Filipibii 2:3 - ŊMALƐ KRƆŊKRƆŊ LƐ

³ Ni nyɛkafea nɔ ko kɛ mligbalamɔ mumɔ loo yaka anunyam taomɔ, shi moŋ nyɛkɛ heshibaa jwɛŋmɔ abua nyɛnanemɛi akɛ amɛfe nyɛ.

Ṅmãle̱ Kroṅkroṅ Le̱

³ ni nyekaṅmēa mligblamo̱i lo *yaka anumnyam taomo̱ gbe̱, ši moṅ nyeke̱ hešibãdſẽṅmo̱ †abubua nyenanemei fé nyedientše̱ nyehe; *Gal. 5.26 †Rom. 12,10.

Filipibii 2:3 ပူးပေါင်းရင်းမြစ်များ

Abe̱i 13:10

Hewoo lɛ bei kɛkɛ ekɛbaa; shi mɛi ni boɔ ŋaawoo toi lɛ, amɛleɔ nii.

Luka 18:14

Miikɛɛ nyɛ akɛ, nɛkɛ nuu nɛɛ yiŋ etee ewe ni abu lɛ bem fe mɔ kome lɛ. Ejaakɛ mɔ fɛɛ mɔ ni woɔ ehe nɔ lɛ aaaba lɛ shi, shi mɔ ni baa ehe shi lɛ, aaawo enɔ.”

Romabii 12:10

nyɛkɛ nyɛmimɛi asuɔmɔ ni mli wa asumɔsumɔa nyɛhe; mɔ fɛɛ mɔ atsɔ̃ hiɛ ekɛ woo ahã enaanyo.

Romabii 13:13

Nyɛhãa wɔnyiɛa fɛɛfɛo bɔ ni sa shwane, jeee yɛ dãanumɔ mli basabasafeemɔ kɛ dãatɔɔ mli; jeee ajwamãŋbɔɔ kɛ nyɛnyɛŋtswibɔɔ mli, jeee bei kɛ awuŋayeli mli;

Romabii 2:8

shi mɛi ni sumɔɔ bei ni amɛbooo anɔkwale lɛ toi, shi amɛboɔ nii ni ejaaa moŋ toi lɛ, amɛnɔ ji mlifu kɛ mlila.

1 Korintobii 15:9

Ejaakɛ mi lɛ mi ji bibioo fe fɛɛ yɛ bɔfoi lɛ ateŋ, ni misaaa tete akɛ atsɛɔ mi bɔfo, ejaakɛ miwa Nyɔŋmɔ asafo lɛ yi.

1 Korintobii 3:3

ejaakɛ helooŋ gbɔmɛi ji nyɛ lolo. Shi gbii abɔ ni awuŋayeli kɛ bei yɔɔ nyɛteŋ lolo lɛ, ani jeee helooŋ gbɔmɛi ji nyɛ ni gbɔmɛi ajeŋba nyɛbaa lɛ?

2 Korintobii 12:20

Ejaakɛ miishe gbeyei akɛ ekolɛ kɛ miba lɛ, mibanaŋ nyɛ bɔ ni misumɔɔ, ni nyɛ hu nyɛnaŋ mi bɔ ni nyɛsumɔɔ; bei, awuŋayeli, mlilawoo, pɛsɛŋkuminya, oshekuyeli, mɔhewiemɔ, hefaa, sakasakafeemɔ;

Galatabii 5:15

Shi kɛ nyɛkɔ̃mɔkɔ̃mɔɔ nyɛhe ni nyɛyeyeɔ nyɛhe lɛ, nyɛkwɛa ni nyɛkakpãtãa nyɛhe hiɛ.

Galatabii 5:26

Wɔkatao yaka anunyam ni wɔwowoo wɔhe mlila ni wɔhiɛ kɔ̃ wɔnanemɛi anɔ.

Efesobii 4:2

Nyɛnyiɛa kɛ heshibaa fɛɛ kɛ kpoofeemɔ fɛɛ kɛ tsuishitoo fɛɛ ni nyɛnanaa nyɛhã nyɛhe kɛ suɔmɔ.

Efesobii 5:21

ni nyɛbabaa nyɛhe shi nyɛhãa nyɛhe yɛ Kristo gbeyeishemɔ mli.

Filipibii 2:14

Nyɛfea nyɛnii fɛɛ ni huhuuhu wiemɔi kɛ naataamɔ akahi mli;

Kolosebii 3:12

No hewɔ lɛ, akɛni Nyɔŋmɔ halamɔbii, mɛi krɔŋkrɔŋi kɛ suɔmɔ mɛi ji nyɛ nɛɛ lɛ, nyɛwoa musuŋtsɔlɛ, mlihilɛ, heshibaa jwɛŋmɔ, kpoofeemɔ, tsuishitoo.

Kolosebii 3:8

Shi agbɛnɛ lɛ nyɛ hu nyɛshɛrɛa nibii nɛɛ fɛɛ nyɛshwiea: mlifu, mlila kɛ shwee ni ashweɔ mɔ efɔŋ, kɛ oshekuyeli kɛ hiɛgbejiawiemɔ ni jɛɔ nyɛdaaŋ.

1 Timoteo 6:4

no lɛ ewo ehe nɔ, eleee nɔ ko, shi moŋ eeye ŋwanejee kɛ naataamɔ hela, ni nibii ni jɛɔ mli ji hiɛkɔ̃ɔ, bei, oshekuyeli, mɛi ahe susumɔi fɔ̃ji,

1 Petro 3:8

Shi naagbee lɛ, nyɛ fɛɛ nyɛhiɛa jwɛŋmɔ kome, nyɛnanaa nyɛhãa nyɛhe, nyɛsumɔsumɔa nyɛhe akɛ nyɛmimɛi, nyɛmli ashãa nyɛ ahãa nyɛhe, nyɛjwɛŋa heshibaa jwɛŋmɔ.

1 Petro 5:5

Nakai nɔŋŋ nyɛ oblahii kɛ oblayei, nyɛbaa nyɛhe shi nyɛhãa onukpai lɛ. Ni nyɛ fɛɛ nyɛbabaa nyɛhe shi nyɛhãa nyɛhe ni nyɛkɛ heshibaa afee mama nyɛŋmɔa nyɛhɛ, ejaakɛ ŋmalɛ lɛ kɛɛ, “Nyɔŋmɔ kuɔ hewolɔi anaa, shi eduroɔ heshibalɔi.”