Filipibii 3:9 - ŊMALƐ KRƆŊKRƆŊ LƐ

⁹ ni ana mi yɛ emli, akɛ mibɛ mi diɛŋtsɛ mijalɛ ni jɛ Mla mli, shi moŋ jalɛ ni tsɔ̃ Kristo nɔ hemɔkɛyeli nɔ ni jɛ Nyɔŋmɔ dɛŋ yɛ hemɔkɛyeli naa miyɔɔ,

Ṅmãle̱ Kroṅkroṅ Le̱

⁹ ni anami ye̱ emli, ake̱ mibe̱ midientše̱ midšale̱ ni dše̱ mla mli, ši moṅ noni tšõ Kristo no̱ hemo̱-ke̱-yeli no̱ ni dši dšale̱ ni dše̱ Nyoṅmo̱ deṅ ye̱ hemo̱-ke̱-yeli nā miyo̱, Rom. 3,21. 22.

Filipibii 3:9 ပူးပေါင်းရင်းမြစ်များ

1 Mose 7:23

Akpãtã nibii fɛɛ ni hiɛ kã ni yɔɔ shikpɔŋ lɛ nɔ lɛ hiɛ, kɛjɛ gbɔmɔ nɔ kɛyashi kooloi kɛ waamɔ nii kɛ loofɔji anɔ; akpãtã amɛhiɛ yɛ shikpɔŋ lɛ nɔ ni eshwɛ Noa kɛ mɛi ni kɛ lɛ yɔɔ adeka lɛ mli lɛ pɛ.

1 Maŋtsɛmɛi 8:46

“Kɛji amɛfee esha amɛshi bo, ejaakɛ mɔ ko mɔ ko bɛ ni efeee esha, ni omli fu amɛ, ni ohã amɛhenyɛlɔi ye amɛnɔ, ni amɛŋɔ amɛ nom kɛtee henyɛlɔi lɛ ashikpɔŋ nɔ, shɔŋŋ ni jio, kpaakpa ni jio,

2 Kronika 32:25

Shi ejurɔ ni Yehowa fee Hezekia lɛ sɛɛ lɛ, ehe nɔ moŋ Hezekia wo, ni ehiii shi bɔ ni sa Yehowa hiɛ. No hewɔ lɛ, Yehowa mli fu Yuda kɛ Yerusalɛm fɛɛ.

2 Kronika 32:31

Enɛ hewɔ lɛ, be ni Babilon lumɛi lɛ tsu bɔfoi Hezekia ŋɔɔ koni amɛbabi lɛ naakpɛɛ nii ni etsu yɛ shikpɔŋ lɛ nɔ lɛ he sane lɛ, Nyɔŋmɔ ŋmɛɛ Hezekia he ehã ehe nilee koni ekɛka Hezekia ekwɛ, kɛna nɔ ni yɔɔ etsuiŋ.

Lalai 14:3

Amɛ fɛɛ amɛdu gbɛ, amɛ fɛɛ kwa amɛfite. Mɔ ko mɔ ko bɛ ni feɔ ekpakpa. Dabida, mɔ kome folo nɛkɛ bɛ.

Lalai 143:2

Okɛ otsulɔ akakojo, ejaakɛ hiɛkãalɔ ko hiɛkãalɔ ko yeŋ bem yɛ ohiɛ.

Lalai 19:12

Namɔ aaanyɛ lɛ diɛŋtsɛ etɔmɔi ena? Yehowa, jiemɔ mi kɛjɛ midujiaŋ tɔ̃mɔi amli.

Jajelɔ 7:20

Anɔkwa, adesa ko bɛ shikpɔŋ nɛɛ nɔ ni ekpakpa sɔŋŋ kɛkɛ efeɔ, ni efeee esha.

Yesaia 46:13

Miha miyiwalaheremɔ ebɛŋkɛ; ebɛ shɔŋŋ. Midɛŋ yiwalaheremɔ lɛ etsɛŋ. Mibahere Yerusalɛm, ni mahã Israel hiɛ aba nyam.”

Yesaia 53:11

Esusuma haomɔ lɛ hewɔ lɛ, eeena nii ni aaahã etsui anyɔ emli. Kɛtsɔ̃ mitsulɔ jalɔ lɛ nilee nɔ lɛ, eeehã aŋɔ mɛi babaoo akɛ jalɔi, ni eeetere amɛnishaianii lɛ.

Yesaia 53:6

Wɔ fɛɛ tswɛm wɔtamɔ toi ni edu gbɛ. Wɔteŋ mɔ fɛɛ mɔ ekɔ lɛ diɛŋtsɛ egbɛ, ni Yehowa kɛ wɔ fɛɛ wɔnɔsha lɛ fɔ̃ enɔ.

Yesaia 6:5

Kɛkɛ ni mikɛɛ akɛ, “Kpoo hã mi, shi milaaje! Ejaakɛ gbɔmɔ ni naabu he tseee ji mi; ni miyɛ maŋ ni emli bii awiemɔi ahe tseee ateŋ, ejaakɛ mihiŋmɛii ena maŋtsɛ ni ji Yehowa, Taiatsɛ lɛ!”

Yeremia 23:6

Lɛ eyinɔ lɛ abaahere Yuda yiwala, ni Israel baahi shi shweshweeshwe; ni gbɛi ni akɛbaatsɛ lɛ ji, ‘Yehowa ji wɔjalɛ.’ ”

Yeremia 33:16

Nakai be lɛ mli lɛ aaahere Yuda kɛ Yerusalɛm yiwala, ni amɛaahi shi shweshweeshwe; ni gbɛi ni akɛaatsɛ Yerusalɛm ji ‘Yehowa ji wɔjalɛ.’

Daniel 9:24

“Be ni Nyɔŋmɔ eto ni ekɛbaafo omaŋbii lɛ kɛ omaŋ krɔŋkrɔŋ lɛ eshai kɛ nifɔɔjianii ni afee lɛ sɛɛ lɛ ji afii nyɔŋmai kpawo toi kpawo; abaafo eshafeemɔ sɛɛ; abaakpãtã eshafeelɔ kɛ Nyɔŋmɔ teŋ; ni jalɛ saneyeli aaabaye nɔ kɛya naanɔ; abaawo ninaa kɛ gbalɛ fɛɛ obɔ̃; ni abaasaa ajɔɔ He Krɔŋkrɔŋ lɛ nɔ ekoŋŋ.

Mateo 9:13

Shi nyɛyaa ni nyɛyakasea nɔ ni ji enɛ shishi. ‘Mɔbɔnalɛ mitaoɔ, ni jeee afɔle!’ Ejaakɛ mibaaa jalɔi atsɛmɔ, shi eshafeelɔi moŋ.”

Romabii 1:17

Ejaakɛ no mli ajieɔ Nyɔŋmɔ jalɛ kpo yɛ, kɛjɛɔ hemɔkɛyeli mli kɛyaa hemɔkɛyeli mli, tamɔ bɔ ni aŋma lɛ akɛ, “Shi jalɔ ni tsɔ̃ hemɔkɛyeli nɔ lɛ yi aaana wala.”

Romabii 10:10

Ejaakɛ tsui akɛheɔ ayeɔ kɛshɛɔ jalɛ he, ni naabu akɛjajeɔ kɛshɛɔ yiwalaheremɔ he.

Romabii 16:7

Nyɛŋaa Androniko kɛ Yunia, miwekumɛi ni awo mi kɛ amɛ tsuŋ ni amɛyɔɔ gbɛi yɛ bɔfoi lɛ ateŋ ni amɛtsɔ̃ mihiɛ yɛ Kristo mli lɛ.

Romabii 5:21

koni bɔ nɔŋŋ ni esha lɛ ye maŋtsɛ yɛ gbele mli lɛ, nakai nɔŋŋ dromɔ lɛ atsɔ̃ jalɛ nɔ aye maŋtsɛ kɛya naanɔ wala mli yɛ Yesu Kristo, wɔNuŋtsɔ lɛ, hewɔ.

Romabii 8:1

No hewɔ lɛ, agbɛnɛ fɔ ko fɔ ko bɛ ni abaabu mɛi ni yɔɔ Kristo Yesu mli lɛ.

Romabii 8:3

Ejaakɛ nɔ ni Mla lɛ nyɛɛɛ afee yɛ gbedemɔ ni heloo lɛ ehã egbede hewɔ lɛ, no Nyɔŋmɔ fee: etsu lɛ diɛŋtsɛ eBi lɛ yɛ su ni tamɔ esha heloo su mli, yɛ esha hewɔ; ni ebu esha lɛ fɔ yɛ heloo lɛ mli,

1 Korintobii 1:30

Shi lɛ ejɛ ni nyɛyɔɔ Kristo Yesu, mɔ ni tsɔ̃ nilee ni jɛ Nyɔŋmɔ ŋɔɔ kɛ jalɛ kɛ hetsuumɔ kɛ kpɔ̃mɔ ehã wɔ lɛ mli;

2 Korintobii 5:17

Hewɔ lɛ, kɛ mɔ ko yɛ Kristo mli lɛ, bɔɔnɔ hee ji lɛ; blema nii lɛ eho; naa, nibii fɛɛ etsɔ̃mɔ ehee.

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Galatabii 2:16

shi akɛni wɔle akɛ abuuu gbɔmɔ bem kɛjɛɛɛ Mla nitsumɔi amli, akɛ ja atsɔ̃ Yesu Kristo nɔ hemɔkɛyeli lɛ nɔ kɛkɛ lɛ, wɔ hu wɔhe Kristo Yesu nɔ wɔye, koni abu wɔ bem yɛ Kristo nɔ hemɔkɛyeli mli, ni jeee Mla nitsumɔi amli, ejaakɛ abuŋ gbɔmɔ ko gbɔmɔ ko bem kɛjɛŋ Mla nitsumɔi amli.

5 Mose 27:26

“‘Alomɔ mɔ ni yeee nɛkɛ mlai nɛɛ anɔ, ni no hewɔ lɛ, ehaŋ mlai lɛ ama shi lɛ.’ Ni maŋ muu lɛ fɛɛ ahere nɔ akɛ, ‘Amen!’ ”

Filipibii 3:6

ni jamɔ he hiɛdɔɔ gbɛfaŋ lɛ asafo lɛ yiwalɔ ji mi, ni yɛ jalɛ ni Mla lɛ taoɔ gbɛfaŋ lɛ mihe bɛ shwamɔ ko.

2 Timoteo 1:9

Lɛ ehere wɔyiwala ni ekɛ tsɛmɔ krɔŋkrɔŋ tsɛ wɔ, jeee wɔnitsumɔi anaa, shi moŋ yɛ lɛ diɛŋtsɛ eyiŋtoo kɛ edromɔ naa, nɔ ni ekɛ hã wɔ yɛ Kristo Yesu mli dani aje be shishi,

Tito 3:5

jeee jalɛ nitsumɔi ni wɔ diɛŋtsɛ wɔtsu naa, shi moŋ lɛ diɛŋtsɛ emɔbɔnalɛ naa etsɔ̃ eheefɔmɔ hejuu kɛ Mumɔ Krɔŋkrɔŋ eheefeemɔ lɛ nɔ ehere wɔyiwala.

Hebribii 6:18

koni wɔtsɔ̃ saji enyɔ ni tsakeee ni Nyɔŋmɔ nyɛŋ emale yɛ mli lɛ anɔ wɔna miishɛjemɔ ni wa, ni wɔ mɛi ni wɔyaba abo lɛ wɔkɛmɔ hiɛnɔkãmɔ ni kã wɔhiɛ lɛ mli;

Yakobo 3:2

Ejaakɛ wɔ fɛɛ wɔtɔ̃ɔ babaoo. Kɛji mɔ ko tɔ̃ɔɔ yɛ wiemɔ mli lɛ, lɛ lɛ gbɔmɔ ni hi kɛwula shi ji lɛ, ni eyɛ hewalɛ akɛ ekɛaawo gbɔmɔtso muu lɛ fɛɛ manyoflɛ.

2 Petro 1:1

Simon Petro ni ji Yesu Kristo tsulɔ kɛ bɔfo lɛ ŋma yahã mɛi ni nine eshɛ hemɔkɛyeli ni jara wa tamɔ wɔnɔ lɛ nɔŋŋ nɔ kɛtsɔ̃ wɔNyɔŋmɔ kɛ wɔyiwalaherelɔ Yesu Kristo jalɛ lɛ nɔ lɛ.

1 Yohane 3:4

Mɔ fɛɛ mɔ ni feɔ esha lɛ eefee mlatɔ̃mɔnii hu; ni esha lɛ mlatɔ̃mɔ ni.