Ezra 4:2 - ŊMALƐ KRƆŊKRƆŊ LƐ

² amɛba Zerubabel kɛ tsɛmɛi awei lɛ onukpai lɛ aŋɔɔ, ni amɛbakɛɛ amɛ akɛ, “Nyɛhãa wɔkɛ nyɛ amãa; ejaakɛ nyɛ Nyɔŋmɔ ni nyɛjaa lɛ nɔŋŋ wɔ hu wɔjaa, ni lɛ nɔŋŋ wɔshãa afɔle wɔhãa kɛjɛ Esar-Hadon Asiria maŋtsɛ lɛ, ni ŋɔ wɔ kɛba biɛ lɛ yinɔ.”

Ṅmãle̱ Kroṅkroṅ Le̱

² ke̱ke̱ ni ame̱ba Zerubabel ke̱ tše̱mei awei le̱ ano̱ onukpai le̱ aṅõ, ni ame̱-bakē̱ame̱ ake̱: Nyehāa wo̱ke̱nye amãa; edšake̱ we̱mītao nye-Nyoṅmo̱ le̱ tamo̱ nye noṅṅ, ni le̱ noṅṅ wo̱šãa afo̱le wo̱hãa ke̱ dše̱ *Esar-Hadon, Ašur maṅtše̱ le̱, ní ṅõ-wo̱ ke̱-ba bie̱ le̱ yino̱. *2 Maṅ. 17,24. 38; 19,37.

Ezra 4:2 ပူးပေါင်းရင်းမြစ်များ

1 Mose 10:11

Ejɛ shikpɔŋ nɛɛ nɔ kɛtee Asiria, ni eyato Nineve maŋ lɛ kɛ Rehobot Ir kɛ Kala

2 Maŋtsɛmɛi 17:24

Kɛkɛ ni Asiria maŋtsɛ lɛ yaŋɔ mɛi kɛjɛ Babilon kɛ Kuta kɛ Ava kɛ Hamat kɛ Sefarwaim, ni ekɛ amɛ ba Israel; ni amɛbahi maji ni kulɛ Israelbii ni yɔɔ nomŋɔɔ mli lɛ hi lɛ. Ni amɛŋɔ Samaria maŋ wulu lɛ hu amɛfata he.

2 Maŋtsɛmɛi 17:41

No hewɔ lɛ, nɛkɛ jeŋmaji nɛɛ ja Yehowa, shi amɛsɔ̃mɔ amɛmãgãi lɛ hu. Amɛbii kɛ amɛbii abii hu, bɔ ni amɛtsɛmɛi lɛ fee lɛ, nakai nɔŋŋ amɛ hu amɛfeɔ kɛbashi ŋmɛnɛ gbi nɛɛ.

2 Maŋtsɛmɛi 19:37

Ni eba mli akɛ gbi ko be ni ejaa yɛ enyɔŋmɔ Nisrok we lɛ, lɛ diɛŋtsɛ emusuŋ bihii enyɔ, Adramelek kɛ Sharezer, yagbe lɛ kɛ klante, ni amɛjo foi kɛtee Ararat shikpɔŋ lɛ nɔ, ni ebinuu kroko, Esar-Hadon, baye maŋtsɛ yɛ esɛɛ.

Ezra 1:5

Kɛkɛ ni Yuda kɛ Benyamin wekui lɛ ayitsei kɛ osɔfoi lɛ kɛ Levibii lɛ, mɛi fɛɛ ni Nyɔŋmɔ kanya amɛ yɛ mumɔ mli lɛ, fã koni amɛya ni amɛyasaa Yehowa shĩa lɛ ni yɔɔ Yerusalɛm lɛ amɛma.

Ezra 2:2

Mɛi ni nyiɛ amɛhiɛ kɛba ji Zerubabel kɛ Yeshua kɛ Nehemia kɛ Seraia kɛ Reelaia kɛ Mɔdekai kɛ Bilshan kɛ Mispar kɛ Bigewai kɛ Rehum kɛ Baana. Israelbii lɛ ateŋ hii lɛ ayibɔ nɛ:

Ezra 3:12

Shi Osɔfoi lɛ kɛ Levibii lɛ kɛ tsɛmɛi awei lɛ onukpai lɛ ateŋ mɛi pii, mɛi ni ji hiimeji ni na klɛŋklɛŋ shĩa lɛ fo waa, be ni ato shĩa nɛɛ shishi yɛ amɛhiɛ lɛ; shi mɛi babaoo hu bɔ oshe waa kɛ nyamɔ.

Ezra 3:2

Kɛkɛ ni Yeshua, Yehozadak bi lɛ, kɛ enanemɛi osɔfoi lɛ kɛ Zerubabel, Shealtiel bi lɛ, kɛ ewekumɛi kɛ nitsumɔ wo mli, ni amɛma Israel Nyɔŋmɔ lɛ afɔleshãa latɛ lɛ koni amɛshã shãa afɔlei yɛ nɔ, tamɔ bɔ ni aŋma yɛ Nyɔŋmɔ Gbɔmɔ Mose Mla lɛ mli lɛ.

Nehemia 9:32

“WɔNyɔŋmɔ, oje agbo! Ohe wa, ohe yɛ gbeyei, ni onaa mɔbɔ; kɛji okɛ mɔ ko kpãŋ ni owo shi lɛ, oyeɔ nɔ. Kɛjɛ Asiria maŋtsɛmɛi lɛ ayinɔ kɛbashi ŋmɛnɛ lɛ, kaahã amanehulu ni ba wɔ kɛ wɔmaŋtsɛmɛi kɛ wɔnukpai kɛ wɔsɔfoi kɛ wɔgbalɔi kɛ wɔtsɛmɛi lɛ kɛ omaŋ lɛ fɛɛ nɔ lɛ, miifee sane bibioo yɛ ohiɛ.

Lalai 73:8

Amɛyeɔ mɛi ahe fɛo, ni nishaianii he amɛwieɔ; amɛfaa amɛhe amɛwieɔ, ni mɛi apiŋmɔ pɛ he amɛjwɛŋɔ.

Yesaia 37:37

Kɛkɛ ni Asiria Maŋtsɛ Sankerib gbala ehe shi, ni eku esɛɛ etee shĩa, ni eyahi Nineve.

Yesaia 37:38

Ni gbi ko pɛ ni etee ejaa yɛ enyɔŋmɔ ni egbɛi ji Nisrok we lɛ, lɛ nɔŋŋ ebihii, Adramelek kɛ Sharezer, kɛ klante gbe lɛ. Kɛkɛ ni ebihii nɛɛ jo foi kɛtee Ararat shikpɔŋ lɛ nɔ. Kɛkɛ ni bihii lɛ eko ni egbɛi ji Esa-Hardon lɛ baye Sankerib sɛɛ akɛ maŋtsɛ.

Hosea 14:3

Asiria nyɛŋ wɔyiwala ahere gbi ko gbi ko; ni tayaa okpɔŋɔi hu nyɛŋ afã wɔhe. Asaŋ amãgã ni wɔkɛ wɔniji fee lɛ wɔtsɛŋ lɛ wɔNyɔŋmɔ dɔŋŋ. Yehowa, bo lɛ omusuŋ tsɔ̃ɔ bo yɛ awusãi ahe.”

Galatabii 2:4

Mɛi ni wo ketiafoo sane nɔ ji amale nyɛmimɛi komɛi ni ju shi kɛbafutu wɔ, ni amɛba nigii koni amɛbasara wɔhe ni wɔye yɛ Kristo Yesu mli lɛ, koni amɛye wɔ nyɔŋ;

2 Timoteo 3:8

Shi tamɔ bɔ ni Yane kɛ Yambre ku Mose naa lɛ, nakai nɔŋŋ nɛkɛ mɛi nɛɛ kuɔ anɔkwale lɛ naa; gbɔmɛi ni yitseiaŋ efite, mɛi ni jeee mɛi komɛi yɛ hemɔkɛyeli lɛ gbɛfaŋ.