Filipibii 3:8 - ŊMALƐ KRƆŊKRƆŊ LƐ

⁸ Anɔkwale mli lɛ mibuɔ fɛɛ akɛ shigbeemɔ yɛ Kristo Yesu, miNuŋtsɔ lɛ, he nilee ni fe nii fɛɛ lɛ hewɔ; lɛ ehewɔ ni nii fɛɛ ebɔ mi, ni mibuɔ amɛ akɛ tumo nɔ nii, koni mana Kristo,

Ṅmãle̱ Kroṅkroṅ Le̱

⁸ Ši le̱le̱ṅ ake̱ mibuo̱ fẽ lãdšeme̱nii ye̱ Kristo Iesu, mi-Nuṅtšo̱ le̱, he nilẽ ni fé fẽ ie̱ hewo̱, le̱ ehewo̱ ni nii fẽ ebo̱mi, ni mibuo̱ame̱ ake̱ tumuno̱nii, koni Kristo moṅ afe minõ,

Filipibii 3:8 ပူးပေါင်းရင်းမြစ်များ

Romabii 8:18

Ejaakɛ misusuɔ akɛ ŋmɛnɛŋmɛnɛ amanehului lɛ kɛ anunyam ni wɔsɛɛ abaajie kpo atsɔ̃ɔ wɔ lɛ yeee egbɔ.

Bɔfoi 20:24

Shi kɛ̃lɛ mibuuu miwala akɛ ejara wa hã mi, bɔ ni afee ni mikɛ miishɛɛ agbe migbɛnyiɛmɔ lɛ kɛ sɔ̃ɔmɔ ni mina yɛ Nuŋtsɔ Yesu dɛŋ akɛ miye Nyɔŋmɔ dromɔ lɛ he Sanekpakpa lɛ he odase faŋŋ lɛ naa.

Filipibii 3:7

Shi kɛ̃lɛ nii ni ji sɛɛnamɔ hã mi sa lɛ, yɛ Kristo hewɔ lɛ mibu amɛ akɛ shigbeemɔ.

Yohane 17:3

Shi enɛ ji naanɔ wala lɛ, akɛ amɛle bo, anɔkwa Nyɔŋmɔ kome lɛ, kɛ Yesu Kristo, mɔ ni otsu lɛ.

Filipibii 3:10

ni male lɛ Kristo eshitee lɛ hewalɛ lɛ; ni mana emanehului lɛ eko, ni matamɔ lɛ yɛ egbele lɛ gbɛfaŋ;

2 Petro 1:3

ENyɔŋmɔ hewalɛ lɛ kɛ nii fiaa ni hi hã wala kɛ Nyɔŋmɔ gbeyeishemɔ lɛ eke wɔ yɛ mɔ ni tsɔ̃ lɛ diɛŋtsɛ enunyam kɛ ehewalɛ nɔ etsɛ wɔ lɛ he nilee mli.

1 Korintobii 2:2

ejaakɛ mitooo miyiŋ akɛ male nɔ ko yɛ nyɛteŋ, akɛ ja Yesu Kristo, mɔ ni asɛŋ lɛ lɛ.

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.

Yohane 17:8

ejaakɛ wiemɔi lɛ ni okɛhã mi lɛ, mikɛhã amɛ; ni amɛmɔ mli, ni amɛna amɛle anɔkwale mli akɛ oŋɔɔ mijɛ, ni amɛhe amɛye akɛ bo otsu mi.

Yohane 14:20

Nakai gbi lɛ nɔ lɛ nyɛ diɛŋtsɛ nyɛaale akɛ miyɛ miTsɛ mli, ni nyɛ hu nyɛyɛ mimli, ni mi hu miyɛ nyɛmli.

Hebribii 3:14

Ejaakɛ wɔtsɔ̃mɔ Kristo nanemɛi niyelɔi, kɛji wɔhiɛ wɔhe ni wɔkɛfɔ̃ɔ enɔ kɛjɛ shishijee lɛ mli kpɛŋŋ kɛyashi naagbee lɛ.

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

Yohane 14:7

Eji nyɛle mi kulɛ, nyɛaale miTsɛ hu; ni kɛjɛ ŋmɛnɛ nɔ kɛyaa nɛɛ nyɛle lɛ, ni nyɛna lɛ.”

Yesaia 53:11

Esusuma haomɔ lɛ hewɔ lɛ, eeena nii ni aaahã etsui anyɔ emli. Kɛtsɔ̃ mitsulɔ jalɔ lɛ nilee nɔ lɛ, eeehã aŋɔ mɛi babaoo akɛ jalɔi, ni eeetere amɛnishaianii lɛ.

Efesobii 4:13

kɛyashi beyinɔ ni wɔ fɛɛ wɔɔshɛ ekomefeemɔ ni yɔɔ Nyɔŋmɔ Bi lɛ nɔ hemɔkɛyeli kɛ ehe nilee mli lɛ he. Ni wɔfee nuu ni eye emuu yɛ Kristo emuuyeli lɛ susumɔ naa;

2 Petro 3:18

Shi nyɛshwerea yɛ wɔNuŋtsɔ kɛ yiwalaherelɔ Yesu Kristo dromɔ kɛ nilee lɛ mli. Lɛ nɔŋŋ aŋɔ anunyam ahã agbɛnɛ kɛ daa. Amen!

1 Yohane 1:3

Nɔ ni wɔna ni wɔnu lɛ, no wɔjajeɔ wɔtsɔ̃ɔ nyɛ hu, koni nyɛ hu nyɛkɛ wɔ abɔ naanyo. Shi wɔnaanyobɔɔ lɛ, Tsɛ lɛ kɛ eBi Yesu Kristo lɛ wɔkɛbɔɔ.

2 Timoteo 4:6

Ejaakɛ mi lɛ, aafɔse mila aashwie shi momo akɛ afɔle, ni mimliyimɔ be lɛ eshɛ.

Yohane 20:28

Toma here nɔ ni ekɛɛ lɛ akɛ, “MiNuŋtsɔ kɛ miNyɔŋmɔ.”

Yohane 16:3

Ni amɛaafee enɛɛmɛi, ejaakɛ amɛleee Tsɛ lɛ ni amɛleee mi hu.

Lalai 126:6

Mɛi ni kɛ hiɛ yaafonu hiɛɔ dumɔ wui kɛyaa dumɔ lɛ, amɛkɛ ŋmãa yiteremɔi aaaba shĩa kɛ nyamɔ.

1 Yohane 2:19

Wɔteŋ amɛjɛ amɛtee, shi kɛ̃lɛ amɛjeee wɔteŋ mɛi komɛi, ejaakɛ wɔteŋ mɛi komɛi ji amɛ kulɛ amɛ kɛ wɔ hi shi. Shi amɛtee bɔ ni afee ni amɛ jie amɛhe shi akɛ amɛ fɛɛ lɛ jeee wɔteŋ mɛi komɛi ji amɛ.

1 Petro 2:7

No hewɔ lɛ, nyɛ mɛi ni nyɛheɔ nyɛyeɔ lɛ ejara wa hã nyɛ; shi mɛi ni heee yeee lɛ, “Tɛ ni tsutswalɔi lɛ ekwa lɛ, No nɔŋŋ etsɔ̃ koŋtɛ”

Galatabii 1:16

akɛ eeejie lɛ diɛŋtsɛ eBi lɛ kpo etsɔ̃ɔ mi, koni mijaje ehe Sanekpakpa lɛ mitsɔ̃ɔ yɛ jeŋmaji lɛ ateŋ lɛ, amrɔ lɛ mibiii gbɔmɔ ko ŋaawoo yɛ he,

2 Korintobii 4:4

amɛ ji mɛi amli ni je nɛɛ mli nyɔŋmɔ lɛ eshwila mɛi ni heee yeee lɛ ajwɛŋmɔi lɛ yɛ, koni Kristo ni ji Nyɔŋmɔ subaŋ lɛ anunyam Sanekpakpa la lɛ akakpɛ miihã amɛ.

1 Korintobii 9:10

aloo wɔhewɔ kwraa moŋ ewieɔ nɛɛ? Wɔhewɔ nɔŋŋ aŋma, ejaakɛ esa akɛ mɔ ni huɔ lɛ, ekɛ hiɛnɔkãmɔ ahu, ni mɔ ni kpalaa abele hu hiɛ akã nɔ akɛ ebaaye eko.

Yohane 20:13

Ni amɛbi lɛ akɛ, “Awo, mɛɛba ofoɔ?” Ekɛɛ amɛ akɛ, “Ejaakɛ amɛwo miNuŋtsɔ lɛ kɛtee, ni mileee he ni amɛkɛ lɛ eyaŋmɛ.”

Luka 11:20

Shi kɛji Nyɔŋmɔ wao mikɛfãa mumɔi fɔ̃ji lɛ, no lɛ Nyɔŋmɔ Maŋtsɛyeli lɛ eshɛ nyɛŋɔɔ.

4 Mose 14:30

amɛteŋ mɔ kome nɛkɛ shɛŋ shikpɔŋ lɛ ni miwo shi yɛ he akɛ mikɛbaahã nyɛ koni nyɛhi nɔ lɛ nɔ, akɛ ja Kaleb, Yefune bi lɛ, kɛ Yoshua, Nun bi lɛ.

Luka 1:43

Ni nɛgbɛ mina nyam nɛɛ kɛjɛ akɛ miNuŋtsɔ nyɛbaa miŋɔɔ nɛɛ?

Maleaki 2:3

Naa, mibakã nyɛshwiei ahiɛ, ni mikɛ nyɛfɔleshãa kooloi lɛ awamɔ lɛ aaakpa nyɛhiɛ; ni aaaloo nyɛ kɛ wamɔ lɛ fɛɛ ayashwie tumo nɔ.

Hiob 20:7

kɛ̃lɛ amɛhiɛ aaakpãtã kɛya naanɔ tamɔ amɛ diɛŋtsɛ amɛwamɔ. Mɛi ni ena amɛ pɛŋ lɛ aaabi akɛ, ‘Nɛgbɛ amɛtee?’

2 Maŋtsɛmɛi 9:37

ni Yezebel gbonyo baatsɔ̃ tamɔ tumo nɔ wamɔ yɛ ŋa lɛ nɔ yɛ Yezreel shikpɔŋ lɛ nɔ; bɔ ni mɔ ko mɔ ko yooo lɛ ni eeekɛɛ akɛ Yezebel nɛ.’ ”

1 Maŋtsɛmɛi 14:10

Enɛ hewɔ lɛ, naa, mahã sane fɔŋ aye Yereboam we lɛ. Maplene Yereboam we lɛ mli nuu fɛɛ nuu hiɛ yɛ Israel: nyɔŋ kɛ mɔ ni eye ehe fɛɛ. Makpãtã Yeroboam we lɛ hiɛ kwraa tamɔ abɛɔ wamɔ, ni awoɔ mli la yɛ tumo nɔ ashãa kɛyashiɔ beyinɔ ni fɛɛ shãa wɛɛ lɛ.

Lalai 73:25

Namɔ miyɔɔ yɛ ŋwɛi fe bo? Ni nɔ ko nɔ ko bɛ shikpɔŋ nɛɛ nɔ ni mitaoɔ yɛ bo osɛɛ.

Romabii 8:39

ŋwɛi jio, shishi jio, aloo nibii ni abɔ lɛ amli nɔ kroko jio, amɛnyɛŋ amɛgbala wɔ kɛ Nyɔŋmɔ suɔmɔ ni yɔɔ Kristo Yesu, wɔNuŋtsɔ lɛ, mli lɛ mli.

Filipibii 1:1

Paulo kɛ Timoteo, Yesu Kristo tsuji lɛ; ŋma yahã mɛi krɔŋkrɔŋi ni yɔɔ Yesu Kristo mli yɛ Filipi lɛ kɛ amɛnɔkwɛlɔi kɛ sɔ̃ɔlɔi lɛ fɛɛ.

Filipibii 3:12

Jeee akɛ minine eshɛ nɔ momo aloo mihi kɛwula shi momo, shi miipele mihiɛ gbɛ ni minine ashɛ nɔ, gbii abɔ ni Kristo Yesu nine eshɛ mi hu minɔ lɛ.

2 Petro 1:2

Dromɔ kɛ hejɔlɛ afa ahã nyɛ yɛ Nyɔŋmɔ kɛ wɔNuŋtsɔ Yesu he nilee lɛ mli.

2 Petro 1:8

Ejaakɛ kɛji nɛkɛ nii nɛɛ yɛ nyɛmli ni efa lɛ, ehãŋ nyɛfee mɛi ni ebɔɔɔ mɔdɛŋ aloo mɛi ni wooo yibii yɛ wɔNuŋtsɔ Yesu Kristo he nilee lɛ gbɛfaŋ.