Ezra 3:2 - ŊMALƐ KRƆŊKRƆŊ LƐ

² Kɛkɛ ni Yeshua, Yehozadak bi lɛ, kɛ enanemɛi osɔfoi lɛ kɛ Zerubabel, Shealtiel bi lɛ, kɛ ewekumɛi kɛ nitsumɔ wo mli, ni amɛma Israel Nyɔŋmɔ lɛ afɔleshãa latɛ lɛ koni amɛshã shãa afɔlei yɛ nɔ, tamɔ bɔ ni aŋma yɛ Nyɔŋmɔ Gbɔmɔ Mose Mla lɛ mli lɛ.

Ṅmãle̱ Kroṅkroṅ Le̱

² Ke̱ke̱ ni *Iešua, Iozadak bi le̱, ke̱ enyemimei oso̱foi le̱ ke̱ †Zerubabel, Šealtiel bi le̱, ke̱ enyemimei le̱ te ši ni ame̱yamã Israel Nyoùmo̱ le̱ afo̱lešãlate̱ le̱, koni ašã šã-afo̱lei ye̱ no̱, take̱ bo̱ni **aṅmã ye̱ Nyoṅmo̱ gbomo Mose mla le̱ mli le̱. *2,2. †1 Kron. 3,17-19. **2 Mose 27,1. 3 Mose 6,9.

Ezra 3:2 ပူးပေါင်းရင်းမြစ်များ

1 Mose 12:7

Kɛkɛ ni Yehowa jie ehe kpo etsɔ̃ɔ Abram ni ekɛɛ, “Oshwiei mikɛ nɛkɛ shikpɔŋ nɛɛ baahã.” No hewɔ lɛ, Abram mã afɔleshãa latɛ yɛ jɛi ehã Yehowa, mɔ ni jie ehe kpo etsɔ̃ɔ lɛ lɛ.

1 Kronika 23:14

Shi akane Mose, Nyɔŋmɔ gbɔmɔ lɛ, shwiei lɛ ashi Levibii lɛ anɔ.

1 Kronika 3:17

Maŋtsɛ Yehoiakin, mɔ ni Babilonbii lɛ ŋɔ lɛ nom lɛ, shwiei lɛ agbɛii baa nɛɛ. Maŋtsɛ Yehoiakin fɔ bihii kpawo: Shealtiel,

1 Kronika 3:19

Pedaia fɔ bihii enyɔ: Zerubabel kɛ Shimei. Ni Zerubabel fɔ bihii enyɔ: Meshulam kɛ Hanania, kɛ yoo kome ni atsɛɔ lɛ Shelomit.

2 Kronika 6:6

Shi agbɛnɛ mikɔ Yerusalɛm akɛ he ni aja mi yɛ, ni mikɔ David hu akɛ mɔ ni aye mimaŋ Israelbii anɔ.’

Ezra 10:18

Yɛ osɔfoi abii agbɛfaŋ lɛ, mɛi ni ana yɛ tsɛmɛi awe ji Yeshua, Yozadak bi lɛ ni enyɛmimɛi abii lɛ ateŋ mɛi ni amɛŋɔ maŋsɛɛ yei ji: Maseia kɛ Eliezer kɛ Yarib kɛ Gedalia.

Ezra 10:20

Imer tsɛmɛi awe bii lɛ ateŋ lɛ mɛi ni hiɛ maŋsɛɛ yei ji Hanani kɛ Zebadia.

Ezra 10:21

Harim tsɛmɛi awe bii lɛ ateŋ lɛ, Maaseia kɛ Elia kɛ Shemaia kɛ Yehiel kɛ Uzia.

Ezra 10:22

Pashur tsɛmɛi awe bii lɛ ateŋ lɛ, Elioenai kɛ Maaseia kɛ Ishmael kɛ Netanel kɛ Yozabad kɛ Elasa.

Ezra 2:2

Mɛi ni nyiɛ amɛhiɛ kɛba ji Zerubabel kɛ Yeshua kɛ Nehemia kɛ Seraia kɛ Reelaia kɛ Mɔdekai kɛ Bilshan kɛ Mispar kɛ Bigewai kɛ Rehum kɛ Baana. Israelbii lɛ ateŋ hii lɛ ayibɔ nɛ:

Ezra 3:8

No hewɔ lɛ, be ni Israelbii lɛ ba Yehowa we lɛ yɛ Yerusalɛm lɛ, enɔ afi ni ji enyɔ yɛ nyɔŋ ni ji enyɔ lɛ nɔ lɛ, Zerubabel, Shealtiel bi lɛ, kɛ Yeshua, Yozadak bi lɛ, kɛ amɛnyɛmimɛi ni eshwɛ lɛ kɛ osɔfoi lɛ kɛ Levibii lɛ, kɛ mɛi fɛɛ ni ku amɛsɛɛ kɛjɛ nomŋɔɔ lɛ mli kɛba Yerusalɛm lɛ bɔ̃i nitsumɔ lɛ. Amɛfamɔ Levibii fɛɛ ni eye afii nyɔŋmai enyɔ kɛyaa lɛ koni amɛkwɛ Yehowa we lɛ nitsumɔ lɛ nɔ.

Ezra 5:2

Kɛkɛ ni Zerubabel, Shealtiel bi lɛ, kɛ Yeshua, Yozadak bi lɛ, te shi ni amɛbɔi Nyɔŋmɔ We lɛ ni yɔɔ Yerusalɛm lɛ mãa. Nyɔŋmɔ gbalɔi enyɔ lɛ fĩ amɛsɛɛ, ni amɛwa amɛ.

Nehemia 12:1

Osɔfoi kɛ Levibii ni kɛ Zerubabel, Shealtiel bi lɛ, kɛ Yeshua jɛ nomŋɔɔ mli ba lɛ agbɛii nɛ: Seraia kɛ Yeremia kɛ Ezra

Nehemia 12:8

Levibii lɛ ji Yeshua kɛ Binui kɛ Kadmiel kɛ Sherebia kɛ Yuda kɛ Matania. Matania ji lalɔi akui lɛ atsɛ,

Lalai 78:68

Shi moŋ eŋɔ Yuda akutso lɛ, Zion Gɔŋ lɛ ni esumɔɔ lɛ.

2 Mose 27:1

“Okɛ tso lɛ eko akpɛ afɔleshãa latɛ lɛ. Ekɛlɛ afee ninetalɔi enumɔ kɛ elɛɛmɔ hu ninetalɔi enumɔ, ekɛlɛ kɛ elɛɛmɔ aye egbɔ; ekwɔlɛ afee ninetalɔi etɛ̃.

Hagai 1:1

Maŋtsɛ Dario, Persia nɔyelɔ lɛ yinɔ afi ni ji enyɔ lɛ nɔ nyɔŋ ni ji ekpaa lɛ klɛŋklɛŋ gbi lɛ nɔ lɛ, Yehowa kɛ wiemɔ hã Gbalɔ Hagai ekɛbahã Yuda Amralo Zerubabel, Shealtiel bi lɛ, kɛ Osɔfonukpa Yoshua, Yehozadak bi lɛ.

Hagai 1:12

Kɛkɛ ni Zerubabel, Shealtiel bi lɛ, kɛ Osɔfonukpa Yoshua, Yehozadak bi lɛ, kɛ maŋ lɛ mli mɛi ni shwɛ kɛjɛ nomŋɔɔ lɛ mli kɛba lɛ fɛɛ, bo Yehowa kɛ Gbalɔ Hagai wiemɔi lɛ atoi. Amɛshe gbeyei yɛ Yehowa hiɛ.

Hagai 1:14

Kɛkɛ ni Yehowa tee Yuda Amralo Zerubabel, Shealtiel bi lɛ, kɛ Osɔfonukpa Yoshua, Yehozadak bi lɛ, kɛ maŋ lɛ mli bii ni shwɛ kɛjɛ nomŋɔɔ mli kɛba lɛ hu fɛɛ amumɔ shi, ni amɛtee amɛyatsu Yehowa, Taiatsɛ, amɛNyɔŋmɔ lɛ, Sɔlemɔ we lɛ he nii.

Hagai 2:21

“Kɛɛmɔ Yuda Amralo Zerubabel, Shealtiel bi lɛ, akɛ eshwɛ fioo ni mibahoso ŋwɛi kɛ shikpɔŋ lɛ hu,

Hagai 2:23

Nakai gbi lɛ nɔ lɛ, Zerubabel, Shealtiel bi, mitsulɔ, mibaŋɔ bo koni oye maŋbii lɛ alumɔ yɛ mi migbɛi mli, ejaakɛ bo ji mɔ ni mihala.” Mi, Taiatsɛ, mi mikɛɛ.

Zakaria 3:1

Agbɛnɛ ehã mina Yoshua ni ji osɔfonukpa lɛ ni edamɔ Yehowa bɔfo lɛ hiɛ, ni satan hu damɔ Yoshua ninejurɔ ni ebaafolɔ enaa.

Zakaria 3:8

Agbɛnɛ, bo osɔfonukpa Yoshua, bo toi, bo kɛ onanemɛi osɔfoi krokomɛi ni yɔɔ oshishi lɛ fɛɛ. Mɛi nɛɛ ji shade ni baaba lɛ he okadi lɛ. Naa, mibawo mitsulɔ, ni atsɛɔ lɛ Tsonine, gbɛ kɛba.

Zakaria 6:11

Okɛ jwiɛtɛi kɛ shika ni oŋɔ yɛ amɛdɛŋ lɛ afee maŋtsɛ fai ni okɛbu Yehozadak bi Yoshua, ni ji osɔfonukpa lɛ.

4 Mose 28:2

“Kɛɛmɔ Israelbii lɛ akɛ amɛhiɛ ahi minikeenii ni ji niyenii afɔle ni akɛ la shãa ni ejeɔ ŋma ewoɔ mi lɛ nɔ koni amɛkɛbahã mi kɛji afɔle hãmɔ be shɛ lɛ.

Luka 3:27

Yohanan bi, Resa bi, Zerubabel bi, Shealtiel bi, Neri bi,

Kojolɔi 6:24

Kɛkɛ ni Gideon ma afɔleshãa latɛ yɛ jɛi ehã Yehowa, ni etsɛ lɛ akɛ, “Yehowa ji hejɔlɛ.” Afɔleshãa latɛ lɛ yɛ Ofra ni ji Abiezerbii anɔ lɛ kɛbashi ŋmɛnɛ.