ ni Filistibii ni yɔɔ nsra lɛ mli kɛ mɛi ni yɔɔ ŋa lɛ nɔ kɛ maji fɛɛ amli fɛɛ jijaa, ŋmiŋmi mɔmɔ asraafoi ni yɔ nsra lɛ mli lɛ kɛ mɛi ni tee amɛyaaye ofɔ̃ lɛ. Shikpɔŋ hu hoso, ni ehã jijaamɔ lɛ mli wo wu.