Ezra 7:10 - ŊMALƐ KRƆŊKRƆŊ LƐ

¹⁰ Ejaakɛ nɔ ni kã Ezra tsui nɔ ji akɛ eeekase Yehowa mla lɛ ni eye nɔ, ni etsɔ̃ɔ mɛi akpɔi lɛ kɛ mlai lɛ yɛ Israel maŋ lɛ mli.

Ṅmãle̱ Kroṅkroṅ Le̱

¹⁰ Edšake̱ Ezra ke̱ etšui efõ no̱ ake̱ eetao Iehowa mla le̱ se̱gbe̱ ni eye no̱, ni etšõ mei akpo̱i le̱ ke̱ mlai le̱ ye̱ Israel.

Ezra 7:10 ပူးပေါင်းရင်းမြစ်များ

1 Kronika 29:18

Yehowa, wɔtsɛmɛi Abraham kɛ Isak kɛ Yakob aNyɔŋmɔ, hã su nɛɛ ahi owebii atsuiiaŋ kɛya naanɔ, koni amɛhi shi kɛye bo anɔkwa daa.

2 Kronika 12:14

Rehoboam fee nɔ ni ejaaa ejaakɛ ekɛ etsui efɔɔɔ nɔ akɛ eeetao koni ele nɔ ni ji Yehowa suɔmɔnaanii.

2 Kronika 19:3

Shi ana nibii kpakpai komɛi kɛ̃ yɛ ohe. Eko ji jemawɔŋ Ashera lɛ amãgãi ni okumɔ yɛ shikpɔŋ lɛ nɔ fɛɛ lɛ. Eko hu ji akɛ oto oyiŋ akɛ okɛ otsui fɛɛ baasɔ̃mɔ Nyɔŋmɔ lɛ.”

2 Kronika 30:22

Ni Maŋtsɛ Hezekia jie Levibii lɛ ayi pam yɛ bɔ ni amɛhe esa kɛ sɔɔmɔ kɛji aaja Yehowa lɛ hewɔ. Maŋbii lɛ shãshãa shidaa afɔlei, ni amɛyeyee nii kɛyashi gbii kpawo, ni amɛda Yehowa, amɛtsɛmɛi aNyɔŋmɔ lɛ, shi.

Ezra 7:11

Wolo ni Maŋtsɛ Artashasta kɛhã Ezra, osɔfo kɛ mlatsɔɔlɔ lɛ ni le Yehowa kitãi kɛ akpɔi ni ewo Israel lɛ amli jogbaŋŋ lɛ mli sane nɛ,

Ezra 7:25

“Ni bo, Ezra hu, yɛ nilee ni oNyɔŋmɔ lɛ ehã bo lɛ naa lɛ, fãamɔ mɛi ni kwɛɔ sane amɛyeɔ kɛ kojolɔi fɛɛ ni le oNyɔŋmɔ lɛ mla lɛ koni amɛkojo mɛi fɛɛ ni yɔɔ Eufrate Faa lɛ anaigbɛ biɛgbɛ lɛ ateŋ saji. Mɛi ni leee lɛ, nyɛtsɔ̃a amɛ ni amɛle.

Ezra 7:6

Ezra ni jɛ Babilon ba nɛɛ, eji mlatsɔɔlɔ, ni mla ni Yehowa, Israel Nyɔŋmɔ lɛ, wo kɛtsɔ̃ Mose nɔ lɛ, ele mli jogbaŋŋ diɛŋtsɛ. Yehowa, eNyɔŋmɔ lɛ, jɔɔmɔ yɛ enɔ; hewɔ lɛ nɔ fɛɛ nɔ ni etaoɔ lɛ maŋtsɛ lɛ hãa lɛ.

Hiob 11:13

Kɛji osaa otsuiŋ ekpakpa lɛ, ooohole oniji anɔ yɛ Nyɔŋmɔ hiɛ.

Lalai 1:2

Shi moŋ emii shɛɔ Yehowa Mla lɛ he, ni ejwɛŋɔ he daa shwane kɛ nyɔɔŋ.

Lalai 10:17

Oo Yehowa, oboɔ humii asɔlemɔ toi; owoɔ amɛ hewalɛ; ni obaa otoi shi ohãa mi,

Lalai 119:112

Mikpɛ miyiŋ akɛ maye omlai lɛ anɔ daa kɛyaashi naanɔ.

Lalai 119:45

ni maye mihe kɛnyiɛ, ejaakɛ otsɔ̃ɔmɔi lɛ asɛɛgbɛ mitao.

Lalai 19:7

Yehowa mla lɛ hi kɛwula shi; ehãa gbɔmɔ susuma naa hewalɛ hee. Yehowa mla lɛ maa shi shiŋŋ; ehãa humii leɔ nii.

Lalai 57:7

Oo Naa Nyɔŋmɔ, omli hemɔkɛyeli ni miyɔɔ lɛ, ema shi shiŋŋ etsakeko kwraa! Mala, majie oyi!

Maleaki 2:7

Ejaakɛ osɔfoi agbɛnaa nitsumɔ ji akɛ amɛtsɔ̃ɔ mɛi Nyɔŋmɔ he nilee krɔŋŋ lɛ. Amɛ amɛŋɔɔ esa akɛ mɛi aya koni amɛyakase mla lɛ he nii, ejaakɛ amɛ ji Yehowa, Taiatsɛ lɛ, bɔfoi lɛ.

Mateo 5:19

No hewɔ lɛ, mɔ fɛɛ mɔ ni aaagoi kitãi bibii nɛɛ ateŋ ekome ni eeetsɔ̃ɔ mɛi nakai lɛ, aaatsɛ lɛ bibioo fe fɛɛ yɛ ŋwɛi maŋtsɛyeli lɛ mli; shi mɔ fɛɛ mɔ ni aaaye Mla lɛ nɔ ni eeetsɔ̃ɔ lɛ, lɛ lɛ aaatsɛ lɛ agbo yɛ ŋwɛi maŋtsɛyeli lɛ mli.

Mateo 7:24

“No hewɔ lɛ, mɔ fɛɛ mɔ ni nuɔ miwiemɔi nɛɛ ni eyeɔ nɔ lɛ, akɛ lɛ aaato nilelɔ ni ma etsu yɛ tɛsaa nɔ lɛ he.

Yohane 13:17

Kɛji nyɛle nii nɛɛ, ajɔɔ nyɛ kɛji nyɛye nɔ.

Bɔfoi 1:1

Teofilo, miklɛŋklɛŋ wolo lɛ mli lɛ, migba nii fɛɛ ni Yesu babɔ̃i feemɔ kɛ enitsɔ̃ɔmɔ

5 Mose 16:12

Nyɛkaia akɛ nyɛyatsɔ̃mɔ nyɔji yɛ Ijipt, ni no hewɔ lɛ, nyɛjwɛŋa nɔ ni nyɛyea akpɔi nɛɛ anɔ.”

5 Mose 33:10

Amɛ amɛbaatsɔ̃ɔ Yakob shwiei okpɔi lɛ, kɛ Israel omla lɛ. Amɛ amɛbaashã tsofakɛŋma yɛ ohiɛ kɛ shãa afɔle muu yɛ afɔleshãa latɛ lɛ nɔ.’

1 Timoteo 3:2

Shi esa akɛ nɔkwɛlɔ lɛ afee mɔ ni anaŋ ehe sane ko atã, mɔ ni yɔɔ ŋa kome, hiɛshikãlɔ, mɔ ni jwɛŋmɔ mli tse, mɔ ni baa ejeŋ jogbaŋŋ, gbɔfeelɔ, mɔ ni le nitsɔɔmɔ,

2 Timoteo 4:2

Shiɛmɔ wiemɔ lɛ, kã he, be ni hi jio, be ni ehiii jio, kã hiɛ, wo ŋaa, tsɔ̃ɔmɔ nii kɛ tsuishitoo fɛɛ.

Tito 2:1

Shi bo lɛ, wiemɔ nibii ni sa tsɔ̃ɔmɔ kpakpa lɛ.

Tito 2:15

Wiemɔ nii nɛɛ, ni owo amɛ ŋaa yɛ he, ni okã amɛhiɛ yɛ he kɛ hewalɛ fɛɛ. Kaahã mɔ ko miigbe ohe guɔ.

Kpojiemɔ 22:14

Ajɔɔ mɛi ni fɔɔ amɛtadei lɛ ahe, koni amɛna hegbɛ yɛ walatso lɛ he ní amɛtsɔ̃ agboi lɛ amli kɛbote maŋ lɛ mli lɛ.

1 Samuel 7:3

Kɛkɛ ni Samuel kɛɛ Israelbii lɛ akɛ, “Kɛji nyɛmiikpale kɛba Yehowa ŋɔɔ kɛ nyɛtsui fɛɛ lɛ, no lɛ nyɛjiea maŋsɛɛ jemawɔji lɛ kɛ Astarte amãgãi lɛ hu ni nyɛyɔɔ yɛ nyɛteŋ lɛ nyɛsherɛa nyɛshwiea koni nyɛkɛ nyɛhe ahãa Yehowa kwraa; asaŋ koni nyɛsɔmɔ ekome too; ni lɛ hu eeejie nyɛ yɛ Filistibii lɛ adɛŋ.”