Ezra 5:12 - ŊMALƐ KRƆŊKRƆŊ LƐ

¹² Shi akɛni wɔtsɛmɛi lɛ wo ŋwɛi Nyɔŋmɔ lɛ mli la hewɔ lɛ, ehã Babilon maŋtsɛ, Nebukadnezar, Kaldeanyo lɛ, baye amɛnɔ kunim. Nebukadnezar kumɔ nɛkɛ shĩa nɛɛ, ni eŋɔ maŋbii lɛ nom kɛtee Babilon.

Ṅmãle̱ Kroṅkroṅ Le̱

¹² Ši ake̱-ni wo̱tše̱mei le̱ wo ṅwei Nyoṅmo̱ le̱ mlila hewo̱ le̱, eṅõame̱ ewo Babel maṅtše̱ Nebukadnezar, Kaldeanyo le̱, deṅ, ni *ebakũmo̱ ne̱ke̱ šĩa ne̱, ni maṅbii le̱ eṅõame̱ nom ke̱-te Babel. *2 Maṅ. 25,9.

Ezra 5:12 ပူးပေါင်းရင်းမြစ်များ

Daniel 9:5

“Wɔfee esha, ni wɔtɔ̃; wɔfee yitsoŋwalɛ nibii, ni wɔtse ohiɛ atua, ni wɔyeee okitãi kɛ omlai lɛ anɔ.

2 Maŋtsɛmɛi 24:2

Ni Yehowa tsu Babilonbii atai lɛ kɛ Siriabii atai lɛ kɛ Moabbii atai lɛ kɛ Amonbii atai lɛ kɛbatua Yehoiakim koni amɛfite Yuda taakɛ Yehowa tsɔ̃ etsuji gbalɔi lɛ anɔ ewie lɛ.

Yeremia 5:29

“Mi, Yehowa, miibi akɛ, ‘Mikagbala amɛtoi yɛ enɛɛmɛi ahewɔ, ni mikatɔ mihe owele yɛ maŋ ni tamɔ nɛkɛ nɔ lo?

Lalai 106:40

No hewɔ lɛ, Yehowa mli fu emaŋ lɛ, ni enyaŋe lɛ diɛŋtsɛ ewebii lɛ.

2 Maŋtsɛmɛi 25:1

Zedekia tse Babilon Maŋtsɛ Nebukadnezar hiɛ atua. No hewɔ lɛ, eba mli akɛ Zedekia yinɔ afi ni ji nɛɛhu lɛ nɔ nyɔŋ ni ji nyɔŋma lɛ nɔ gbi ni ji nyɔŋma yɛ nyɔŋ lɛ nɔ lɛ, Babilon Maŋtsɛ Nebukadnezar kɛ eta lɛ fɛɛ fã kɛbatua Yerusalɛm, ni amɛsa maŋ lɛ yi, ni amɛmamɔ kpokui amɛbɔle lɛ kɛkpe.

Kojolɔi 6:1

Israelbii lɛ fee efɔŋ amɛshi Yehowa. No hewɔ lɛ, ehã Midianbii ye Israelbii lɛ anɔ afii kpawo.

Kojolɔi 4:2

No hewɔ lɛ, Yehowa hã Yabin, Kanaan maŋtsɛ ni yeɔ maŋtsɛ yɛ Hazor lɛ, ye amɛnɔ kunim. Etatsɛ ji Sisera, ni yɔɔ Jeŋmaji Haroshet lɛ.

Kojolɔi 2:14

No hewɔ lɛ, Yehowa mli wo Israelbii lɛ la ni ehã ofɔ̃yelɔi baye amɛ ofɔ̃. Asaŋ ekɛ Israelbii lɛ wo amɛhenyɛlɔi ni bɔle amɛ kɛkpe lɛ ahewalɛ shishi, ni amɛnyɛɛɛ amɛhenyɛlɔi lɛ ahiɛ amɛdamɔ dɔŋŋ.

5 Mose 32:30

Te feɔ tɛŋŋ ni gbɔmɔ kome kɛkɛ woɔ mɛi akpe foiŋ, ni gbɔmɛi enyɔ kɛkɛ hu woɔ mɛi akpei nyɔŋma foiŋ? Nɔ ni kɛba ji amɛTɛsaa lɛ ekwa amɛ, ni Yehowa eŋmɛɛ amɛhe ehã.

5 Mose 31:17

Kɛji eba mli nakai lɛ mimli aaawo amɛ la yɛ nakai be lɛ mli; ni mibakwa amɛ, ni mifeŋ amɛ ejurɔ, ni aaaye amɛnɔ. Saji fɔ̃ji babaoo kɛ haomɔi baaba amɛnɔ, ni ebaahã amɛbi yɛ nakai be lɛ mli akɛ, ‘Kwɛɛ jeee Yehowa, wɔNyɔŋmɔ lɛ, ni bɛ wɔteŋ dɔŋŋ lɛ hewɔ ni nɛkɛ nifɔɔjianii nɛɛ eba wɔnɔ nɛɛ?’

Yeremia 52:12

Babilon Maŋtsɛ Nebukadnezar maŋtsɛyeli afi ni ji nyɔŋma kɛ nɛɛhu lɛ nɔ nyɔŋ ni ji enumɔ lɛ nɔ gbi ni ji nyɔŋma lɛ nɔ lɛ, Nebuzaradan ni ji Nebukadnezar hebulɔi ni sɔmɔɔ lɛ lɛ asafoiatsɛ lɛ bote Yerusalɛm maŋ lɛ mli,

2 Kronika 36:20

Mɛi ni je gbele mli lɛ eŋɔ amɛ nom kɛtee Babilon, ni amɛyasɔmɔ lɛ kɛ eshwiei kɛyashi Persia maŋtsɛyeli lɛ baye nɔ.

Yesaia 47:6

Mimli wo mimaŋ lɛ la, ni mibule minɔyeli nɔ lɛ, ni miŋɔ amɛ miwo odɛ̃ŋ. Omusuŋ etsɔ̃ɔɔ bo yɛ amɛhe; hiimeji tete po okɛ amɛ ye kɛ joomɔ.

Yeremia 51:59

Yuda Maŋtsɛ Zedekia yinɔ afi ni ji ejwɛ lɛ nɔ lɛ etee Babilon. Ekɛ epiafonyonukpa Seraia ni ji Maseia bi Neria bi lɛ tee. Gbalɔ Yeremia kɛ wiemɔ nɛɛ maje Seraia.