Ezra 3:7 - ŊMALƐ KRƆŊKRƆŊ LƐ

⁷ Maŋbii lɛ hã shika kɛhã gbogbotswalɔi kɛ srɛŋkifoi lɛ anyɔmɔwoo. Asaŋ amɛhã niyenii kɛ dãa kɛ mu akɛ akɛhã Sidonbii lɛ kɛ Tirobii lɛ, koni amɛyaŋɔ tsenedru tsei kɛjɛ Lebanon kɛba Yopa ŋshɔ lɛ naa tamɔ bɔ ni Koresh, Persia maŋtsɛ lɛ, ehã amɛ hegbɛ akɛ afee lɛ.

Ṅmãle̱ Kroṅkroṅ Le̱

⁷ Ši ame̱hã gbogbotſalo̱i ke̱ ṅmoṅmlo-gbo̱lo̱i le̱ šika, ni ame̱hã Zidonbii le̱ ke̱ Tirobiĩ le̱ niyenii ke̱ dã ke̱ mū, koni ame̱yaṅõ tšenedrutšei ke̱-dše̱ Lebanon ke̱-ba Iopa ṅšo̱ le̱ nā, bo̱ni Koreš, Persia maṅtše̱ le̱, ehãame̱ hegbe̱ le̱.

Ezra 3:7 ပူးပေါင်းရင်းမြစ်များ

2 Samuel 5:11

Tiro maŋtsɛ Hiram wo kapintafoi kɛ tɛ gbogbotswalɔi agbɛ, ni amɛkɛ tsenedru tsei ba, ni amɛkɛbama maŋtsɛ we amɛhã David.

1 Maŋtsɛmɛi 5:6

No hewɔ lɛ, agbɛnɛ tsu koni omɛi lɛ ayatoo tsenedru tsei yɛ Lebanon ahã mi; bɔ fɛɛ bɔ ni ooohe mi lɛ mawo akɛ apaafoi lɛ anyɔmɔwo. Mahã mitsuji lɛ tete abafata amɛhe. Ejaakɛ bo diɛŋtsɛ ole akɛ mɔ ko mɔ ko bɛ wɔteŋ ni le tsotoomɔ tamɔ Sidonbii.”

2 Maŋtsɛmɛi 12:10

Ni ebaa mli akɛ be fɛɛ be kɛji amɛna akɛ shika lɛ efa yɛ adeka lɛ mli lɛ, maŋtsɛ lɛ woloŋmalɔ lɛ kɛ osɔfonukpa lɛ baa, ni amɛbakaneɔ shika ni ana yɛ Yehowa we lɛ, ni amɛbafimɔɔ shika lɛ amɛwoɔ kotokui amli.

2 Maŋtsɛmɛi 12:13

Shi shika ni akɛbaa Yehowa we lɛ aŋɔɔɔ no eko akɛfeee Yehowa we lɛ jwiɛtɛi kãi, lagbee nii, lalakãi, tɛtɛrɛmantɛrɛi aloo shika nii loo jwiɛtɛi nii krokomɛi;

2 Kronika 34:10

Atu shika lɛ awo nitsulɔinukpai ni kwɛɔ Yehowa we lɛ he nitsulɔi lɛ anɔ lɛ dɛŋ; ni amɛ hu amɛkɛhã nitsulɔi ni tsuɔ nii yɛ Yehowa we lɛ koni amɛkɛsaa shia lɛ hei ni ekumɔ lɛ.

Ezra 3:6

Nyɔŋ ni ji kpawo lɛ nɔ klɛŋklɛŋ gbi lɛ nɔ amɛjɛ amɛbɔ̃i shãa afɔlei lɛ ashãa kɛ Yehowa hãmɔ, tsɛbelɛ Yehowa Sɔlemɔtsu lɛ anako ato shishi.

Ezekiel 27:17

Yuda kɛ Israel kɛ bo ye jara, amɛkɛ ŋmãa kɛ mu kɛ agbãmi kɛ wo kɛ mu kɛ tsofakɛŋma baa, ni amɛkɛbatsakeɔ oguɔ nibii lɛ.

Yona 1:3

Shi be ni Yona yi mli lɛ, ewo ehiɛ ema Tarshish gbɛ moŋ. Eyiŋtoo ji akɛ eejo Yehowa tsumɔ lɛ naa foi. Etee Yopa; eyana lɛlɛ ko yɛ jɛi ni miiya Tarshish. No hewɔ lɛ, ewo lɛlɛ lɛ mlitamɔ he nyɔmɔ, kɛkɛ ni ebote mli koni ekɛ lɛlɛ lɛ mli bii lɛ aya Tarshish, koni ejo foi yɛ Yehowa hiɛ.

Bɔfoi 12:20

Shi Herode mli efu Tirobii kɛ Sidonbii lɛ naakpa; no hewɔ lɛ, amɛkɛ jwɛŋmɔ kome ba eŋɔɔ, ni amɛbatao maŋtsɛ lɛ piafonyo ni gbɛi ji Blasto lɛ hiɛgbɛ ni amɛyakpa hejɔlɛ he fai, ejaakɛ maŋtsɛ lɛ shikpɔŋ lɛ nɔ amɛnaa amɛniyenii kɛjɛɔ.

Bɔfoi 9:36

Shi yoo kaselɔ ko yɛ Yopa ni atsɛɔ lɛ Tabita, eshishi ji Dorka. Nitsumɔi kpakpai kɛ ejurɔfeemɔ eyi yoo nɛɛ obɔ̃.

Bɔfoi 9:38

Lida kɛ Yopa jɛkɛɛɛ kwraa, ni be ni kaselɔi lɛ nu akɛ Petro yɛ Lida lɛ, amɛtsu hii enyɔ kɛtee eŋɔɔ amɛyakpa lɛ fai akɛ ekashashao shi, shi eba amɛŋɔɔ oya.

Bɔfoi 9:43

Ni Petro hi Yopa gbii kplaŋŋ yɛ wolokpoolɔ ko ni atsɛɔ lɛ Simon lɛ ŋɔɔ.