Ezra 10:6 - ŊMALƐ KRƆŊKRƆŊ LƐ

⁶ Kɛkɛ ni Ezra te shi yɛ Nyɔŋmɔ We lɛ hiɛ, ni eyiŋ etee Yehohanan, ni ji Eliashib bi lɛ, sɛɛtsu lɛ mli. Ehi jɛi ni eyeee nii lɛ, asaŋ enuuu nu hu, ejaakɛ eeye ŋkɔmɔ yɛ mla ni mɛi ni jɛ nomŋɔɔ mli ba lɛ etɔ̃ lɛ hewɔ.

Ṅmãle̱ Kroṅkroṅ Le̱

⁶ Ke̱ke̱ ní Ezra te ši ke̱-dše̱ Nyoṅmo̱ we le̱ hĩe, ni eyiṅ ke̱-te Iehohanan ní dši Eliašib bi le̱ pia le̱ṅ. Ni beni ete dše̱i le̱, eyee nii ni enuu nu hũ; edšake̱ ēye ṅko̱mo̱ ye̱ nomṅō̃bii le̱ amlatõmo̱ le̱ hewo̱.

Ezra 10:6 ပူးပေါင်းရင်းမြစ်များ

5 Mose 9:18

Kɛkɛ ni mitee ekoŋŋ, ni miyagbee shi yɛ Yehowa hiɛ, tamɔ tsuutsu lɛ. Miye nyɔɔŋnyɔɔŋ kɛ shwaneshwane gbii nyɔŋmai ejwɛ ni miyeee nii lɛ, minuuu nu hu, yɛ nyɛtoigbele kɛ efɔŋ ni nyɛfee Yehowa ni nyɛkɛwo emli la lɛ hewɔ.

Nehemia 12:22

Osɔfonukpai ni ji Eliashib kɛ Yoiada kɛ Yohanan kɛ Yadua yinɔ lɛ, aŋmã Levibii lɛ atsɛmɛi awei lɛ ayitsei lɛ kɛ osɔfoi lɛ agbɛii. Agbe gbɛiŋmaa nɛɛ naa yɛ Dario, Persianyo lɛ maŋtsɛyeli be lɛ mli.

Nehemia 3:1

Kɛkɛ ni osɔfonukpa Eliashib, kɛ enyɛmimɛi osɔfoi lɛ tswa Toi Agboi lɛ agbogbo lɛ; amɛtara enaa shinai lɛ, ni amɛjɔɔ nɔ kɛfee lɛ krɔŋkrɔŋ amɛhã Nyɔŋmɔ. Amɛfee gbogbo lɛ krɔŋkrɔŋ aahu kɛyashi Hamea mɔɔ gojoo lɛ kɛ Hananel mɔɔ gojoo lɛ he.

Daniel 9:3

Mihi ŋmãa, ni mibu kpekpe, ni mita lamlu mli kɛmiitao Nuŋtsɔ Nyɔŋmɔ lɛ hiɛgbɛ yɛ sɔlemɔ kɛ faikpamɔ mli.

Yesaia 22:12

Nakai gbi lɛ Nuŋtsɔ Nyɔŋmɔ, Taiatsɛ lɛ, tsɛ koni nyɛfo ni nyɛye ŋkɔmɔ ni nyɛshɛshɛɛ nyɛyi ni nyɛmia kɛ kpekpe.

Hiob 23:12

Mitswako Nyɔŋmɔ naa wiemɔ ko mifɔ̃ko afã dã; mikɛto mitsui shishi tɔ̃ɔ.

Nehemia 13:28

Osɔfonukpa Eliashib bi ji Yoiada. Yoiada bii lɛ ateŋ mɔ kome yaŋɔ Sanbalat Horonnyo lɛ biyoo, ni ekɛ Sanbalat fee shaanuu. No hewɔ lɛ, mishwie Yoiada bi lɛ yɛ mihe.

Nehemia 13:5

Eliashib saa tsu kpeteŋkple ko ehã Tobia ni ehi mli. Tsu nɛɛ, sa lɛ akɛ nibii komɛi toɔ mli. Nibii nɛɛ ji niyenii afɔlei kɛ krɔbɔo kɛ Sɔlemɔ we tsɛnsii kɛ ŋmɔshinii ni ji abele kɛ wain kɛ mu mlijai nyɔŋma mli ekomekome lɛ, ni awo he kitã akɛ akɛhã Levibii lɛ kɛ Sɔlemɔ we lalɔi lɛ kɛ agbonaakwɛlɔi lɛ. Nɔ ni fata nibii ni akɛtoɔ tsu nɛɛ mli lɛ he ji afɔlei ni akɛhãa osɔfoi lɛ.

Nehemia 12:10

Yeshua fɔ Yoiakim, ni Yoiakim fɔ Eliashib, ni Eliashib fɔ Yoiada.

Nehemia 3:20

Esɛɛ lɛ, Baruk, Zabai bi lɛ, basaa gbogbo lɛ fã kroko kɛjɛ gbogbo lɛ koŋ kɛyashi osɔfonukpa Eliashib shĩa lɛ shinaa lɛ naa.

Ezra 10:1

Shi be mli ni Ezra sɔleɔ ekpaa fai ni ekɛ ehe tswiaa shi yɛ Nyɔŋmɔ We lɛ hiɛ, ni ejajeɔ eshai ni Israel efee lɛ, Israelbii lɛ ateŋ mɛi babaoo diɛŋtsɛ, hii kɛ yei kɛ gbekɛbii, babua amɛhe naa kɛbɔle lɛ. Amɛmiifo blobloblo.

Ezra 9:4

Kɛkɛ ni mɛi fɛɛ ni gbeyei emɔmɔ amɛ yɛ wiemɔi ni Israel Nyɔŋmɔ lɛ wie yɛ mɛi ni aŋɔ amɛ nom lɛ mla ni amɛtɔ̃ hewɔ lɛ babua amɛhe naa yɛ miŋɔɔ. Shi mi lɛ, mihe jɔ̃ mihe kɛta shi aahu kɛyashi gbɛkɛ afɔleshãa be lɛ mli.

2 Mose 34:28

Mose ye nyɔɔŋnyɔɔŋ kɛ shwaneshwane gbii nyɔŋmai ejwɛ yɛ Yehowa ŋɔɔ, ni eŋma kpãŋmɔ lɛ mli wiemɔi lɛ, ni ji Kitãi Nyɔŋma lɛ ewo tɛi tɛtɛrɛbii lɛ anɔ, eyeee nii lɛ enuuu nu hu.

Ezra 10:7

Agbɛnɛ ashiɛ yɛ Yuda kɛ Yerusalɛm fɛɛ ahã mɛi ni jɛ nomŋɔɔ mli kɛba lɛ akɛ amɛbua amɛhe naa kɛbakpe yɛ Yerusalɛm.

Lalai 102:4

Mitsui eboo, ni egbi tamɔ jwɛi. Mihiɛ kpaa miniyeli tete po nɔ.