Ezra 10:3 - ŊMALƐ KRƆŊKRƆŊ LƐ

³ No hewɔ lɛ, agbɛnɛ nyɛhãa wɔkɛ wɔNyɔŋmɔ lɛ akpãŋa, koni wɔshwie yei lɛ kɛ bii lɛ hu yɛ minuŋtsɔ kɛ mɛi ni sheɔ wɔNyɔŋmɔ lɛ kitã lɛ gbeyei lɛ aŋaawoo naa, koni wɔye mla lɛ nɔ.

Ṅmãle̱ Kroṅkroṅ Le̱

³ Nohewo̱ le̱ agbe̱ne̱ nyehãa wo̱ke̱ wo̱-Nyoṅmo̱ le̱ akpãṅa, ní wo̱ſie yei le̱ fẽ ke̱ mei ni ame̱fo̱fo̱i le̱ hũ, ye̱ minuṅtšo̱ ke̱ mei ní he kpokpoo̱ ye̱ wo̱-Nyoṅmo̱ le̱ kitã le̱ hewo̱ le̱ aṅāwō le̱ nā, koni wo̱ye mla le̱ no̱.

Ezra 10:3 ပူးပေါင်းရင်းမြစ်များ

2 Maŋtsɛmɛi 11:17

Ni osɔfo Yehoiada hã Maŋtsɛ Yoash kɛ maŋbii lɛ kɛ Yehowa kpãŋ akɛ amɛbaaba amɛjeŋ akɛ Yehowa maŋ. Ni ehã maŋtsɛ lɛ kɛ maŋ lɛ hu kpãŋ.

2 Kronika 29:10

“Mito miyiŋ akɛ mi kɛ Yehowa, Israel Nyɔŋmɔ lɛ, baakpãŋ bɔ ni afee ni efo emlifu lɛ sɛɛ ehã wɔ.

2 Kronika 30:12

Nyɔŋmɔ nine kã Yudabii lɛ ahe, ni ehã amɛ fɛɛ amɛna jwɛŋmɔ kome kɛfee ekome, ni amɛye maŋtsɛ lɛ kɛ maŋ onukpai lɛ agbɛjianɔtoi lɛ anɔ, ni amɛkɛfee Nyɔŋmɔ suɔmɔnaanii.

2 Kronika 34:21

“Nyɛyaa ni nyɛyabia Yehowa nii nyɛhãa mi kɛ Israel kɛ Yudabii fɛɛ ni eshwɛ yɛ wolo ni ayana lɛ mli wiemɔi lɛ ahewɔ; ejaakɛ Yehowa mli ni efu wɔ lɛ naa wa jogbaŋŋ ejaakɛ wɔtsɛmɛi lɛ eyayeee Yehowa wiemɔ nɔ koni amɛfee amɛnii yɛ Wolo nɛɛ mli wiemɔi lɛ anaa.”

2 Kronika 34:27

oje ohe sɛɛ, ni oba ohe shi yɛ Nyɔŋmɔ hiɛ, ni be ni onu nɔ fɔŋ ni baaba Yerusalɛm kɛ Yerusalɛmbii anɔ lɛ hu lɛ oba ohe shi yɛ mihiɛ, ni ogbala ohe atade, ni owo yara ni ofo lɛ hewɔ lɛ, mi hu mibo bo toi.

Ezra 10:11

No hewɔ lɛ, nyɛjajea nyɛtsɔ̃a Yehowa, nyɛtsɛmɛi aNyɔŋmɔ lɛ; nyɛfea esuɔmɔnaanii, ni nyɛtsea nyɛhe yɛ shikpɔŋ lɛ nɔ bii lɛ kɛ maŋsɛɛ yei lɛ ahe.”

Ezra 10:44

Mɛnɛɛmɛi fɛɛ eŋɔ maŋsɛɛ yei; hewɔ lɛ amɛ shwie yei lɛ kɛ amɛbii lɛ fɛɛ.

Ezra 10:9

Kɛkɛ ni Yuda kɛ Benyaminhii lɛ babua amɛhe naa kɛkpe yɛ Yerusalɛm yɛ gbii etɛ̃ lɛ mli, yɛ nyɔŋ ni ji nɛɛhu lɛ nɔ gbi ni ji nyɔŋmai enyɔ lɛ nɔ. Maŋ muu lɛ fɛɛ baho tara he ko kpataa ko ni yɔɔ Nyɔŋmɔ We lɛ hiɛ lɛ. Gbeyei emɔmɔ amɛ yɛ sane nɛɛ he, ni asaŋ nu ni nɛɔ waa lɛ ehã amɛmiikpokpo.

Ezra 9:4

Kɛkɛ ni mɛi fɛɛ ni gbeyei emɔmɔ amɛ yɛ wiemɔi ni Israel Nyɔŋmɔ lɛ wie yɛ mɛi ni aŋɔ amɛ nom lɛ mla ni amɛtɔ̃ hewɔ lɛ babua amɛhe naa yɛ miŋɔɔ. Shi mi lɛ, mihe jɔ̃ mihe kɛta shi aahu kɛyashi gbɛkɛ afɔleshãa be lɛ mli.

Nehemia 10:1

Mɔ klɛŋklɛŋ ni sɔo naa lɛ ji Nehemia, amralo lɛ, ni ji Hakalia bi lɛ, ni lɛ esɛɛ lɛ Zedekia. Mɛi komɛi hu ni kɛ amɛnine wo shishi nɛ: osɔfoi

Nehemia 8:14

Amɛna akɛ aŋma yɛ Mla ni Yehowa tsɔ Mose nine nɔ ewo lɛ mli, akɛ Israelbii lɛ ahi asesei amli yɛ nyɔŋ ni ji kpawo lɛ nɔ, be ni ayeɔ Asesei Agbijurɔ lɛ.

Nehemia 9:38

Enɛɛmɛi fɛɛ ahewɔ lɛ, wɔ Israelbii, wɔmiikpãŋ kpãŋmɔ ni mli wa, ni wɔmiiŋma; ni wɔnukpai lɛ kɛ wɔLevibii lɛ kɛ wɔsɔfoi lɛ kɛ amɛgbɛii miiwo shishi amɛkɛmiisɔo naa.

Lalai 119:120

Ohe gbeyei naa lɛ, mihe kpokpoɔ; ni miishe odɛ̃ŋ kojomɔi lɛ agbeyei.

Lalai 119:59

Kɛji mijwɛŋ mijeŋba he lɛ, mikuɔ misɛɛ kɛbaa okpɔi lɛ ahe.

Yesaia 66:2

Mi, minine bɔ enɛɛmɛi fɛɛ, ni no hewɔ lɛ, enɛɛmɛi fɛɛ lɛ minɔ ni,” Yehowa kɛɛ. “Shi mɔ he tsui ni minaa nɛ, mɔ ni ji humi, ni eshwaa ehe yɛ etsui mli, ni ehe kpokpoɔ yɛ miwiemɔ lɛ naa.”

Yesaia 8:20

Nyɛtoa he akɛ, “Nyɛmɔa Yehowa wiemɔ lɛ kɛ ehe odaseyeli lɛ mli. Anɔkwa, nɔ ni nifeelɔi lɛ kɛɔ nyɛ lɛ, nɔ kpakpa ko ejɛŋ mli.”

Ezekiel 9:4

Kɛkɛ ni Yehowa kɛɛ lɛ akɛ, “Yaakpa Yerusalɛm maŋ lɛ mli fɛɛ; hii fɛɛ ni yɔɔ jɛi ni amɛyeɔ ŋkɔmɔ yɛ musubɔɔnii ni afeɔ lɛ hewɔ lɛ, kadimɔ amɛhiɛnai.”

5 Mose 29:12

Nyɛba ŋmɛnɛ koni nyɛ kɛ Yehowa, nyɛNyɔŋmɔ lɛ, abote kpãŋmɔ ni Yehowa, nyɛNyɔŋmɔ lɛ, kãa nyɛ he kitã ŋmɛnɛ gbi nɛɛ lɛ mli,

Yoshua 9:6

Ni amɛyi mli amɛtee Yoshua ŋɔ̃ɔ yɛ Israelbii lɛ ashitoohe lɛ yɛ Gilgal, ni amɛyakɛɛ lɛ kɛ Israelhii lɛ akɛ, “Maŋsɛɛ shɔŋŋ he ko wɔjɛ wɔbaa nɛɛ; ni wɔba koni nyɛ kɛ wɔ akpãŋ ni wɔfee ekome.”