Ezra 7:6 - ŊMALƐ KRƆŊKRƆŊ LƐ

⁶ Ezra ni jɛ Babilon ba nɛɛ, eji mlatsɔɔlɔ, ni mla ni Yehowa, Israel Nyɔŋmɔ lɛ, wo kɛtsɔ̃ Mose nɔ lɛ, ele mli jogbaŋŋ diɛŋtsɛ. Yehowa, eNyɔŋmɔ lɛ, jɔɔmɔ yɛ enɔ; hewɔ lɛ nɔ fɛɛ nɔ ni etaoɔ lɛ maŋtsɛ lɛ hãa lɛ.

Ṅmãle̱ Kroṅkroṅ Le̱

⁶ ne̱ke̱ Ezra ne̱ yiṅ ke̱-dše̱ Babel ke̱-ba; ni edši woloṅmãlo̱ ni le Mose mla le̱ ni Iehowa, Israel Nyoṅmo̱ le̱, wo le̱ mli dšogbãṅ; ni Iehowa, e-Nyoṅmo̱ le̱, *nine ni fata ehe hewo̱ le̱, nibii ni etaoe̱ fẽ le̱, maṅtše̱ le̱ hãle̱ hegbe̱. *K. 9. 28; 8,18. 32. Neh. 2,8.

Ezra 7:6 ပူးပေါင်းရင်းမြစ်များ

1 Mose 32:28

Nuu lɛ kɛɛ lɛ akɛ, “Atsɛŋ bo Yakob dɔŋŋ, shi Israel aaatsɛ bo, ejaakɛ okɛ Nyɔŋmɔ kɛ gbɔmɛi eshi mple, ni oye kunim.”

Ezra 5:5

Shi Yudafoi aNyɔŋmɔ lɛ hiŋmɛi kã Yudafoi onukpai lɛ ahe, ni mɛi ni ba lɛ, atsiii amɛ gbɛ kɛyashi beyinɔ ni sane lɛ yashɛ Dario ŋɔɔ ni eŋma hetoo kɛba.

Ezra 6:22

Amɛkɛ nyamɔ ye Akpiti Gbijurɔ lɛ gbii kpawo; ejaakɛ Yehowa ehã amɛmli efili amɛ, akɛni ehã Asiria maŋtsɛ lɛ tsui emɔ amɛ koni ewo amɛ hewalɛ yɛ Nyɔŋmɔ ni ji Israel Nyɔŋmɔ lɛ We lɛ he nitsumɔ lɛ mli lɛ.

Ezra 7:21

“Mi, Maŋtsɛ Artashasta, miiwo jwetritolɔi fɛɛ ni yɔɔ faa lɛ anaigbɛ biɛgbɛ lɛ akpɔ akɛ nɔ fɛɛ nɔ ni osɔfo Ezra, mlatsɔɔlɔ ni le ŋwɛi Nyɔŋmɔ lɛ mla lɛ mli jogbaŋŋ lɛ, aaabi nyɛ lɛ, aye oyai ni afee,

Ezra 7:28

Yɛ mɔbɔ ni lɛ Yehowa ena mi lɛ hewɔ lɛ, mina hiɛ yɛ maŋtsɛ lɛ kɛ ejinafoi lɛ kɛ elumɛi agboi lɛ fɛɛ hiɛ. Hewalɛ ni ewo mi hewɔ lɛ mina ekãa mikɛbua Israelbii lɛ ateŋ onukpai lɛ anaa koni amɛkɛ mi afã kɛba.”

Ezra 7:5

Abishua kɛ Finehas kɛ Eleazar kɛ osɔfonukpa Aaron.

Ezra 7:9

Be ni amɛyiŋ kɛjɛ Babilon ji klɛŋklɛŋ nyɔŋ lɛ nɔ klɛŋklɛŋ gbi lɛ, ni nyɔŋ ni ji enumɔ lɛ nɔ klɛŋklɛŋ gbi lɛ nɔ lɛ amɛbashɛ Yerusalɛm, yɛ Ezra Nyɔŋmɔ lɛ yelikɛbuamɔ naa.

Ezra 8:1

Mɛi ni kɛ mi, Ezra, fã kɛjɛ Babilon, be mli ni Artashasta yeɔ maŋtsɛ lɛ atsɛmɛi awei lɛ onukpai nɛ:

Ezra 8:18

WɔNyɔŋmɔ lɛ dromɔ naa lɛ, amɛkɛ Sherebia, nuu ko ni hiɛ kã shi ni jɛ Maheli ni ji Levi bi kɛ Israel nabi lɛ tsɛmɛiawebii lɛ ateŋ, kɛ ebii kɛ enyɛmimɛi ni amɛ fɛɛ amɛfeɔ gbɔmɛi nyɔŋma kɛ kpaanyɔ bahã wɔ.

Ezra 8:22

Ejaakɛ eefee mi hiɛgbele akɛ makpa maŋtsɛ lɛ fai ni ehã wɔ asraafoi kɛ okpɔŋɔnɔtaralɔi ni amɛbu wɔhe yɛ henyɛlɔi ni yɔɔ gbɛteŋ lɛ ahewɔ. Eefee mi hiɛgbele ejaakɛ wɔkɛɛ maŋtsɛ lɛ akɛ: wɔNyɔŋmɔ lɛ yeɔ buaa mɛi fɛɛ ni taoɔ esɛɛgbɛ lɛ, shi mɛi fɛɛ ni kɛ lɛ efeee nɔ ko lɛ enaaa amɛhe miishɛɛ ni egbalaa amɛtoi waa.

Ezra 8:31

Klɛŋklɛŋ nyɔŋ lɛ nɔ gbi ni ji nyɔŋma kɛ enyɔ lɛ nɔ lɛ, wɔfã yɛ Ahawa Faa lɛ naa kɛmiiya Yerusalɛm. WɔNyɔŋmɔ lɛ bu wɔhe, ni ejie wɔ yɛ henyɛlɔi lɛ kɛ mɛi abɔ ni yawo wɔ ka yɛ gbɛteŋ lɛ hu adɛŋ.

Nehemia 12:26

Mɛnɛɛmɛi hi shi yɛ Yoakim, Yozadak bi Yeshua bi lɛ, kɛ Amralo Nehemia kɛ Osɔfo Ezra ni ji woloŋmalɔ lɛ yinɔ.

Nehemia 12:36

Ewekumɛi ji Shemaia kɛ Azarel Malalai kɛ Gilalai kɛ Maai kɛ Netanel kɛ Yuda kɛ Hanani. Amɛ hu amɛnyiɛ sɛɛ, ni amɛhiɛ Nyɔŋmɔ gbɔmɔ David nibii ni akɛtswaa lalai aloo akɛkpãa lalai lɛ. Ezra, woloŋmalɔ kpanaa lɛ nyiɛ ku nɛɛ hiɛ.

Nehemia 2:12

Ni mite shi nyɔɔŋ, mi kɛ hii fioo ko ni fata mihe lɛ. Shi migbako mɔ ko mɔ ko nɔ ni miNyɔŋmɔ lɛ kɛwo mitsui mli akɛ miyafee mihã Yerusalɛm lɛ. Asaŋ mihiɛɛɛ kooloo ko kooloo ko hu akɛ ja kooloo ni mita nɔ lɛ pɛ kɛkɛ.

Nehemia 2:18

Ni migba amɛ akɛ miNyɔŋmɔ lɛ kɛ mi yɛ. Migba amɛ maŋtsɛ lɛ wiemɔ ni ekɛ mi wie lɛ hu. Amɛhere nɔ amɛkɛɛ, “Nyɛhãa wɔbɔia gbogbo lɛ tswaa! Ni amɛsaa amɛhe amɛhã nitsumɔ kpakpa lɛ.”

Nehemia 2:8

Asaŋ mibi wolo ko hu ni mikɛyahã Asaf, mɔ ni kwɛɔ maŋtsɛ koo lɛ nɔ lɛ, koni ehã mi tsumaa tsei. Tsei nɛɛ mikɛbaakpɛ mɔɔ agboi mawo Sɔlemɔ we lɛ he, kɛ maŋ lɛ he gbogbo lɛ kɛ shĩa ni miyahi mli lɛ he. Akɛni miNyɔŋmɔ lɛ kɛ mi yɛ hewɔ lɛ, maŋtsɛ lɛ fee nɔ ni mitaoɔ lɛ fɛɛ ehã mi.

Nehemia 4:15

Be ni wɔhenyɛlɔi lɛ nu akɛ abatswa wɔ adafi, ni Nyɔŋmɔ ehã amɛ jina lɛ efee yaka lɛ, wɔ fɛɛ tswɛm wɔku wɔsɛɛ kɛba gbogbo lɛ he ekoŋŋ, ni mɔ fɛɛ mɔ tee enitsumɔhe.

Nehemia 8:1

Be ni shɛɔ nyɔŋ ni ji kpawo lɛ nɔ lɛ, Israelbii lɛ yɛ amɛmaji lɛ amli. Maŋ lɛ bluublu bakpe yɛ blohu ko ni yɔɔ Nu Agbo lɛ hiɛ lɛ mli. Amɛkɛɛ Ezra, osɔfo kɛ woloŋmalɔ lɛ, akɛ eyakɔ wolo ni Mose Mla ni Yehowa wo Israel lɛ yɔɔ mli lɛ kɛba.

Nehemia 8:13

Enɔ jetsɛremɔ lɛ tsɛmɛi awei lɛ amli onukpai ni yɔɔ maŋ muu lɛ fɛɛ mli lɛ kɛ osɔfoi lɛ kɛ Levibii lɛ babua amɛhe naa yɛ Ezra, woloŋmalɔ lɛ, ŋɔɔ koni amɛbabo Mla Wolo lɛ mli wiemɔi lɛ toi.

Nehemia 8:4

Ezra, woloŋmalɔ lɛ, damɔ nɔ ko ni kwɔ ni akɛ tso fee nɔ. Afee yɛ Mla lɛ kanemɔ lɛ hewɔ. Matitia kɛ Shema kɛ Anaia kɛ Uria kɛ Hilkia kɛ Maaseia damɔ emasɛi yɛ eninejurɔ, ni Pedaia kɛ Mishael kɛ Malkiya kɛ Hashum kɛ Hash-Badana kɛ Zakaria kɛ Meshulam damɔ ebɛku.

Nehemia 8:9

Kɛkɛ ni Nehemia ni ji amralo lɛ kɛ Osɔfo Ezra ni ji woloŋmalɔ lɛ kɛ Levibii ni tsɔ̃ɔ maŋ lɛ nii lɛ kɛɛ maŋ muu lɛ fɛɛ akɛ, “Ŋmɛnɛ gbi nɛɛ gbi krɔŋkrɔŋ ni hã Yehowa, nyɛNyɔŋmɔ lɛ. No hewɔ lɛ, nyɛkayea ŋkɔmɔ, ni nyɛkafoa hu!” Amɛkɛɛ maŋ lɛ nɛkɛ, ejaakɛ be ni maŋ lɛ nu Mla lɛ mli wiemɔi lɛ, amɛ fɛɛ amɛfo.

Nehemia 9:13

Okpeleke shi kɛba Sinai Gɔŋ lɛ nɔ, ni ojɛ ŋwɛi okɛ amɛ wie; ohã amɛ mlai kpakpai kɛ akpɔi kɛ kitãi kpakpai.

Lalai 109:27

Hã amɛle akɛ, bo Yehowa, oninenaa nitsumɔ nɛ, akɛ bo ohere miyiwala.

Lalai 147:19

Ejajeɔ ewiemɔ lɛ etsɔ̃ɔ Israel, ekɛ ekpɔi kɛ emlai lɛ hãa Israel.

Lalai 45:1

Mitsui eyi tɔ kɛ wiemɔi kpakpai. Maŋtsɛ lala nɛ. Mililɛi tamɔ niŋmalɔ ni he esa niŋmaatso.

Lalai 80:18

Kɛkɛ lɛ wɔkpaleŋ yɛ osɛɛ dɔŋŋ! Hã wɔyi ana wala, ni wɔɔja bo.

Abe̱i 3:6

kaimɔ lɛ yɛ ogbɛi fɛɛ amli, ni lɛ eeetsɔ̃ɔ bo gbɛ ni ja ni onyiɛ nɔ.

Yesaia 50:2

“Mɛɛba miba, ni mɔ ko mɔ ko bɛ? Mɛɛba mibo mitsɛ, ni mɔ ko mɔ ko hereee mi nɔ lɛ? Ani minine efo kuku bɔ ni minyɛɛɛ mɔ yiwala mahere? Aloo mibɛ hewalɛ ni mikɛaakpɔ̃ mɔ? Naa, mifãa, ni ŋshɔ miiɔ. Mihãa fai gbiɔ ni amɛtsɔmɔɔ tamɔ shiaŋa, ni amɛmli loi gboiɔ ni amɛshaa, ejaakɛ amɛnaaa nu.

Yesaia 59:1

Naa, Yehowa nine efoko kuku bɔ ni no hewɔ lɛ, enyɛɛɛ yiwala ehere; asaŋ etoii hu tsimɔko bɔ ni enuuu nii.

Yeremia 8:8

Te feɔ tɛŋŋ ni nyɛkɛɔ akɛ, ‘Wɔ lɛ wɔle nii, ni Yehowa mla lɛ yɛ wɔdɛŋ’ lɛ? Naa, woloŋmalɔi lɛ kɛ amɛmale niŋmaa ehã mla lɛ etsɔ̃ amale mla.

Mateo 13:52

Ni ekɛɛ amɛ akɛ, “No hewɔ lɛ, mlatsɔɔlɔ fɛɛ mlatsɔɔlɔ ni afee lɛ kaselɔ, ahã ŋwɛi maŋtsɛyeli lɛ, etamɔ shĩatsɛ ko ni jieɔ nii hei kɛ nii memeji kɛjeɔ ejwetri lɛ mli.”

Mateo 23:2

“Mlatsɔɔlɔi lɛ kɛ Farisifoi lɛ, Mose sɛ̃i lɛ nɔ amɛtara lɛ.

Mateo 28:20

ni nyɛtsɔ̃ɔ amɛ ni amɛye nii fiaa ni mikɛɛ nyɛ lɛ nɔ. Ni naa, mi lɛ mikɛ nyɛ yɛ daa kɛyaashi jeŋ naagbee lɛ.”

1 Korintobii 1:20

Nɛgbɛ nilelɔ yɔɔ? Nɛgbɛ mlatsɔɔlɔ yɔɔ? Nɛgbɛ je nɛɛŋ naataalɔ yɔɔ? Ani Nyɔŋmɔ hãko je lɛ mli nilee lɛ atsɔ̃ kwashiai asane?

1 Korintobii 15:1

Shi, anyɛmimɛi, miihã nyɛle akɛ Sanekpakpa lɛ ni mijaje mitsɔ̃ɔ nyɛ, ni nyɛmɔ mli, ni nyɛdamɔ shi shiŋŋ yɛ mli hu lɛ,

5 Mose 28:1

“Kɛji ooobo Yehowa, oNyɔŋmɔ lɛ, toi, ni ooojwɛŋ nɔ, ni oooye kitãi fɛɛ ni miwoɔ bo ŋmɛnɛ nɛɛ nɔ pɛpɛɛpɛ lɛ, no lɛ Yehowa, oNyɔŋmɔ lɛ, baawo onɔ gojoo fe shikpɔŋ lɛ nɔ maji fɛɛ.

5 Mose 4:5

“Naa, mitsɔ̃ɔ nyɛ akpɔi kɛ mlai lɛ bɔ ni Yehowa, miNyɔŋmɔ lɛ, fã akɛ mifee lɛ, koni nyɛye nɔ yɛ shikpɔŋ ni nyɛyaa nyɛyaŋɔ lɛ nɔ.