Filipibii 4:3 - ŊMALƐ KRƆŊKRƆŊ LƐ

³ Hɛɛ, bo hu miibao, minaanyo sɔ̃ɔlɔ yɛ anɔkwaleŋ, ni oye obua yei nɛɛ; ejaakɛ amɛfata mihe kɛpele Sanekpakpa lɛ he, kɛ Klɛmente hu kɛ minanemɛi nitsulɔi krokomɛi ni amɛgbɛi yɔɔ wala wolo lɛ mli lɛ.

Ṅmãle̱ Kroṅkroṅ Le̱

³ Hẽ, bo hũ mĩkpao fai, minanyo-súolo̱ kpakpa, ake̱ oye obua yei ne̱ ni ke̱mi ple sanekpakpa le̱ he le̱, ke̱ Klemente hũ ke̱ minanemei-nitšulo̱i krokomei ni ame̱gbe̱i *yo̱ wala-wolo le̱ mli le̱, *Luk. 10,20.

Filipibii 4:3 ပူးပေါင်းရင်းမြစ်များ

Lalai 69:28

Hã agbe amɛgbɛii yɛ wala wolo lɛ mli; akaŋmala amɛgbɛii ashi jalɔi anɔ nɔ.

2 Mose 32:32

Ofainɛ, okɛ amɛhe esha lɛ afa amɛ; shi kɛji ehiii nakai feemɔ lɛ no lɛ gbee mi moŋ migbɛi yɛ wolo ni oŋma omɛi agbɛii yɛ mli lɛ mli.”

Yesaia 4:3

Ni mɔ fɛɛ mɔ ni baashwɛ yɛ Zion, ni eeehi shi yɛ Yerusalɛm lɛ aaatsɛ lɛ mɔ krɔŋkrɔŋ, mɔ fɛɛ mɔ ni aaaŋma egbɛi afata hiɛkãalɔi lɛ ahe yɛ Yerusalɛm lɛ,

Ezekiel 13:9

Mate shi mawo gbalɔi ni naa ninai ni bɛ mli, ni amɛmaleɔ lɛ; amɛhiŋ mimaŋ lɛ gwabɔɔ lɛ mli, ni asaŋ aŋmaŋ amɛgbɛii yɛ Israel we lɛ wolo lɛ mli, ni amɛyiŋ Israel shikpɔŋ lɛ nɔ hu; ni nyɛkɛale akɛ mi, mi ji Nuŋtsɔ Yehowa lɛ.

Daniel 12:1

Bɔfo lɛ tsa ewiemɔ lɛ nɔ akɛ, “Ni nakai be lɛ mli lɛ Mikael, lumɔ kpeteŋkple ni buɔ omaŋbii lɛ ahe lɛ, aaate shi adamɔ shi; kɛkɛ lɛ fimɔ be ko aaaba ni anako ehenɔ dã kɛjɛ beyinɔ ni aje maŋtoo shishi kɛbashi nakai be lɛ mli. Nakai be lɛ mli lɛ, aaahere omaŋ lɛ mli mɔ fɛɛ mɔ ni aaana akɛ aŋma egbɛi yɛ wala wolo lɛ mli lɛ yiwala.

Luka 10:20

Kɛ̃lɛ nyɛkanaa enɛ he miishɛɛ, akɛ mumɔi lɛ baa amɛhe shi amɛhãa nyɛ lɛ; shi moŋ nyɛnaa miishɛɛ akɛ aŋma nyɛgbɛi yɛ ŋwɛi.”

Romabii 12:1

No hewɔ lɛ, anyɛmimɛi, mikɛ Nyɔŋmɔ mlitsɔlɛ miikpa nyɛ fai akɛ nyɛŋɔ nyɛgbɔmɔtsei lɛ nyɛdamɔ shi akɛ afɔle ni hiɛ kã ni he tse ni sa Nyɔŋmɔ hiɛ; enɛ ji jamɔ ni sa.

Romabii 16:12

Nyɛŋaa Trifaina kɛ Trifosa ni bɔɔ mɔdɛŋ yɛ Nuŋtsɔ lɛ mli lɛ. Nyɛŋaa Persi mɔ ni asumɔɔ ni etsu nii pii yɛ Nuŋtsɔ lɛ mli lɛ.

Romabii 16:9

Nyɛŋaa Urbano ni ji wɔnaanyo nitsulɔ yɛ Kristo mli lɛ, kɛ misuɔlɔ Staki.

Filipibii 1:12

Shi, anyɛmimɛi, miisumɔ akɛ nyɛle akɛ saji ni ba minɔ lɛ ehã Sanekpakpa lɛ eshwere moŋ.

Filipibii 1:16

Mɛnɛɛmɛi jɛɔ suɔmɔ mli shiɛɔ, ejaakɛ amɛle akɛ Sanekpakpa lɛ hefãmɔ lɛ hewɔ ni mikã biɛ nɛɛ.

Filipibii 1:27

Nɔ kome kɛkɛ ji akɛ, nyɛbaa nyɛjeŋ bɔ ni sa Kristo Sanekpakpa lɛ, koni kɛ miba mibana nyɛ jio, mikɛ nyɛ bɛ jio, manu nyɛhe akɛ nyɛdamɔ shi yɛ mumɔ kome mli, ni nyɛkɛ jwɛŋmɔ kome miipele Sanekpakpa lɛ hemɔkɛyeli lɛ he,

Filipibii 1:5

yɛ wa ni nyɛwa yɛ Sanekpakpa lɛ gbɛfaŋ kɛjɛ klɛŋklɛŋ gbi lɛ nɔ kɛbashi be nɛ lɛ hewɔ;

Filipibii 1:7

Eja akɛ mijwɛŋɔ enɛ yɛ nyɛ fɛɛ nyɛhe, ejaakɛ nyɛkã mitsui nɔ, nyɛ ni yɛ migboklɛi kɛ Sanekpakpa lɛ hefãmɔ kɛ enɔmimaa fɛɛ mli lɛ nyɛ kɛ mi fɛɛ lɛ dromɔ lɛ niyelɔi ji wɔ lɛ.

Filipibii 4:2

Miikpa Euodia fai, ni miikpa Sintike fai, akɛ amɛjwɛŋmɔ afee ekome yɛ Nuŋtsɔ lɛ mli.

Kolosebii 1:7

Nyɛkase enɛ yɛ Epafra, wɔnaanyo tsulɔ ni wɔsumɔɔ, ni ji Kristo anɔkwa sɔ̃ɔlɔ hã nyɛ lɛ naa.

Kpojiemɔ 13:8

Ni mɛi fɛɛ ni yɔɔ shikpɔŋ lɛ nɔ lɛ aaaja lɛ. Ja mɔ fɛɛ mɔ ni aŋma egbɛi kɛjɛ jeŋ shishijee yɛ Toobi ni agbe lɛ wala wolo lɛ mli lɛ kɛkɛ.

Kpojiemɔ 17:8

Kooloo lɛ ni ona lɛ be ko mli lɛ eyɛ, shi amrɔ nɛɛ ebɛ, ni ebaajɛ bu kwɔŋkwɔŋ lɛ mli eje kpo kɛya hiɛkpãtãmɔ mli. Ni mɛi ni yɔɔ shikpɔŋ lɛ nɔ ni aŋmako amɛgbɛii yɛ wala wolo lɛ mli kɛjɛ jeŋ shishijee lɛ anaa aaakpɛ amɛhe kɛ amɛna kooloo lɛ akɛ be ko mli lɛ, eyɛ shi amrɔ nɛɛ ebɛ, ni ebaaba lɛ.

Kpojiemɔ 20:12

Ni mina gbohii lɛ, mɛi bibii kɛ mɛi wuji, damɔ maŋtsɛ sɛ̃i lɛ hiɛ, ni agbele woji anaa; ni agbele wolo kroko ni ji wala wolo lɛ hu naa. Ni adamɔ nibii ni aŋmala yɛ woji lɛ amli lɛ anɔ akojo gbohii lɛ yɛ amɛnitsumɔi lɛ anaa.

Kpojiemɔ 20:15

Ni kɛji mɔ ko yɛ ni anãaa akɛ aŋma egbɛi yɛ wala wolo lɛ mli lɛ, ashɛɔ lɛ afɔ̃ɔ la kpaakpo lɛ mli.

Kpojiemɔ 21:27

Ni nɔ ko nɔ ko ni he tseee kɛ mɔ ni feɔ nihiinii kɛ mɔ ni maleɔ boteŋ mli kwraa akɛ ja mɛi ni aŋma amɛgbɛi yɛ Toobi lɛ wala wolo lɛ mli lɛ kɛkɛ.

Kpojiemɔ 3:5

Kunimyelɔ lɛ aaawo lɛ atadei yɛji, ni migbeŋ egbɛi yɛ wala wolo lɛ mli gbi ko gbi ko, ni magba mli matsi egbɛi tã yɛ miTsɛ hiɛ kɛ ebɔfoi lɛ ahiɛ.