Ezra 9:9 - ŊMALƐ KRƆŊKRƆŊ LƐ

⁹ Ejaakɛ nyɔji ji wɔ; shimɔ kɛkɛ oshiko wɔ yɛ wɔnyɔŋyeli lɛ mli; shi moŋ ohã Persia maŋtsɛmɛi lɛ ena wɔ mɔbɔ, ni ohã wɔyi ena wala koni wɔma oshĩa lɛ ni wɔsaa emli tsukoi lɛ. Okɛ ohewalɛ lɛ efo afabaŋ ewo wɔhe yɛ Yuda kɛ Yerusalɛm, koni wɔfee shweshweeshwe.”

Ṅmãle̱ Kroṅkroṅ Le̱

⁹ Edšake̱ nyṍdši dšiwo̱; ši kẽle̱ wo̱nyṍṅyeli le̱ mli le̱ wo̱-Nyoṅmo̱ le̱ kwakowo̱, ši moṅ ehã mo̱bo̱nale̱ eše̱ wo̱no̱ ye̱ Persia maṅtše̱mei le̱ ahĩe, ni ehã wo̱yi aná wala, koni wo̱mã wo̱-Nyoṅmo̱ le̱ šĩa le̱, ni wo̱sā emli tšũkoi le̱, ní ehãwo̱ *afãbaṅ ko ye̱ Iuda ke̱ Ierusalem. *Ies. 5,5.

Ezra 9:9 ပူးပေါင်းရင်းမြစ်များ

Ezra 2:68

Be ni mɛi ni ku amɛsɛɛ kɛba lɛ bashɛ Yehowa we lɛ yɛ Yerusalɛm lɛ, tsɛmɛi awei lɛ onukpai lɛ ekomɛi bake nii yɛ tsuijurɔ naa yɛ Yehowa we lɛ hewɔ, koni akɛsaa ama Yehowa we lɛ yɛ etsutsu shimaahe lɛ.

Ezra 7:6

Ezra ni jɛ Babilon ba nɛɛ, eji mlatsɔɔlɔ, ni mla ni Yehowa, Israel Nyɔŋmɔ lɛ, wo kɛtsɔ̃ Mose nɔ lɛ, ele mli jogbaŋŋ diɛŋtsɛ. Yehowa, eNyɔŋmɔ lɛ, jɔɔmɔ yɛ enɔ; hewɔ lɛ nɔ fɛɛ nɔ ni etaoɔ lɛ maŋtsɛ lɛ hãa lɛ.

Ezra 7:8

Amɛbashɛ Yerusalɛm yɛ maŋtsɛ Artashasta maŋtsɛyeli afi ni ji kpawo lɛ nɔ, yɛ nyɔŋ ni ji enumɔ lɛ nɔ klɛŋklɛŋ gbi lɛ nɔ.

Ezra 9:10

“No hewɔ lɛ, agbɛnɛ, wɔNyɔŋmɔ, mɛni wɔɔɔkɛɛ yɛ enɛ fɛɛ sɛɛ? Wɔyeee okitãi lɛ ni otsɔ̃ otsuji, gbalɔi lɛ, anine nɔ owo lɛ anɔ.

Nehemia 2:17

Shi agbɛnɛ mikɛɛ amɛ akɛ, “Nyɛ diɛŋtsɛ nyɛmiina nɔ amane mli ni wɔyɔɔ, bɔ ni Yerusalɛm ekumɔ kɛbua shi, ni ehe agboi lɛ hu ashã. Nyɛbaa ni nyɛhãa wɔtswaa Yerusalɛm gbogbo lɛ koni wɔhiɛshishwiemɔ nɛɛ sɛɛ afo.”

Nehemia 9:17

Amɛbooo bo toi, ni asaŋ amɛkaiii onaakpɛɛnii ni ofee yɛ amɛteŋ lɛ; shi moŋ amɛfee amɛhe kuɛŋtilɔi. Amɛtse atua, ni amɛto asafoiatsɛ ni ekɛ amɛ aku sɛɛ kɛya nyɔŋyeli mli ekoŋŋ yɛ Ijipt. Shi bo lɛ oji Nyɔŋmɔ ni kɛ eshai faa, durolɔ kɛ musuŋtsɔlɔ ni toɔ etsui shi ni emɔbɔnalɛ fa, hewɔ lɛ oshiii amɛ.

Lalai 109:12

Mɔ ko mɔ ko akafee lɛ ejurɔ, ni mɔ ko mɔ ko hu akana ebii awusãi lɛ mɔbɔ.

Lalai 138:7

Kɛji minyiɛ haomɔ mli lɛ, ohãa miyi naa wala. Kɛji mihenyɛlɔi amli fu mi lɛ, owoɔ onine nɔ yɛ amɛnɔ, ni okɛ ohewalɛ lɛ hereɔ miyiwala.

Yesaia 14:3

Kɛji Yehowa ha nyɛ hejɔlɛ kɛjɛ piŋmɔ kɛ tɔlɛ kɛ nyɔŋ keketee ni aye nyɛ lɛ mli lɛ,

Yesaia 5:2

Etsa mli, ni efamɔ emli tɛi ni etɛo waintsei kpakpai yɛ mli; ema mɔɔ yɛ teŋ, ni etsa wain bu hu yɛ mli. Ehiɛ kã nɔ akɛ trom lɛ baawo wainyibii kpakpai, shi ewo kooŋ wainyibii moŋ.

Yesaia 5:5

“Agbɛnɛ mibatsɔ̃ɔ nyɛ nɔ ni mibafee miwaintrom lɛ. Mibajie ehe afabaŋ lɛ koni kooloi akpãtã ehiɛ. Mibakumɔ ehe gbogbo lɛ hu koni anaanaa enɔ kɛho.

Yesaia 61:4

Amɛaatswa blema tsui koi lɛ; ni amɛaasaa tsutsubii lɛ amaŋfɔ̃i lɛ, ni amɛaato maji ni efite lɛ ehee ekoŋŋ ni ji yinɔi pii anɔ amaŋfɔ̃i lɛ.

Ezekiel 11:16

“No hewɔ lɛ, kɛɛmɔ nomii lɛ akɛ, bɔ ni Nuŋtsɔ Nyɔŋmɔ kɛɛ nɛ, yɛŋ akɛ mijie amɛ kɛtee shɔŋŋ kɛyafutu maji krokomɛi amli bii, ni migbɛ amɛ mishwã shikpɔji anɔ moŋ nɛ, shi kɛ̃lɛ, mitsɔ̃ teemɔhe krɔŋkrɔŋ mihã amɛ be fioo ko kɛ̃ yɛ hei ni amɛtee lɛ.”

Daniel 9:25

Na ole, ni onu shishi, akɛ kɛjɛ beyinɔ ni afã akɛ ayatswa Yerusalɛm maŋ lɛ kɛyaashi beyinɔ ni hiɛnyiɛlɔ ni Nyɔŋmɔ ehala, ni efɔ lɛ mu lɛ aaashɛ shi lɛ, afii kpawo toi kpawo baaho. Abaasaa atswa Yerusalɛm maŋ lɛ, ni abaasaa emli gbɛjegbɛi lɛ, ni abaasaa atswa egbogboi lɛ. Ebaahi shi nɛkɛ kɛyashi afii nyɔŋmai ekpaa kɛ enyɔ toi kpawo; shi nɛkɛ be nɛɛ baafee fimɔ bei.

Hagai 1:9

“Nyɛkwɛɔ ŋmɔshi nii babaoo gbɛ, shi ebafeɔ fioo kɛkɛ. Ni kɛji nyɛkɛ nikpamɔnii lɛ ba shĩa hu lɛ, mifiliɔ nii lɛ mishwãa. Mɛni hewɔ mifeɔ nakai lɛ? Ejaakɛ miSɔlemɔ we lɛ kã shi amaŋfɔ̃, ni nyɛ lɛ nyɛteŋ mɔ fɛɛ mɔ hiɛ edɔ kɛmiitsu ewe he nii.

Zakaria 2:5

Mi, Yehowa, matsɔ̃ la kɛbɔle maŋ lɛ he kɛkpe, tamɔ gbogbo, ni matsɔ̃ emli anunyam. Mi, Yehowa, mikɛɛ.”