Filipibii 2:1 - ŊMALƐ KRƆŊKRƆŊ LƐ

¹ No hewɔ lɛ, kɛ Kristo mli hewalɛwoo ko yɛ, kɛ suɔmɔ miishɛjemɔ ko yɛ, kɛ mumɔŋ naanyobɔɔ ko yɛ, kɛ musuŋtsɔlɛ kɛ mɔbɔnalɛ ko yɛ lɛ,

Ṅmãle̱ Kroṅkroṅ Le̱

¹ Nohewo̱ le̱ ké̱ Kristo mli wiemo̱-ke̱-tšõmo̱ ko ye̱, ké̱ suomo̱ mĩše̱dšemo̱ ko ye̱, ké̱ mumo̱ṅ nanyobó̱ ko ye̱, ké̱ mũ-sũṅtšõle̱ ke̱ mo̱bo̱nale̱ ko ye̱ le̱,

Filipibii 2:1 ပူးပေါင်းရင်းမြစ်များ

Lalai 133:1

Kwɛ bɔ ni ehi, bɔ ni eyɔɔ fɛo, kɛji nyɛmimɛi fee ekome kɛhi shi lɛ!

Yesaia 16:11

No hewɔ lɛ, misusuma miifo emli tamɔ kpãa saŋku yɛ Moab hewɔ, ni mitsui mli miishã mi miihã Kir-Heres.

Luka 2:25

Ni naa, nuu ko yɛ Yerusalɛm ni atsɛɔ lɛ akɛ Simeon; nakai nuu lɛ jalɔ ji lɛ, ni esheɔ Nyɔŋmɔ gbeyei, ni eekwɛ Israel yiwalaheremɔ lɛ gbɛ. Mumɔ Krɔŋkrɔŋ yɛ enɔ,

Yohane 14:18

Mishiŋ nyɛ awusai; miiba nyɛŋɔɔ.

Yohane 14:27

“Hejɔlɛ mishiɔ mahã nyɛ, hejɔlɛ ni ji minɔ lɛ mikɛhãa nyɛ, jeee bɔ ni je lɛ hãa lɛ mihãa nyɛ nɛɛ. Nyɛtsui akayea, ni asaŋ nyɛkashea gbeyei.

Yohane 17:13

Ni agbɛnɛ miiba oŋɔɔ, ni miiwie nii nɛɛ yɛ je lɛ mli, koni amɛna mimiishɛɛ lɛ ni eye emuu yɛ amɛmli.

Bɔfoi 2:46

Ni daa gbi lɛ amɛkɛ jwɛŋmɔ kome yaa Sɔlemɔ we lɛ, ni amɛkumɔkumɔɔ aboloo yɛ shĩai, ni amɛkɛ miishɛɛ kɛ tsui krɔŋŋ yeɔ nii,

Bɔfoi 4:32

Shi mɛi babaoo lɛ ni heɔ yeɔ lɛ fɛɛ hiɛ tsui koome kɛ susuma koome, ni amɛteŋ mɔ ko mɔ ko tsɛɛɛ enii ni eyɔɔ lɛ amli eko akɛ lɛ diɛŋtsɛ enɔ, shi eyɛ hã amɛ fɛɛ.

Romabii 5:5

ni hiɛnɔkãmɔ lɛ efeee efolo; ejaakɛ atsɔ̃ Mumɔ Krɔŋkrɔŋ ni akɛhã wɔ lɛ nɔ afɔse Nyɔŋmɔ suɔmɔ awo wɔtsuii amli.

Romabii 8:26

Nakai nɔŋŋ kɛ̃ Mumɔ lɛ hu yeɔ buaa wɔ yɛ wɔgbedemɔi lɛ amli; ejaakɛ bɔ ni sa akɛ wɔsɔle lɛ wɔleee; shi moŋ Mumɔ lɛ diɛŋtsɛ kɛ ŋtsɔidɔɔmɔi ni anyɛŋ akɛɛ lɛ dãmɔɔ mli hãa wɔ.

1 Korintobii 12:13

Ejaakɛ Yudafoi ji wɔ jio, Helabii ji wɔ jio, nyɔji ji wɔ jio, wɔhiɛ wɔhe jio, wɔ fɛɛ lɛ Mumɔ kome nɔ atsɔ abaptisi wɔ awo gbɔmɔtso kome mli; ni wɔ fɛɛ lɛ, Mumɔ kome akɛhã wɔ ni wɔnu.

1 Korintobii 15:31

Mina nyɛheshwãa ni miyɔɔ yɛ wɔNuŋtsɔ Kristo Yesu mli, anyɛmimɛi, akɛ migboɔ daa gbi.

1 Korintobii 3:16

Ani nyɛleee akɛ Nyɔŋmɔ Sɔlemɔtsu ji nyɛ ni Nyɔŋmɔ Mumɔ lɛ hiɔ nyɛmli?

2 Korintobii 2:14

Shi shidaa ahã Nyɔŋmɔ, mɔ ni tsɔ̃ɔ Yesu Kristo nɔ nyiɛɔ wɔhiɛ be fɛɛ be yɛ ekunimyeli lɛ mli lɛ, ni etsɔ̃ɔ wɔnɔ ehãa enilee ŋmajee lɛ jeɔ kpo yɛ he fɛɛ he lɛ.

Galatabii 4:6

Shi akɛni bii ji nyɛ hewɔ lɛ, Nyɔŋmɔ tsu eBi lɛ Mumɔ lɛ kɛba nyɛtsuii amli, ni eboɔ akɛ, “Aba, Ataa!”

Galatabii 5:22

Shi Mumɔ lɛ yibii ji suɔmɔ, miishɛɛ, hejɔlɛ, tsuishitoo, mlihilɛ, ejurɔfeemɔ, hemɔkɛyeli,

Efesobii 4:4

Gbɔmɔtso kome kɛ Mumɔ kome yɔɔ, tamɔ bɔ nɔŋŋ ni hiɛnɔkãmɔ kome ji nɔ ni yɔɔ tsɛmɔ ni atsɛ nyɛ lɛ mli lɛ.

Filipibii 1:8

Bɔ ni mikɛ Yesu Kristo mlitsɔlɛ lɛ shweɔ nyɛ fɛɛ lɛ, Nyɔŋmɔ ji midasefonyo.

Filipibii 3:3

Ejaakɛ wɔ moŋ wɔji ketiafolɔi lɛ, wɔ mɛi ni wɔjaa Nyɔŋmɔ yɛ mumɔ naa, ni wɔshwãa wɔfɔ̃ɔ Kristo Yesu nɔ, ni wɔkɛ wɔhiɛ efɔ̃ɔɔ gbɔmɔtso nifeemɔ nɔ lɛ,

Kolosebii 2:2

Miifee enɛ koni amɛtsɛ amɛtsui amɛŋmɛ amɛmli ni amɛfee ekome yɛ suɔmɔ mli ni amɛna hewalɛ falɛ fɛɛ ni anaa kɛjɛɔ niiashishinumɔ mli lɛ ni amɛle Nyɔŋmɔ teemɔ sane lɛ ni ji Kristo.

Kolosebii 3:12

No hewɔ lɛ, akɛni Nyɔŋmɔ halamɔbii, mɛi krɔŋkrɔŋi kɛ suɔmɔ mɛi ji nyɛ nɛɛ lɛ, nyɛwoa musuŋtsɔlɛ, mlihilɛ, heshibaa jwɛŋmɔ, kpoofeemɔ, tsuishitoo.

Hebribii 6:18

koni wɔtsɔ̃ saji enyɔ ni tsakeee ni Nyɔŋmɔ nyɛŋ emale yɛ mli lɛ anɔ wɔna miishɛjemɔ ni wa, ni wɔ mɛi ni wɔyaba abo lɛ wɔkɛmɔ hiɛnɔkãmɔ ni kã wɔhiɛ lɛ mli;

1 Petro 1:2

yɛ Tsɛ Nyɔŋmɔ lɛ le ni ele eto momo lɛ naa. Nyɔŋmɔ fee enɛ kɛtsɔ̃ Mumɔ lɛ hetsuumɔ nɔ, koni amɛkase toiboo ni akɛ Yesu Kristo lá lɛ ashwã amɛnɔ. Dromɔ kɛ hejɔlɛ afa ahã nyɛ!

1 Yohane 3:24

Ni mɔ ni yeɔ ekitãi lɛ anɔ lɛ hiɔ emli, ni lɛ hu ehiɔ emli; ni nɔ ni wɔkɛleɔ akɛ ehiɔ wɔmli ji Mumɔ ni ekɛhã wɔ lɛ.

1 Yohane 4:12

Nyɔŋmɔ lɛ mɔ ko enako lɛ pɛŋ. Kɛji wɔsumɔɔ wɔhe lɛ, Nyɔŋmɔ hiɔ wɔmli, ni esuɔmɔ lɛ yeɔ emuu yɛ wɔmli.

1 Yohane 4:16

Ni wɔ lɛ wɔ́le, ni wɔ́he suɔmɔ ni Nyɔŋmɔ kɛsumɔɔ wɔ lɛ wɔye. Nyɔŋmɔ lɛ, suɔmɔ ji lɛ, ni mɔ ni hiɔ suɔmɔ mli lɛ, ehiɔ Nyɔŋmɔ mli, ni Nyɔŋmɔ hu hiɔ emli.