Filipibii 4:1 - ŊMALƐ KRƆŊKRƆŊ LƐ

¹ No hewɔ lɛ, minyɛmimɛi ni misumɔɔ ni mishweɔ, mimishɛɛ kɛ mikekre, nyɛdamɔa shi shiŋŋ nakai yɛ Nuŋtsɔ lɛ mli, nyɛ mɛi ni misumɔɔ!

Ṅmãle̱ Kroṅkroṅ Le̱

¹ Nohewo̱ le̱, minyemimei ni misumoo ni miſeo̱, *mimĩše̱ ke̱ mikekre, nyedamo̱a ši nakai ye̱ Nuṅtšo̱ le̱ mli, nye mei ni misumoo̱! *2 Kor. 1,14. 1 Tes, 2,19. 20.

Filipibii 4:1 ပူးပေါင်းရင်းမြစ်များ

Hiob 31:36

Anɔkwa, kulɛ makɔ matswa mikɔŋ, ni mikɛbaafee akekre mafi miyitso.

Lalai 125:1

Mɛi ni hiɛ kã Yehowa nɔ lɛ, amɛtamɔ Zion Gɔŋ ni hosooo, shi moŋ ema shi kɛmiiya naanɔ lɛ.

Lalai 27:14

Kwɛmɔ Yehowa gbɛ; wajemɔ ohe, ni ona tsui, ni okwɛ Yehowa gbɛ.

Mateo 10:22

Ni mɛi fɛɛ aaanyɛ nyɛ yɛ migbɛi lɛ hewɔ; shi mɔ ni hiɛɔ mli kɛyawulaa shi lɛ, aaahere eyiwala.

Yohane 8:31

Kɛkɛ ni Yesu kɛɛ Yudafoi ni ehe lɛ eye lɛ akɛ, “Kɛji nyɛhi shi yɛ miwiemɔ lɛ mli lɛ, minɔkwa kaselɔi ji nyɛ,

Bɔfoi 11:23

Ni be ni ebashɛ jɛi ni ebana Nyɔŋmɔ dromɔ lɛ, emii shɛ ehe, ni ewo amɛ fɛɛ ekãa akɛ amɛkɛ tsui ni fiɔ shi akpɛtɛ Nuŋtsɔ lɛ he.

Bɔfoi 14:22

Amɛsaa amɛwo kaselɔi lɛ amumɔŋ hewalɛ, ni amɛwie amɛtsɔ̃ɔ amɛ, akɛ amɛhiɛ hemɔkɛyeli lɛ mli, ni asaŋ esa akɛ wɔtsɔ̃ɔ amanehului pii amli kɛboteɔ Nyɔŋmɔ Maŋtsɛyeli lɛ mli.

Bɔfoi 2:42

Ni amɛhiɛ bɔfoi lɛ atsɔ̃ɔmɔ lɛ kɛ naanyobɔɔ lɛ kɛ abolookuumɔ lɛ kɛ sɔlemɔi lɛ amli.

Romabii 2:7

mɛi ni kɛ tsuishiŋmɛɛ hiɛɔ ekpakpafeemɔ mli ni amɛtaoɔ anunyam kɛ woo kɛ shihilɛ ni fiteŋ lɛ, eeehã amɛ naanɔ wala;

1 Korintobii 15:58

No hewɔ lɛ, minyɛmimɛi ni misumɔɔ, nyɛfĩa shi ni nyɛkagbugbãa ni nyɛtekea nɔ yɛ Nuŋtsɔ lɛ nitsumɔ lɛ mli daa nɛɛ, ejaakɛ nyɛle akɛ nyɛdeŋmegbomɔ lɛ efeŋ yaka yɛ Nuŋtsɔ lɛ mli.

1 Korintobii 16:13

Nyɛbua, nyɛdamɔa shi shiŋŋ yɛ hemɔkɛyeli lɛ mli, nyɛfea hii, ni nyɛhe awaa!

2 Korintobii 1:14

tamɔ bɔ ni nyɛna nyɛle wɔ hu fã kɛ fã akɛ nyɛshwãanɔ ji wɔ, tamɔ bɔ ni nyɛ hu nyɛ ji wɔshwãanɔ yɛ Nuŋtsɔ Yesu Kristo Gbi lɛ nɔ lɛ.

Galatabii 5:1

Kristo ehã wɔye wɔhe, no hewɔ lɛ, nyɛdamɔa shi shiŋŋ, ni nyɛkahãa abɔa nyɛ nyɔŋyeli apã lɛ dɔŋŋ.

Filipibii 1:27

Nɔ kome kɛkɛ ji akɛ, nyɛbaa nyɛjeŋ bɔ ni sa Kristo Sanekpakpa lɛ, koni kɛ miba mibana nyɛ jio, mikɛ nyɛ bɛ jio, manu nyɛhe akɛ nyɛdamɔ shi yɛ mumɔ kome mli, ni nyɛkɛ jwɛŋmɔ kome miipele Sanekpakpa lɛ hemɔkɛyeli lɛ he,

Filipibii 1:8

Bɔ ni mikɛ Yesu Kristo mlitsɔlɛ lɛ shweɔ nyɛ fɛɛ lɛ, Nyɔŋmɔ ji midasefonyo.

Filipibii 2:16

Ni nyɛhiɛ wala wiemɔ lɛ mli, koni etsɔ̃ shwãanɔ ehã mi yɛ Kristo Gbi lɛ nɔ, akɛ mifoijee lɛ efeee yaka ni mideŋmegbomɔ lɛ hu efeee efolo.

Filipibii 2:26

ejaakɛ eeshwe nyɛ fɛɛ, ni akɛni nyɛnu akɛ ehe miiye hewɔ lɛ eehao.

Kolosebii 4:12

Epafra ni jɛ nyɛteŋ ni ji Kristo tsulɔ ni daa nɛɛ ekɛ mɔdɛŋbɔɔ hiɛ sɔlemɔi amli waa kɛhã nyɛ, koni nyɛdamɔ shi akɛ mɛi ni eye emuu ni amɛyimɔ obɔ̃bɔ̃ kɛ Nyɔŋmɔ suɔmɔnaanii fɛɛ feemɔ lɛ, miibi nyɛ.

1 Tesalonikabii 3:13

Bɔ ni afee ni ehã nyɛtsui afi shi ni shwamɔ ko akahi nyɛhe yɛ krɔŋkrɔŋfeemɔ mli, yɛ Nyɔŋmɔ ni ji wɔTsɛ lɛ hiɛ, yɛ wɔNuŋtsɔ Yesu Kristo kɛ emɛi krɔŋkrɔŋi lɛ fɛɛ abaa be lɛ mli.

2 Tesalonikabii 2:15

Belɛ no hewɔ lɛ, anyɛmimɛi, nyɛfĩa shi, ni nyɛhiɛa nii ni wɔtsɔ̃ɔ nyɛ yɛ wiemɔ mli loo wolo mli lɛ mli.

2 Timoteo 2:1

Agbɛnɛ mibi, bo lɛ ohe awa yɛ dromɔ ni yɔɔ Kristo Yesu mli lɛ mli.

Hebribii 10:23

Ni nyɛhãa wɔmɔa wɔhiɛnɔkãmɔ jajemɔ lɛ mli ni awaa ni ekagbugbãa, ejaakɛ mɔ ni wo shi lɛ anɔkwafo ni.

Hebribii 3:14

Ejaakɛ wɔtsɔ̃mɔ Kristo nanemɛi niyelɔi, kɛji wɔhiɛ wɔhe ni wɔkɛfɔ̃ɔ enɔ kɛjɛ shishijee lɛ mli kpɛŋŋ kɛyashi naagbee lɛ.

Hebribii 4:14

Agbɛnɛ, akɛni wɔyɔɔ osɔfonukpa kpeteŋkple, ni efoŋ kɛtsɔ̃ ŋwɛiiaŋ, ni ji Yesu, Nyɔŋmɔ Bi lɛ nɛɛ, nyɛhãa wɔmɔa jajemɔ lɛ mli ni awaa.

2 Petro 3:17

Agbɛnɛ suɔmɔmɛi, akɛni nyɛ lɛ nyɛle momosa hewɔ lɛ, nyɛsaraa, koni akɛ gbɔmɛi fɔ̃ji alakamɔ sane lɛ akashãtã nyɛ hu, ni nyɛjɛ nyɛ diɛŋtsɛ nyɛshifimɔ lɛ mli nyɛgbee shi