Filipibii 2:6 - ŊMALƐ KRƆŊKRƆŊ LƐ

⁶ Lɛ mɔ ni ehiɛ Nyɔŋmɔ su moŋ, shi ebuuu hegbɔ ni ekɛ Nyɔŋmɔ ye lɛ akɛ nɔ ko ni sa akɛ ehiɛ mli kpɛŋŋ,

Ṅmãle̱ Kroṅkroṅ Le̱

⁶ moni *Nyoṅmo̱ su le̱ṅ eyo̱ moṅ, ši ebuu egbo̱ ni eke̱ †Nyoṅmo̱ ye le̱ ake̱ nihanii; *Ioh 1,12; 17,5. †1 Mose 3,5.

Filipibii 2:6 ပူးပေါင်းရင်းမြစ်များ

Yesaia 7:14

No hewɔ lɛ, Nuŋtsɔ lɛ diɛŋtsɛ baatsɔ̃ɔ nyɛ okadi. Naa, Oblayoo foro ko baana musu, ni ebaafɔ binuu, ni eeewo lɛ gbɛi Imanuel

Yesaia 8:8

Amɛbaashwie amɛnɔ tamɔ faa wulu Eufrate. Emli nu babaoo lɛ aaasram nɔ boboobo, ni eeeha nujɔi fɛɛ anɔ, ni eeeje ŋa kɛaayabote Yuda shikpɔŋ lɛ nɔ, ni ebaayi kɛyaashi eeeyata gbɔmɔ kuɛ, ni eeekple shikpɔŋ lɛ hiɛ fɛɛ, Ao Imanuel.”

Yesaia 9:6

Ejaakɛ afɔ bi ahã wɔ! Afɔ binuu ahã wɔ. Elumɔyeli kã ekɔŋ. Abaatsɛ lɛ “Naakpɛɛ Ŋaawolɔ,” “Nyɔŋmɔ Hewalɔ, Naanɔtsɛ, Hejɔlɛ Lumɔ.”

Yeremia 23:6

Lɛ eyinɔ lɛ abaahere Yuda yiwala, ni Israel baahi shi shweshweeshwe; ni gbɛi ni akɛbaatsɛ lɛ ji, ‘Yehowa ji wɔjalɛ.’ ”

Mika 5:2

Yehowa kɛɛ, “Betlehem Efrata, maji bibii fe fɛɛ ni yɔɔ Yuda shikpɔŋ lɛ nɔ lɛ ateŋ ekome ji bo, shi omli majie Israel nɔyelɔ kɛaajɛ. Nɔyelɔ nɛɛ weku kpãa aaajɛ blema beebe.”

Zakaria 13:7

Yehowa Taiatsɛ lɛ kɛɛ ekoŋŋ akɛ, “Bo klante, wo ohe nɔ owo mitookwɛlɔ lɛ, mɔ ni ji misɛɛ mɔ lɛ, koni toi lɛ agbɛ ashwã. Mawo minine nɔ yɛ too bibiibii tete anɔ ni maplenee amɛ.

Mateo 1:23

“Naa, oblayoo foro lɛ aaana musu, Ni eeefɔ binuu, ni amɛaawo lɛ gbɛi akɛ Imanuel, eshishi ji Nyɔŋmɔ kɛ wɔ yɛ.”

Yohane 1:18

Nyɔŋmɔ lɛ, mɔ ko enako lɛ pɛŋ; Bi koome ni yɔɔ Tsɛ lɛ mlishi lɛ, lɛ ebajie lɛ shi etsɔ̃ɔ faŋŋ.

Yohane 10:30

Mi kɛ Tsɛ lɛ fɛɛ lɛ, ekomeŋ.”

Yohane 10:33

Yudafoi lɛ here lɛ nɔ amɛkɛɛ, “Jeee nitsumɔ kpakpa ko hewɔ wɔbaatswia bo tɛi lɛ, shi moŋ musubɔɔ hewɔŋ, ejaakɛ bo ni gbɔmɔ ji bo lɛ, ootsɛ ohe Nyɔŋmɔ.”

Yohane 10:38

shi kɛji no mitsuɔ, ni kɛ̃lɛ nyɛheee mi nyɛyeee lɛ, nyɛhea nitsumɔi lɛ kɛkɛ nyɛyea mɔ, koni nyɛle ni nyɛhe nyɛye akɛ Tsɛ lɛ yɛ mimli, ni mi hu miyɛ Tsɛ lɛ mli.”

Yohane 14:28

Nyɛnu akɛ mikɛɛ nyɛ akɛ, Miiya, ni mibaba nyɛŋɔɔ. Nyɛmiisumɔ mi kulɛ, nyɛaana miishɛɛ akɛ miiya Tsɛ lɛ ŋɔɔ, ejaakɛ miTsɛ da fe mi.

Yohane 14:9

Yesu kɛɛ lɛ akɛ, “Kɛjɛ jeeŋmɔ ni mikɛ nyɛ yɔɔ nɛɛ, oleko mi lolo, Filipo? Mɔ ni ena mi lɛ, ena Tsɛ lɛ, ni te feɔ tɛŋŋ ni okɛɔ akɛ ‘Tsɔ̃ɔmɔ wɔ Tsɛ lɛ?’

Yohane 17:5

Ni agbɛnɛ, Ataa, kɛ anunyam ni miyɔɔ yɛ oŋɔɔ dani abɔ je lɛ awo mihiɛ nyam yɛ omasɛi.”

Yohane 20:28

Toma here nɔ ni ekɛɛ lɛ akɛ, “MiNuŋtsɔ kɛ miNyɔŋmɔ.”

Yohane 5:18

No hewɔ titri Yudafoi lɛ taoɔ lɛ agbe lɛ, ejaakɛ jeee akɛ ebule hejɔɔmɔ gbi lɛ kɛkɛ, shi asaŋ etsɛ Nyɔŋmɔ akɛ lɛ diɛŋtsɛ eTsɛ, ni efee ehe akɛ mɔ ko ni kɛ Nyɔŋmɔ ye hegbɔ.

Yohane 5:23

koni mɛi fɛɛ abu Bi lɛ, tamɔ bɔ ni amɛbuɔ Tsɛ lɛ. Mɔ ni ebuuu Bi lɛ, ebuuu Tsɛ lɛ ni tsu lɛ lɛ hu.

Romabii 9:5

amɛnɔ ji tsɛmɛi lɛ, ni amɛmli hu Kristo tete jɛ yɛ heloo gbɛfaŋ lɛ, lɛ ji nii fiaa nɔ Nyɔŋmɔ ni ajɔɔ lɛ kɛyashiɔ naanɔ lɛ. Amen!

2 Korintobii 4:4

amɛ ji mɛi amli ni je nɛɛ mli nyɔŋmɔ lɛ eshwila mɛi ni heee yeee lɛ ajwɛŋmɔi lɛ yɛ, koni Kristo ni ji Nyɔŋmɔ subaŋ lɛ anunyam Sanekpakpa la lɛ akakpɛ miihã amɛ.

2 Korintobii 8:9

Ejaakɛ nyɛle wɔNuŋtsɔ Yesu Kristo dromɔ lɛ, akɛ lɛ ni ji niiatsɛ lɛ, etsɔ̃ ohiafo yɛ nyɛhewɔ, koni nyɛtsɔ̃ ehia lɛ nɔ nyɛtsɔ̃mɔ niiatsɛmɛi.

1 Timoteo 1:17

Shi naanɔi aMaŋtsɛ lɛ, mɔ ni gbooo, mɔ ni anaaa, mɔ ni ji Nyɔŋmɔ kome lɛ, aŋɔ woo kɛ anunyam ahã kɛyashi naanɔi anaanɔ. Amen!

1 Timoteo 3:16

Ni nɔ ko ni ŋwanejee ko bɛ he akɛ eda kpeteŋkple ji Nyɔŋmɔjamɔ teemɔ sane lɛ: Nyɔŋmɔ jie ehe shi faŋŋ yɛ gbɔmɔtso mli, abu lɛ bem yɛ mumɔ mli, bɔfoi na lɛ, ashiɛ lɛ yɛ jeŋmaji ateŋ, ahe enɔ aye yɛ jeŋ, aŋɔ lɛ kɛtee ŋwɛi yɛ anunyam mli.

Tito 2:13

be mli ni wɔmiikwɛ jɔɔmɔ ni wɔhiɛ kã nɔ kɛ wɔNyɔŋmɔ kpeteŋkple kɛ wɔyiwalaherelɔ Yesu Krito anunyam lɛ puemɔ lɛ gbɛ lɛ.

Hebribii 1:3

Lɛ ji enunyam lɛ kpɛmɔ kɛ esu lɛ mfoniri lɛ, ni ekɛ lɛ diɛŋtsɛ ehewalɛ wiemɔ lɛ hiɛɔ nibii fɛɛ. Be ni ekɛ lɛ diɛŋtsɛ ehe etsuu wɔhe kɛjɛ wɔhe eshai lɛ amli lɛ, etee eyata shi yɛ anunyam-Tsɛ agbo lɛ nine jurɔ nɔ yɛ ŋwɛi,

Hebribii 1:6

Ni be ni ekɛ kromɔbi lɛ baa je nɛɛ mli lɛ, ekɛɛ ekoŋŋ akɛ, “Nyɔŋmɔ bɔfoi fɛɛ aja lɛ.”

Hebribii 1:8

Shi Bi lɛ, ekɛɛ yɛ ehe akɛ, “Ao Nyɔŋmɔ, omaŋtsɛ sɛi lɛ ma shi kɛmiiya naanɔi anaanɔ, ni omaŋtsɛ tso lɛ, jalɛ maŋtsɛ tso ni.

Hebribii 13:8

Yesu Kristo lɛ, bɔ ni eyɔɔ nyɛ kɛ ŋmɛnɛ lɛ, nakai nɔŋŋ eyɔɔ kɛyaa naanɔ.

Kpojiemɔ 21:6

Ni ekɛɛ mi akɛ, “Agbe naa. Mi ji Alfa lɛ kɛ Omega lɛ, shishijee lɛ kɛ naagbee lɛ. Mɔ ni kumai yeɔ lɛ lɛ, mahã lɛ wala nubu lɛ mli nu lɛ eko yaka.