Ezra 5:3 - ŊMALƐ KRƆŊKRƆŊ LƐ

³ Nakai be lɛ mli nɔŋŋ lɛ, Tatnai ni ji amralo ni kwɛɔ Eufrate Faa lɛ anaigbɛ biɛgbɛ lɛ kɛ Shetar-Boznai kɛ amɛnanemɛi lɛ, ba mɛi ni maa tsu lɛ ŋɔɔ, ni nɔ ni amɛbi mɛi ni maa lɛ nɛ, “Namɔ fã nyɛ akɛ nyɛma nɛkɛ tsu nɛɛ ni nyɛgbe naa?”

Ṅmãle̱ Kroṅkroṅ Le̱

³ No be le̱ mli noṅṅ le̱ Tatnai ni dši fă le̱ bie̱gbe̱ amralo le̱, ke̱ Šetar-Boznai ke̱ ame̱nanemei le̱ ba ame̱ṅõ, ni bo̱ni ame̱kē̱ame̱ ne̱: Namo fã́nye ake̱ nyemã ne̱ke̱ šĩa ne̱, ni nyesā ne̱ke̱ gbogbo ne̱?

Ezra 5:3 ပူးပေါင်းရင်းမြစ်များ

Ezra 1:3

Yehowa webii ni yɔɔ nyɛteŋ lɛ, Yehowa efã amɛteŋ mɔ fɛɛ mɔ koni efã kɛya Yerusalɛm yɛ Yuda, koni ayama Yehowa, Israel Nyɔŋmɔ lɛ, shĩa lɛ; lɛ Nyɔŋmɔ mɔ ni ajaa yɛ Yerusalɛm lɛ, we lɛ.

Ezra 4:12

Wɔmiitao ni Maŋtsɛ ana ale akɛ Yudafoi lɛ ni jɛ oŋɔɔ ba wɔŋɔɔ nɛɛ ebahe shi yɛ Yerusalɛm, ni amɛmiito atuatselɔi amaŋ fɔŋ lɛ ekoŋŋ. Amɛtswa ehe gbogboi lɛ amɛgbe naa etã, ni amɛmiisaa eshishitoo lɛ hu.

Ezra 4:9

“Mɛi ni ŋmã wolo nɛɛ ji Rehum, ajinafoiatsɛ lɛ, kɛ Shimshai, woloŋmalɔ lɛ, kɛ mɛi fɛɛ ni fata amɛhe kɛtsuɔ nii lɛ kɛ, kojolɔi lɛ kɛ shikpɔŋ mlijai anɔyelɔi kɛ tsujinukpai kɛ mɛi ni jɛ Erek kɛ Babilon kɛ Susa, ni ji Elambii lɛ,

Ezra 5:6

Wolo ni Tatnai ni ji amralo ni yɔɔ Eufrate Faa lɛ anaigbɛ biɛgbɛ lɛ kɛ Shetar-Boznai kɛ mɛi ni fata amɛhe ni ji amralofoi ni yɔɔ Eufrate Faa lɛ biɛgbɛ lɛ tsu akɛyahã maŋtsɛ Dario lɛ mli lɛ, amɛbɔ lɛ amaniɛ, ni amaniɛ lɛ nɛ,

Ezra 5:9

Kɛkɛ ni wɔbi amɛnukpai lɛ mɔ ni fã amɛ akɛ amɛma nɛkɛ shĩa nɛɛ ni amɛsaa ehe kɛ emli amɛgbe naa lɛ.

Ezra 6:13

Kɛkɛ ni Tatnai, faa lɛ anaigbɛ amralo lɛ, kɛ Shetar-Boznai kɛ amɛnanemɛi nitsulɔi lɛ fee bɔ ni Maŋtsɛ Dario fã akɛ afee lɛ pɛpɛɛpɛ.

Ezra 6:6

Kɛkɛ ni Dario ŋmã hetoo eyahã Tatnai, faa lɛ anaigbɛ amralo lɛ, kɛ Shetar-Boznai kɛ amraloi ni fata amɛhe yɛ faa lɛ anaigbɛ shikpɔŋ lɛ nɔ lɛ, ni efã amɛ akɛ, “Nyɛjea jɛi nyɛyaa sɛɛ flɛŋŋ.

Ezra 7:21

“Mi, Maŋtsɛ Artashasta, miiwo jwetritolɔi fɛɛ ni yɔɔ faa lɛ anaigbɛ biɛgbɛ lɛ akpɔ akɛ nɔ fɛɛ nɔ ni osɔfo Ezra, mlatsɔɔlɔ ni le ŋwɛi Nyɔŋmɔ lɛ mla lɛ mli jogbaŋŋ lɛ, aaabi nyɛ lɛ, aye oyai ni afee,

Hagai 1:1

Maŋtsɛ Dario, Persia nɔyelɔ lɛ yinɔ afi ni ji enyɔ lɛ nɔ nyɔŋ ni ji ekpaa lɛ klɛŋklɛŋ gbi lɛ nɔ lɛ, Yehowa kɛ wiemɔ hã Gbalɔ Hagai ekɛbahã Yuda Amralo Zerubabel, Shealtiel bi lɛ, kɛ Osɔfonukpa Yoshua, Yehozadak bi lɛ.

Mateo 21:23

Ni be ni eba Sɔlemɔ we lɛ ni etsɔ̃ɔ amɛ nii lɛ, osɔfonukpai lɛ kɛ maŋ onukpai lɛ ba eŋɔɔ amɛbabi lɛ akɛ, “Mɛɛ hegbɛ oyɔɔ hewɔ ofeɔ nɛkɛ nibii nɛɛ, ni namɔ hã bo nɛkɛ hegbɛ nɛɛ?”

Bɔfoi 4:7

ni amɛyaŋɔ Petro kɛ Yohane amɛbadamɔ amɛhiɛ, ni amɛbi amɛ akɛ, “Mɛɛ hewalɛ nyɛkɛfee enɛ, aloo mɛɛ gbɛi mli nyɛfee yɛ?”