Ezra 9:7 - ŊMALƐ KRƆŊKRƆŊ LƐ

⁷ Fɔbuu kã wɔnɔ kɛjɛ wɔtsɛmɛi lɛ ayinɔ aahu kɛbashi ŋmɛnɛ. Wɔnishaianii lɛ ahewɔ lɛ ohã shikpɔji lɛ anɔ maŋtsɛmɛi lɛ anine eshɛ wɔ kɛ wɔmaŋtsɛmɛi kɛ wɔsɔfoi lɛ anɔ. Akɛ klante ekpãtã wɔhiɛ, aŋɔ wɔ nom, wɔnibii ni wɔyɔɔ lɛ aha, ni ashwie wɔhiɛ shi tamɔ bɔ ni eyɔɔ ŋmɛnɛ nɛɛ.

Ṅmãle̱ Kroṅkroṅ Le̱

⁷ Ke̱-dše̱ wo̱tše̱mei le̱ ayino̱ le̱ fo̱ kpeteṅkple kã wo̱no̱ āhũ ke̱-baši ṅme̱ne̱, ni wo̱nišaianii le̱ ahewo̱ le̱ atu wo̱ ke̱ wo̱maṅtše̱mei ke̱ wo̱so̱foi le̱ awo šikpõdši le̱ ano̱ maṅtše̱mei le̱ adẽ, ahã klante ke̱ nomṅõ ke̱ nihā ke̱ hĩegbĕle, take̱ bo̱ni yo̱ ṅme̱ne̱ ne̱.

Ezra 9:7 ပူးပေါင်းရင်းမြစ်များ

2 Kronika 29:6

Wɔtsɛmɛi lɛ eyayeee anɔkwa, ni amɛfeefee nibii ni ejaaa yɛ Yehowa, wɔNyɔŋmɔ lɛ, hiɛ. Amɛkwa lɛ, amɛkɔ amɛnane yɛ biɛ ni ji Yehowa We lɛ, ni amɛtsɔ̃ amɛsɛɛ amɛhã Yehowa.

Yāfó 5:7

Wɔtsɛmɛi lɛ fee esha, ni amɛho amɛtee; ni wɔ moŋ amɛsɔ̃ ebatere wɔ.

Yeremia 44:22

No hã be ni Yehowa nyɛɛɛ nifɔɔji kɛ musubɔɔ nibii ni nyɛfeɔ lɛ dɔŋŋ lɛ, ehã nyɛshikpɔŋ lɛ tsɔ̃ amaŋfɔ̃, shikpɔŋ ni hiɛ ekpãtã, ni mɔ ko mɔ ko bɛ jɛi, ni atsɛɔ egbɛi akɛlomɔɔ kɛ ŋmɛnɛ nɛɛ lɛ.

Yeremia 25:18

Yerusalɛm kɛ Yuda shikpɔŋ lɛ nɔ maji wuji lɛ kɛ amɛmaŋtsɛmɛi kɛ lumɛi lɛ fɛɛ koni amɛtsɔ̃mɔ amaŋfɔ̃ kɛ shiaŋa kɛ nɔ ni aboɔ lɛ ‘tsia!’ Kɛ loomɔnɔ tamɔ bɔ ni eyɔɔ ŋmɛnɛ gbi nɛɛ.

Nehemia 9:30

Kɛ̃lɛ oto otsui shi ohã amɛ afii pii; okɛ omumɔ lɛ wo gbalɔi lɛ amli, ni otsɔ̃ amɛnɔ obɔ obii lɛ kɔkɔ; shi amɛbooo toi; No hewɔ lɛ, ohã shikpɔji lɛ anɔ bii lɛ ye amɛnɔ.

2 Kronika 30:7

Nyɛkafea tamɔ nyɛtsɛmɛi lɛ kɛ nyɛnyɛmimɛi lɛ ni eyayeee amɛtsɛmɛi lɛ aNyɔŋmɔ lɛ anɔkwa lɛ fee lɛ; no hewɔ lɛ, Yehowa hã amɛhiɛ kpãtã tamɔ nyɛ diɛŋtsɛ nyɛnaa lɛ.

1 Samuel 12:15

Shi kɛji nyɛyayeee Yehowa gbee nɔ; shi nyɛtse ekitã lɛ hiɛ atua lɛ no lɛ Yehowa baagbala nyɛ kɛ nyɛmaŋtsɛ lɛ fɛɛ toi.

4 Mose 32:14

Amrɔ nɛɛ lɛ, nyɛ nyɛbaye nyɛtsɛmɛi hii toigbolɔi lɛ anajiaŋ, ni nyɛmiitao akɛ Yehowa mlifu ni naa wa lɛ aba Israel nɔ fe tsutsu lɛ?

1 Maŋtsɛmɛi 8:47

ni amɛshwa amɛhe yɛ shikpɔŋ he ni amɛyɔɔ lɛ nɔ lɛ, ni amɛjaje amɛtɔ̃mɔi amɛtsɔ̃ɔ bo, ni amɛkpa bo fai lɛ, Nuŋtsɔ Nyɔŋmɔ, bo amɛsɔlemɔ lɛ toi.

Ezra 9:13

Nii ni ba wɔnɔ akɛ toigbalamɔ yɛ wɔnishaianii kɛ wɔfɔ kpeteŋkple ni wɔye lɛ hewɔ lɛ fɛɛ sɛɛ lɛ, bo wɔNyɔŋmɔ lɛ, owoko wɔ nyɔmɔ bɔ ni sa wɔnifɔ̃jianii lɛ, ni ohã wɔhiɛ kã.

Yeremia 3:25

Nyɛhãa wɔhiɛshishwiemɔ lɛ aha wɔnɔ tamɔ mama, ejaakɛ wɔ kɛ wɔtsɛmɛi lɛ, kɛjɛ wɔblahiiaŋ aahu kɛbashi ŋmɛnɛ gbi nɛɛ nɔ lɛ, wɔfee esha wɔshi Yehowa, wɔNyɔŋmɔ lɛ, ni wɔboko Yehowa, wɔNyɔŋmɔ lɛ, gbee toi.”

Yeremia 32:23

Amɛba ni amɛbaŋɔ ni amɛkɛfee amɛnɔ. Shi amɛyeee ogbee nɔ, ni amɛbaaa amɛjeŋ yɛ omla lɛ naa. Nibii fɛɛ ni owo amɛ kitã yɛ he akɛ amɛfee lɛ, amɛfeee ekome folo nɛkɛ. No hewɔ ni ohã nɛkɛ sane fɔŋ nɛɛ ba amɛnɔ nɛɛ.

Yeremia 32:32

yɛ nifɔɔjianii fɛɛ ni Israelbii lɛ kɛ Yudabii lɛ kɛ amɛmaŋtsɛmɛi kɛ amɛlumɛi kɛ amɛsɔfoi kɛ amɛgbalɔi kɛ mɛi fɛɛ ni yɔɔ Yuda kɛ Yerusalɛm lɛ fɛɛ fee ni amɛkɛwo mimli la lɛ hewɔ.

2 Kronika 34:24

‘Mi, Yehowa, mibafee biɛ nɛɛ kɛ emli bii fɛɛ efɔŋ; mahã loomɔi fɛɛ ni aŋmala yɛ wolo ni akane atsɔ̃ɔ Yuda maŋtsɛ lɛ mli lɛ fɛɛ aba mli.

Yesaia 64:4

Ejaakɛ kɛjɛ teteete lɛ anuko dã, ni efoko mɔ ko mɔ ko toi naa dã, ni hiŋmɛi hu enako Nyɔŋmɔ ko yɛ bo osɛɛ ni feɔ nɔ ehaa mɛi ni hiɛ kã enɔ lɛ!

Yeremia 44:9

Ani nyɛhiɛ ekpa nibii fɔ̃ji ni nyɛtsɛmɛi lɛ kɛ Yuda maŋtsɛmɛi lɛ kɛ amɛŋamɛi lɛ kɛ nyɛ diɛŋtsɛ hu nyɛŋamɛi lɛ feefee yɛ Yerusalɛm blohui lɛ amli lɛ anɔ lo?

Ezekiel 11:9

Mibashwie nyɛ kɛbaaje maŋ nɛɛ mli, ni mikɛ nyɛ baawo gbɔi adɛŋ, ni makojo nyɛ.

Ezekiel 39:23

Majimaji lɛ hu baale akɛ eshai ni Israel we lɛ fee lɛ hewɔ amɛtee nomŋɔɔ mli lɛ. Akɛni amɛtɔ̃ minɔ lɛ, no hewɔ ni mitsi mihe yɛ amɛhe, ni mitu amɛ miwo amɛhenyɛlɔi adɛŋ ni akɛ klante gbegbee amɛ yɛ ta mli lɛ.