Filipibii 1:9 - ŊMALƐ KRƆŊKRƆŊ LƐ

⁹ Ni enɛ he fai mikpaa, akɛ nyɛsuɔmɔ lɛ afa kɛya nɔ, ni eteke nɔ yɛ nilee kɛ sɛɛyoomɔ fɛɛ gbɛfaŋ

Ṅmãle̱ Kroṅkroṅ Le̱

⁹ Ni ene̱ he fai mikpaā, ake̱ nyesuomo̱ le̱ afá ke̱-ya no̱, ni eteke no̱ fè tšutšu le̱ ye̱ nilē ke̱ se̱yomo̱ fẽ gbe̱fáṅ,

Filipibii 1:9 ပူးပေါင်းရင်းမြစ်များ

Hiob 17:9

Kɛ̃lɛ jalɔ lɛ fiɔ shi yɛ egbɛ lɛ nɔ, ni mɔ ni niji ahe tse hewalɛ shwereɔ kɛyaa naanɔ.

Lalai 119:66

Hã mi jwɛŋmɔ kpakpa kɛ nilee, ejaakɛ miheɔ okitãi lɛ miyeɔ.

Abe̱i 4:18

Shi jalɔi agbɛ lɛ etamɔ leebi la ni kpɛɔ, ni eyaa nɔ ekpɛɔ aahu kɛyashiɔ shwane.

1 Korintobii 14:20

Anyɛmimɛi, nyɛkafea nyɛhe gbekɛbii yɛ jwɛŋmɔ gbɛfãŋ. Efɔŋ gbɛfãŋ lɛ, nyɛfea nyɛhe abifabii; shi jwɛŋmɔ gbɛfãŋ lɛ, nyɛfea nyɛhe mɛi ni edara.

2 Korintobii 8:7

Shi moŋ tamɔ bɔ ni nyɛtɛkeɔ nɔ yɛ nɔ fɛɛ nɔ mli, yɛ hemɔkɛyeli kɛ wiemɔ kɛ nilee kɛ mɔdɛŋbɔɔ fɛɛ kɛ suɔmɔ ni jɛ wɔmli ni eyɔɔ nyɛmli lɛ mli lɛ, nyɛkwɛa koni nɛkɛ dromɔ nɛɛ mli hu lɛ nyɛtɛke nɔ.

Efesobii 5:17

No hewɔ lɛ, nyɛkafea nyɛhe mɛi ni bɛ yitsoŋ, shi moŋ nyɛyoa nii ni ji Nuŋtsɔ lɛ suɔmɔnaanii lɛ.

Kolosebii 1:9

Enɛ hewɔ lɛ, wɔ hu, kɛjɛ gbi nɔ ni wɔnu lɛ, wɔfɔ̃ko sɔlemɔ kɛ faikpamɔ kɛ nyɛ hãmɔ, koni nyɛyimɔ obɔ̃bɔ̃ kɛ esuɔmɔnaanii alee yɛ mumɔŋ nilee kɛ shishinumɔ fɛɛ mli.

Kolosebii 3:10

ni nyɛwo gbɔmɔ hee ni aafee lɛ ehee yɛ ebɔlɔ lɛ subaŋ nɔ, koni ele lɛ anɔkwale mli lɛ.

1 Tesalonikabii 3:12

Ni Nuŋtsɔ lɛ awo nyɛ obɔ̃bɔ̃ ni ehã nyɛteke nɔ kɛ suɔmɔ ni nyɛkɛsumɔsumɔɔ nyɛhe kɛ mɛi fɛɛ, tamɔ bɔ ni wɔ hu wɔsumɔɔ nyɛ lɛ.

1 Tesalonikabii 4:1

Naagbee lɛ, anyɛmimɛi, nyɛkase yɛ wɔŋɔɔ bɔ ni sa akɛ nyɛba nyɛjeŋ ni esa Nyɔŋmɔ hiɛ. Nyɛmiifee nakai, shi wɔmiikpa nyɛ fai ni wɔmiiwo nyɛ ŋaa yɛ Nuŋtsɔ Yesu mli akɛ nyɛfee ni ateke nɔ fe tsutsu lɛ.

2 Tesalonikabii 1:3

Eji wɔgbɛnaa akɛ wɔdaa Nyɔŋmɔ shi daa yɛ nyɛhewɔ, anyɛmimɛi, tamɔ bɔ ni sa lɛ, ejaakɛ nyɛhemɔkɛyeli lɛ miida naakpa, ni nyɛteŋ mɔ fɛɛ mɔ suɔmɔ ni ekɛsumɔɔ enanemɛi lɛ miifa kɛmiiya nɔ hu.

Filemon 1:6

misɔleɔ akɛ naanyobɔɔ ni okɛ wɔ yɔɔ yɛ hemɔkɛyeli mli lɛ atsu nii ahã ekpakpa fɛɛ ekpakpa ni yɔɔ wɔmli yɛ Yesu Kristo mli lɛ lee.

Hebribii 5:14

Shi mɛi ni edara lɛ anɔ ji niyenii ni tsii, mɛi ni fɔ ni amɛfɔɔ feemɔ lɛ ehã amɛhenumɔnii lɛ ele ekpakpa kɛ efɔŋ teŋ srɔto.

1 Petro 1:22

Ni akɛni nyɛtsuu nyɛsusumai ahe yɛ anɔkwale lɛ toiboo mli nyɛhã nyɛmimɛi asuɔmɔ ni osato bɛ mli lɛ hewɔ lɛ, nyɛkɛ tsui krɔŋŋ asumɔsumɔa nyɛhe jogbaŋŋ.

2 Petro 3:18

Shi nyɛshwerea yɛ wɔNuŋtsɔ kɛ yiwalaherelɔ Yesu Kristo dromɔ kɛ nilee lɛ mli. Lɛ nɔŋŋ aŋɔ anunyam ahã agbɛnɛ kɛ daa. Amen!