Hagai 2:4 - ŊMALƐ KRƆŊKRƆŊ LƐ

⁴ Shi agbɛnɛ Zerubabel, wajemɔ ohe! Bo Osɔfonukpa Yoshua, Yehozadak bi, bo hu wajemɔ ohe! Nyɛ, maŋbii fɛɛ, nyɛwajea nyɛhe. Nyɛtea shi, nyɛtsua nii, ejaakɛ mi kɛ nyɛ yɛ,

Ṅmãle̱ Kroṅkroṅ Le̱

⁴ Ši kẽle̱ agbe̱ne̱, wadšemo̱ ohe ko, Zerubabel! Iehowa kē̱, ni wadšemo̱ ohe, Iošua, Iehozadak bi, ni odši oso̱fonukpa! ni wadšemo̱ ohe, bo šikpoṅ le̱ no̱ maṅ le̱ fẽ! — Iehowa kē̱, ni nyetšua nii; edšake̱ mike̱nye ye̱, Iehowa Zebaot kē̱.

Hagai 2:4 ပူးပေါင်းရင်းမြစ်များ

2 Samuel 5:10

David hewalɛ tee nɔ eshwere ejaakɛ Yehowa, ni ji Nyɔŋmɔ Taiatsɛ lɛ, fĩ esɛɛ.

1 Kronika 22:13

Kɛji ojwɛŋ nɔ ni oye akpɔi kɛ mlai ni Yehowa tsɔ̃ Mose nɔ ewo Israel lɛ anɔ lɛ, no lɛ oooshwere. Ohe awa, ni ofee ekãa. Okashe gbeyei, ni otsui akafã hu.

1 Kronika 28:20

Kɛkɛ ni Maŋtsɛ David kɛɛ ebi Solomon akɛ, “Wajemɔ ohe ni ofee ekãa; kaashe gbeyei, ni otsui akafã hu. Ejaakɛ Yehowa Nyɔŋmɔ, ni ji mi, miNyɔŋmɔ lɛ, yɛ osɛɛ; ekwaŋ bo lɛ, eshiŋ bo hu kɛyaashi beyinɔ ni ooogbe Yehowa We lɛ mãa he nitsumɔi lɛ fɛɛ anaa.

Ezra 10:18

Yɛ osɔfoi abii agbɛfaŋ lɛ, mɛi ni ana yɛ tsɛmɛi awe ji Yeshua, Yozadak bi lɛ ni enyɛmimɛi abii lɛ ateŋ mɛi ni amɛŋɔ maŋsɛɛ yei ji: Maseia kɛ Eliezer kɛ Yarib kɛ Gedalia.

Ezra 5:2

Kɛkɛ ni Zerubabel, Shealtiel bi lɛ, kɛ Yeshua, Yozadak bi lɛ, te shi ni amɛbɔi Nyɔŋmɔ We lɛ ni yɔɔ Yerusalɛm lɛ mãa. Nyɔŋmɔ gbalɔi enyɔ lɛ fĩ amɛsɛɛ, ni amɛwa amɛ.

2 Mose 3:12

Nyɔŋmɔ to he akɛ, “Mi kɛ bo ni yaa lɛ, ni enɛ ji nɔ ni aaaye he odase akɛ mi mitsu bo lɛ. Kɛji oyajie Israelbii lɛ kɛje Ijipt kɛba lɛ, nyɛbaa gɔŋ krɔŋkrɔŋ nɛɛ he nyɛbajaa mi.”

Hagai 1:13

Kɛkɛ ni Hagai, Yehowa bɔfo lɛ, kɛɛ maŋbii lɛ yɛ Yehowa tsumɔ lɛ naa akɛ, “Miikɛɛ nyɛ akɛ mikɛ nyɛ yɛ!”

Zakaria 4:6

Bɔfo lɛ kɛɛ mi akɛ, “Shɛɛ ni Yehowa kɛhãa Zerubabel nɛ, ‘Jeee onyɛmɔ baahã oye kunim, loo ohewalɛ kɛkɛ, shi moŋ mimumɔ lɛ ni baahã oye kunim,’ Mi Yehowa, mikɛɛ.”

Zakaria 8:9

“Nyɛ mɛi ni nyɛnuɔ gbalɛ wiemɔi nɛɛ yɛ nɛkɛ bei nɛɛ amli yɛ gbalɔi lɛ anaa kɛjɛ be ni ato Yehowa, Taiatsɛ lɛ, Sɔlemɔ we lɛ maa shishi nɛɛ lɛ, nyɛnijiaŋ akajea wui bɔ ni afee ni anyɛ Sɔlemɔtsu lɛ ama.

Marko 16:20

Shi amɛ lɛ, amɛje jɛi, ni amɛyashiɛ yɛ he fɛɛ he, ni Nuŋtsɔ lɛ kɛ amɛ tsu nii, ni ekɛ okadii ni fata wiemɔ lɛ he lɛ wo wiemɔ lɛ hewalɛ.]

Bɔfoi 7:9

Ni blematsɛmɛi lɛ kɛ hiɛkɔ̃ɔ hɔ̃ɔ Yosef kɛtee Ijipt, shi Nyɔŋmɔ kɛ lɛ yɛ,

1 Korintobii 16:13

Nyɛbua, nyɛdamɔa shi shiŋŋ yɛ hemɔkɛyeli lɛ mli, nyɛfea hii, ni nyɛhe awaa!

Efesobii 6:10

Naagbee lɛ, minyɛmimɛi, nyɛhe awaa yɛ Nuŋtsɔ lɛ kɛ ehewalɛ nyɛmɔ lɛ mli.

5 Mose 31:23

Kɛkɛ ni Yehowa tu nitsumɔ lɛ ewo Yoshua, Nun binuu lɛ, dɛŋ, ni ekɛɛ lɛ akɛ, “Ohe awa, ni ofee ekãa, ejaakɛ bo ji mɔ ni okɛ Israelbii lɛ baaya shikpɔŋ lɛ ni miwo he shi akɛ mikɛbaahã amɛ lɛ nɔ; mikɛ bo baahi shi.”

2 Timoteo 2:1

Agbɛnɛ mibi, bo lɛ ohe awa yɛ dromɔ ni yɔɔ Kristo Yesu mli lɛ mli.

2 Timoteo 4:17

Shi Nuŋtsɔ lɛ fi misɛɛ ni ewo mi hewalɛ, koni atsɔ̃ minɔ ashiɛ shiɛmɔ muu lɛ fɛɛ, ni jeŋmaji lɛ fɛɛ anu; ni ajie mi yɛ jata lɛ daaŋ.

Yoshua 1:6

Wajemɔ ohe ni ofee ekãa; ejaakɛ shikpɔŋ lɛ ni mikã maŋbii nɛɛ atsɛmɛi lɛ ehe kitã akɛ mikɛbaahã amɛ lɛ, bo obaahã etsɔ̃ amɛnɔ.

Yoshua 1:9

Ani jeee mi mifã bo? Wajemɔ ohe ni ofee ekãa. Kaahã ŋmiŋmi miimɔ bo, ni asaŋ otsui akafã ejaakɛ mi, Yehowa, oNyɔŋmɔ lɛ, mifĩ osɛɛ yɛ he fɛɛ he ni oyaa.”

Kojolɔi 2:18

Be fɛɛ be ni Yehowa aaatee hiɛnyiɛlɔi ashi ehã Israelbii lɛ, Yehowa yeɔ ebuaa hiɛnyiɛlɔi lɛ ni amɛhereɔ Israelbii lɛ yɛ amɛhenyɛlɔi lɛ adɛŋ gbii abɔ fɛɛ ni hiɛnyiɛlɔ lɛ yɔɔ lɛ; ejaakɛ ŋtsɔi ni Israelbii lɛ dɔmɔɔ yɛ mɛi ni waa amɛ yi kɛ mɛi ni haoɔ amɛ lɛ hewɔ lɛ dɔɔ Yehowa.

1 Samuel 16:18

Oblahii lɛ ateŋ mɔ kome here nɔ ni ekɛɛ akɛ, “Mile Yeshai, Betlehemnyo lɛ, binuu ko ni ehe esa kɛ saŋkutswaa jogbaŋŋ diɛŋtsɛ; oblanyo kãkãlɔ ni sheee ta naa gbeyei, ni ele mɔ kɛ wiemɔ, ni ehe hu yɛ fɛo, ni Yehowa kɛ lɛ yɛ.”