Ezra 7:8 - ŊMALƐ KRƆŊKRƆŊ LƐ

⁸ Amɛbashɛ Yerusalɛm yɛ maŋtsɛ Artashasta maŋtsɛyeli afi ni ji kpawo lɛ nɔ, yɛ nyɔŋ ni ji enumɔ lɛ nɔ klɛŋklɛŋ gbi lɛ nɔ.

Ṅmãle̱ Kroṅkroṅ Le̱

⁸ Ni ebaše̱ Ierusalem ye̱ nyõṅ ni dši enumo̱ le̱ no̱ ye̱ maṅtše̱ le̱ yino̱ afi ní dši kpawo le̱ no̱.

Ezra 7:8 ပူးပေါင်းရင်းမြစ်များ

Ezra 10:9

Kɛkɛ ni Yuda kɛ Benyaminhii lɛ babua amɛhe naa kɛkpe yɛ Yerusalɛm yɛ gbii etɛ̃ lɛ mli, yɛ nyɔŋ ni ji nɛɛhu lɛ nɔ gbi ni ji nyɔŋmai enyɔ lɛ nɔ. Maŋ muu lɛ fɛɛ baho tara he ko kpataa ko ni yɔɔ Nyɔŋmɔ We lɛ hiɛ lɛ. Gbeyei emɔmɔ amɛ yɛ sane nɛɛ he, ni asaŋ nu ni nɛɔ waa lɛ ehã amɛmiikpokpo.

Ezra 7:7

Israelbii lɛ ateŋ mɛi komɛi kɛ Osɔfoi kɛ Levibii kɛ lalatsɛmɛi kɛ agbonaakwɛlɔi kɛ Sɔlemɔ we sɔ̃ɔlɔi lɛ ateŋ mɛi komɛi hu fata Ezra he kɛba.

Ezra 7:9

Be ni amɛyiŋ kɛjɛ Babilon ji klɛŋklɛŋ nyɔŋ lɛ nɔ klɛŋklɛŋ gbi lɛ, ni nyɔŋ ni ji enumɔ lɛ nɔ klɛŋklɛŋ gbi lɛ nɔ lɛ amɛbashɛ Yerusalɛm, yɛ Ezra Nyɔŋmɔ lɛ yelikɛbuamɔ naa.

Ezra 8:32

Wɔshɛ Yerusalɛm, ni wɔye gbii etɛ̃ yɛ jɛi.

Ezra 9:9

Ejaakɛ nyɔji ji wɔ; shimɔ kɛkɛ oshiko wɔ yɛ wɔnyɔŋyeli lɛ mli; shi moŋ ohã Persia maŋtsɛmɛi lɛ ena wɔ mɔbɔ, ni ohã wɔyi ena wala koni wɔma oshĩa lɛ ni wɔsaa emli tsukoi lɛ. Okɛ ohewalɛ lɛ efo afabaŋ ewo wɔhe yɛ Yuda kɛ Yerusalɛm, koni wɔfee shweshweeshwe.”

Ester 2:16

Kɛkɛ ni aŋɔ Ester ayahã Maŋtsɛ Ahashwerosh yɛ emaŋtsɛyeli we lɛ mli. Maŋtsɛ Ahashwerosh maŋtsɛyeli afi ni ji kpawo lɛ mli Tebet nyɔŋ lɛ ni ji nyɔŋ ni ji nyɔŋma lɛ nɔ akɛ Ester yahã lɛ lɛ.

Daniel 9:25

Na ole, ni onu shishi, akɛ kɛjɛ beyinɔ ni afã akɛ ayatswa Yerusalɛm maŋ lɛ kɛyaashi beyinɔ ni hiɛnyiɛlɔ ni Nyɔŋmɔ ehala, ni efɔ lɛ mu lɛ aaashɛ shi lɛ, afii kpawo toi kpawo baaho. Abaasaa atswa Yerusalɛm maŋ lɛ, ni abaasaa emli gbɛjegbɛi lɛ, ni abaasaa atswa egbogboi lɛ. Ebaahi shi nɛkɛ kɛyashi afii nyɔŋmai ekpaa kɛ enyɔ toi kpawo; shi nɛkɛ be nɛɛ baafee fimɔ bei.