Ezra 10:9 - ŊMALƐ KRƆŊKRƆŊ LƐ

⁹ Kɛkɛ ni Yuda kɛ Benyaminhii lɛ babua amɛhe naa kɛkpe yɛ Yerusalɛm yɛ gbii etɛ̃ lɛ mli, yɛ nyɔŋ ni ji nɛɛhu lɛ nɔ gbi ni ji nyɔŋmai enyɔ lɛ nɔ. Maŋ muu lɛ fɛɛ baho tara he ko kpataa ko ni yɔɔ Nyɔŋmɔ We lɛ hiɛ lɛ. Gbeyei emɔmɔ amɛ yɛ sane nɛɛ he, ni asaŋ nu ni nɛɔ waa lɛ ehã amɛmiikpokpo.

Ṅmãle̱ Kroṅkroṅ Le̱

⁹ Ke̱ke̱ ni Iuda ke̱ Benyamin hĩĩ le̱ fẽ babua ame̱he nā ke̱-kpe ye̱ Ierusalem ye̱ gbĩĩ etẽ le̱ mli, ye̱ nyõṅ ní dši ne̱hũ le̱ no̱, ye̱ nakai nyõṅ le̱ no̱ gbĩ ní dši gbĩ nyoṅmai-enyo̱ le̱ no̱, ni maṅ mū le̱ fẽ baho trá he ko kpatā ko ni yo̱ Nyoṅmo̱ we le̱ hĩe le̱, ni ame̱he mīkpokpo ye̱ ne̱ke̱ sane ne̱ ke̱ nyoṅmo̱ ni ne̱o̱ le̱ hewo̱.

Ezra 10:9 ပူးပေါင်းရင်းမြစ်များ

Ezra 10:10

Osɔfo Ezra te shi damɔ shi, ni ekɛɛ amɛ akɛ, “Nyɛtɔ̃, ejaakɛ nyɛyaŋɔ maŋsɛɛ yei, ni nyɛkɛhã Israel fɔ ni eye lɛ eda.

Ezra 10:3

No hewɔ lɛ, agbɛnɛ nyɛhãa wɔkɛ wɔNyɔŋmɔ lɛ akpãŋa, koni wɔshwie yei lɛ kɛ bii lɛ hu yɛ minuŋtsɔ kɛ mɛi ni sheɔ wɔNyɔŋmɔ lɛ kitã lɛ gbeyei lɛ aŋaawoo naa, koni wɔye mla lɛ nɔ.

Ezra 10:8

Akɛɛ kɛshi nɔ akɛ mɔ fɛɛ mɔ ni baaa kɛyashi gbii etɛ̃, tamɔ bɔ ni lumɛi lɛ kɛ onukpai lɛ efã akɛ aba lɛ, aaajɔɔ enii anɔ ake, ni lɛ diɛŋtsɛ hu aaajie lɛ yɛ mɛi ni jɛ nomŋɔɔ mli ba lɛ ateŋ.

Ezra 9:4

Kɛkɛ ni mɛi fɛɛ ni gbeyei emɔmɔ amɛ yɛ wiemɔi ni Israel Nyɔŋmɔ lɛ wie yɛ mɛi ni aŋɔ amɛ nom lɛ mla ni amɛtɔ̃ hewɔ lɛ babua amɛhe naa yɛ miŋɔɔ. Shi mi lɛ, mihe jɔ̃ mihe kɛta shi aahu kɛyashi gbɛkɛ afɔleshãa be lɛ mli.

Ester 2:16

Kɛkɛ ni aŋɔ Ester ayahã Maŋtsɛ Ahashwerosh yɛ emaŋtsɛyeli we lɛ mli. Maŋtsɛ Ahashwerosh maŋtsɛyeli afi ni ji kpawo lɛ mli Tebet nyɔŋ lɛ ni ji nyɔŋ ni ji nyɔŋma lɛ nɔ akɛ Ester yahã lɛ lɛ.

Yeremia 10:10

Shi Yehowa ji anɔkwa Nyɔŋmɔ. Lɛ ji Nyɔŋmɔ hiɛkãalɔ kɛ Naanɔ Maŋtsɛ lɛ. Emlifu hãa shikpɔŋ hosoɔ, ni maji nyɛɛɛ emlila lɛ naa adamɔ.

Yeremia 10:13

Kɛji ewo egbeiaŋ lɛ, nu shimɔɔ yɛ ŋwɛiniiaŋ; ni ehãa afua teɔ shi kɛjɛɔ shikpɔŋ lɛ naagbeehei lɛ kɛbaa. Lɛ ehãa srawa gbalaa yɛ nunɛmɔ mli, ahum fãa kɛjɛɔ hei ni ekɛ lɛ eto.

Yeremia 36:22

Nyɔŋ ni ji nɛɛhu lɛ nɔ ni; ni maŋtsɛ lɛ ta efɛ̃i be tsu lɛ mli, ni ŋɛsu kɛ emli la ni atsɛ̃ ma ehiɛ.