Filipibii 2:8 - ŊMALƐ KRƆŊKRƆŊ LƐ

⁸ Eba ehe shi ni ebo toi kɛtee gbele mli, kɛtee sɛŋmɔtso nɔ gbele mli tete.

Ṅmãle̱ Kroṅkroṅ Le̱

⁸ eba ehe ši ni ebo toi ke̱-te gbĕlemli, ke̱-te se̱ṅmo̱tšo no̱ gbĕ-le mli tete. Heb. 12,2; 5,8.

Filipibii 2:8 ပူးပေါင်းရင်းမြစ်များ

Lalai 22:16

Henyɛlɔi ebɔle mi kɛkpe tamɔ shifɔji; mɛi fɔ̃ji asafo efo sa ewo mihe kpula, amɛtserɛ miniji kɛ minaji.

Abe̱i 15:33

Yehowa gbeyeishemɔ ji tsɔsemɔ ni hãa mɔ leɔ nii; ni anunyam yɔɔ nɛɛ heshibaa nyiɛɔ ehiɛ.

Mateo 17:2

Ni egbɔmɔtso su tsake yɛ amɛhiɛ, ni ehiɛ kpɛ tamɔ hulu, ni etadei lɛ yɛ tamɔ la.

Mateo 26:39

Ni etee hiɛ fioo, ni ekɛ ehiɛ bu shi, ni esɔle ekɛɛ, “MiTsɛ, kɛji aaaho lɛ, hã ni kpulu nɛɛ aho mihe aya; shi kɛ̃lɛ jeee bɔ ni mi misumɔɔ, shi moŋ bɔ ni bo osumɔɔ.”

Mateo 26:42

Eyiŋ etee ekoŋŋ nɔ ni ji shii enyɔ, ni eyasɔle ekɛɛ, “MiTsɛ, kɛji kpulu nɛɛ nyɛŋ mihe aho aya akɛ ja minu lɛ, afee bɔ ni bo osumɔɔ.”

Luka 9:29

Be ni esɔleɔ lɛ, ehiɛ su tsake ni etade lɛ yɛ futaa ni ekpɛ kaŋkaŋ.

Yohane 10:18

Mɔ ko shɔ̃ɔɔ yɛ midɛŋ, shi moŋ mi diɛŋtsɛ mikɛŋmɛɔ shi; miyɛ hewalɛ akɛ mikɛŋmɛɔ shi, ni miyɛ hewalɛ akɛ miŋɔɔ ekoŋŋ; bɔ ni Tsɛ lɛ kɛɛ mi nɛ.”

Yohane 14:31

shi bɔ ni afee ni je lɛ ana ale akɛ miisumɔ Tsɛ lɛ, ni bɔ ni Tsɛ lɛ wo mi kitã lɛ nakai mifeɔ lɛ. Nyɛtea shi, nyɛhãa wɔjea biɛ wɔyaa.”

Yohane 15:10

Kɛji nyɛye mikitãi lɛ anɔ lɛ, nyɛaahi misuɔmɔ lɛ mli, tamɔ bɔ ni miye miTsɛ kitãi lɛ anɔ ni mihiɔ esuɔmɔ lɛ mli lɛ.

Yohane 4:34

Yesu kɛɛ amɛ akɛ, “Miŋmaa ji akɛ mafee mɔ ni tsu mi lɛ suɔmɔnaanii, ni magbe enitsumɔ lɛ naa.

Bɔfoi 8:33

Be ni aba lɛ shi lɛ akojooo lɛ jalɛ naa; shi eshwiei lɛ, namɔ aaagba amɛhe sane? Ejaakɛ afo ewala sɛɛ kɛjɛ shikpɔŋ lɛ nɔ.”

Romabii 5:19

Ejaakɛ tamɔ bɔ ni atsɔ̃ gbɔmɔ kome lɛ toigbele lɛ nɔ ahã mɛi pii tsɔ̃mɔ eshafeelɔi lɛ, nakai nɔŋŋ aaatsɔ̃ mɔ kome lɛ toiboo lɛ nɔ ahã mɛi pii hu atsɔ̃mɔ jalɔi.

2 Korintobii 8:9

Ejaakɛ nyɛle wɔNuŋtsɔ Yesu Kristo dromɔ lɛ, akɛ lɛ ni ji niiatsɛ lɛ, etsɔ̃ ohiafo yɛ nyɛhewɔ, koni nyɛtsɔ̃ ehia lɛ nɔ nyɛtsɔ̃mɔ niiatsɛmɛi.

Galatabii 3:13

Kristo kpɔ̃ wɔ kɛjɛ Mla lɛ loomɔ lɛ mli, akɛni etsɔ̃ loomɔ ehã wɔ lɛ, ejaakɛ aŋma akɛ, “Alomɔ mɔ fɛɛ mɔ ni tsotsoro tso nɔ lɛ;”

5 Mose 21:23

akahã egbonyo lɛ miihi tso lɛ nɔ ni je tsɛre nɔ. Afu mɔ lɛ gbi nɔ ni asɛŋ lɛ lɛ nɔŋŋ, ejaakɛ nɛkɛ gbɔmɔ lɛ Nyɔŋmɔ loomɔ kã enɔ koni nyɛkabule shikpɔŋ ni Yehowa, nyɛNyɔŋmɔ lɛ, kɛhã nyɛ lɛ.”

Tito 2:14

Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.

Hebribii 12:2

Ni wɔkwɛ hemɔkɛyeli shishijelɔ kɛ naagbelɔ ni ji Yesu lɛ, mɔ ni nyamɔ ni kã ehiɛ lɛ hewɔ lɛ emia ehiɛ yɛ sɛŋmɔtso lɛ he amanehulu lɛ mli. Ni ebuuu hiɛgbele lɛ, ni eyata shi yɛ Nyɔŋmɔ maŋtsɛ sɛi lɛ ninejurɔ nɔ lɛ.

Hebribii 12:4

Nyɛnako nyɛgbee hiɛ kɛyashi lájee mli yɛ nyɛ kɛ esha tawuu lɛ mli;

1 Petro 2:24

Kristo diɛŋtsɛ etere wɔhe eshai lɛ yɛ egbɔmɔtso lɛ mli kɛtee sɛŋmɔtso lɛ nɔ, koni wɔfee tamɔ mɛi ni egboi yɛ esha gbɛfaŋ ni wɔhiɛ akamɔ yɛ jalɛ gbɛfaŋ lɛ; lɛ ehe faji akɛtsa nyɛ lɛ.

1 Petro 3:18

Ejaakɛ Kristo hu na amanehulu yɛ eshai ahewɔ shi kome, lɛ jalɔ lɛ yɛ mɛi ni ejaaa lɛ anajiaŋ, koni ekɛ wɔ aya Nyɔŋmɔ ŋɔɔ. Ni agbe lɛ yɛ heloo gbɛfaŋ moŋ, shi ahã lɛ wala yɛ mumɔ gbɛfaŋ.