Ezra 4:12 - ŊMALƐ KRƆŊKRƆŊ LƐ

¹² Wɔmiitao ni Maŋtsɛ ana ale akɛ Yudafoi lɛ ni jɛ oŋɔɔ ba wɔŋɔɔ nɛɛ ebahe shi yɛ Yerusalɛm, ni amɛmiito atuatselɔi amaŋ fɔŋ lɛ ekoŋŋ. Amɛtswa ehe gbogboi lɛ amɛgbe naa etã, ni amɛmiisaa eshishitoo lɛ hu.

Ṅmãle̱ Kroṅkroṅ Le̱

¹² Maṅtše̱ aná ale ake̱ Iudafoi le̱ ni dše̱ oṅõ ba wo̱ṅõ ne̱ eba Ierusalem; ni ame̱mīto atũatšemo̱ maṅ fõṅ le̱ ekoṅ, ni ame̱gbe ehe gbogboi le̱ ana, ni ame̱sã ešišitōi le̱ hũ.

Ezra 4:12 ပူးပေါင်းရင်းမြစ်များ

2 Maŋtsɛmɛi 18:20

Ani osusuɔ akɛ naafuu wiemɔ kɛkɛ ji tawuu he ŋaatoo, loo no ji hewalɛ ni akɛwuɔ ta lo? Namɔ nɔ po ohiɛ kã, hewɔ ni otse mihiɛ atua nɛɛ?

2 Maŋtsɛmɛi 24:1

Be mli ni Yehoiakim yeɔ maŋtsɛ lɛ, Babilon maŋtsɛ Nebukadnezar fã ta kɛbatua Yuda, ni eye enɔ; ni Yehoiakim sɔ̃mɔ lɛ afii etɛ̃. Shi Yehoiakim tse Nebukadnezar hiɛ atua.

2 Kronika 36:13

Zedekia hu tse Maŋtsɛ Nebukadnezar hiɛ atua be mli ni Nebukadnezar ehã Zedekia kɛ Nyɔŋmɔ ekã lɛ, Nebukadnezar lɛ, kitã. Zedekia kuɛŋ yati, ni ekpliŋ etsui, ni emiii akɛ ejeɔ ehe sɛɛ ni eboɔ Yehowa, Israel Nyɔŋmɔ lɛ, toi.

Ezra 4:11

Wolo lɛ mli sane nɛ, “Aaŋmã wolo nɛɛ ayahã maŋtsɛ Artashasta. Maŋtsɛ Artashasta tsuji ni yɔɔ Eufrate Faa lɛ anaigbɛ lɛ adɛŋ wolo nɛɛ jɛ.

Ezra 4:15

koni atao yɛ otsɛmɛi awolo ni aŋmã nibii ni eba awo mli afɔ̃ shi lɛ mli. Kɛji akwɛ wolo nɛɛ mli lɛ, abaana yɛ mli akɛ nɛkɛ maŋ nɛɛ atuatselɔi amaŋ ni. Amɛwoɔ maŋtsɛmɛi kɛ shikpɔŋ mlijai anɔyelɔi anaagba; ni kɛjɛ teteete lɛ, mɛi ayiŋ amɛwoɔ koni atse atua. Enɛ nɔŋŋ hewɔ ajwa maŋ nɛɛ.

Ezra 4:19

Mifã ni atao mli; ni ana akɛ kɛjɛ teteete lɛ maŋ nɛɛ teɔ shi ewoɔ maŋtsɛmɛi lɛ; atseɔ atua, yɛ mli, ni awoɔ mɛi ayiŋ yɛ nɔyelɔi lɛ ahe.

Ezra 5:3

Nakai be lɛ mli nɔŋŋ lɛ, Tatnai ni ji amralo ni kwɛɔ Eufrate Faa lɛ anaigbɛ biɛgbɛ lɛ kɛ Shetar-Boznai kɛ amɛnanemɛi lɛ, ba mɛi ni maa tsu lɛ ŋɔɔ, ni nɔ ni amɛbi mɛi ni maa lɛ nɛ, “Namɔ fã nyɛ akɛ nyɛma nɛkɛ tsu nɛɛ ni nyɛgbe naa?”

Ezra 5:9

Kɛkɛ ni wɔbi amɛnukpai lɛ mɔ ni fã amɛ akɛ amɛma nɛkɛ shĩa nɛɛ ni amɛsaa ehe kɛ emli amɛgbe naa lɛ.

Nehemia 1:3

Amɛto he akɛ, “Mɛi ni aŋɔ amɛ nom lɛ ateŋ mɛi ni hiɛ kã lolo ni yɔɔ shikpɔŋ lɛ nɔ lɛ miina amanehulu kpele, ni amɛhiɛ eshwie shi. Yerusalɛm gbogbo lɛ akumɔ ashwie shi, ni enaa agboi lɛ ashã.

Nehemia 6:6

Wolo lɛ mli sane nɛ, “Aatã yɛ jeŋmaji lɛ amli, ni Geshem hu kɛɛ akɛ akɛɛ Yudafoi lɛ miitao atse atua, ni no hewɔ otswaa gbogbo lɛ. Asaŋ akɛɛ ootao maŋtsɛ oye.

Ester 3:8

Kɛkɛ ni Haman kɛɛ maŋtsɛ Ahashwerosh akɛ, “Nii, Gbɔmɛi komɛi egbɛ eshwã omaŋtsɛyeli shikpɔji kɛ kpokpai fɛɛ anɔ, ni amɛ lɛ esoro amɛkusum kwraa yɛ maŋbii krokomɛi lɛ anɔ he, ni amɛyeee maŋtsɛ mlai lɛ anɔ hu. Enɛ lɛ esaaa akɛ Nii aŋmɛ amɛ gbɛ nakai.

Yeremia 52:3

Anɔkwa, akɛni Yehowa mli efu waa hewɔ lɛ, ekpoo Yerusalɛmbii kɛ Yudabii fɛɛ, ni eshwie amɛ kɛje ehiɛ. Zedekia tse Babilon maŋtsɛ lɛ hiɛ atua,

Daniel 3:8

Babilonbii komɛi tsɔ̃ amãgã nɛɛ jamɔ lɛ nɔ, ni amɛfo Yudafoi lɛ anaa.

Daniel 9:25

Na ole, ni onu shishi, akɛ kɛjɛ beyinɔ ni afã akɛ ayatswa Yerusalɛm maŋ lɛ kɛyaashi beyinɔ ni hiɛnyiɛlɔ ni Nyɔŋmɔ ehala, ni efɔ lɛ mu lɛ aaashɛ shi lɛ, afii kpawo toi kpawo baaho. Abaasaa atswa Yerusalɛm maŋ lɛ, ni abaasaa emli gbɛjegbɛi lɛ, ni abaasaa atswa egbogboi lɛ. Ebaahi shi nɛkɛ kɛyashi afii nyɔŋmai ekpaa kɛ enyɔ toi kpawo; shi nɛkɛ be nɛɛ baafee fimɔ bei.

Luka 13:34

Yerusalɛm, Yerusalɛm, bo mɔ ni ogbeɔ gbalɔi lɛ ni otswiaa mɛi ni atsuɔ amɛ oŋɔɔ lɛ atɛi, shii enyiɛ mitao akɛ mibuaa obii anaa, tamɔ bɔ ni wuɔ buaa ebii anaa ewoɔ efiji ashishi lɛ, ni nyɛkpɛlɛ̃ɛɛ!

Bɔfoi 24:5

Wɔna nuu nɛɛ akɛ mɔ ko ni fiteɔ mɛi ayiŋ ni emuɔ atuatsemɔ mumɔ ewoɔ Yudafoi fɛɛ ni yɔɔ jeŋ muu lɛ fɛɛ mli, ni asaŋ eji Nazaremɛi akuu lɛ naa kpãa.

1 Tesalonikabii 5:22

Nyɛtsia nyɛhe kɛjɛa nɔ fɛɛ nɔ ni hiɛ efɔŋ su lɛ he.