Ezra 1:8 - ŊMALƐ KRƆŊKRƆŊ LƐ

⁸ Maŋtsɛ Koresh tu nibii nɛɛ ewo Mitredat, shikatolɔ lɛ dɛŋ; ni Mitredat kane ni eŋmala ewo wolo mli ehã Sheshbazar, Yuda lumɔ lɛ.

Ṅmãle̱ Kroṅkroṅ Le̱

⁸ Nomeĩ noṅṅ Koreš, Persia maṅtše̱ le̱, dšie ewo Mitredat, šikatolo̱ le̱, deṅ, ni ekane ehã *Šešbazar, Iuda lumo̱ le̱. *2,2. 63; 5,14.

Ezra 1:8 ပူးပေါင်းရင်းမြစ်များ

Ezra 1:11

Nibii lɛ fɛɛ, shikanii kɛ jwiɛtɛinii lɛ, feɔ akpei enumɔ kɛ ohai ejwɛ. Nibii nɛɛ fɛɛ lɛ, Sheshbazar ji mɔ ni kɛba be ni akɛ mɛi ni aŋɔ amɛ nom lɛ jɛ Babilon kɛba Yerusalɛm lɛ.

Ezra 2:2

Mɛi ni nyiɛ amɛhiɛ kɛba ji Zerubabel kɛ Yeshua kɛ Nehemia kɛ Seraia kɛ Reelaia kɛ Mɔdekai kɛ Bilshan kɛ Mispar kɛ Bigewai kɛ Rehum kɛ Baana. Israelbii lɛ ateŋ hii lɛ ayibɔ nɛ:

Ezra 5:14

Shika ŋmiiŋmi kɛ jwiɛtɛi nibii ni Nebukadnezar baloo yɛ Sɔlemɔtsu lɛ ni yɔɔ Yerusalɛm lɛ mli ni ekɛyawo Sɔlemɔtsu ni yɔɔ Babilon lɛ mli lɛ, maŋtsɛ Koresh jie yɛ Babilon Sɔlemɔtsu lɛ mli. Etu ewo mɔ ko ni atsɛɔ lɛ Sheshbazar ko ní ewo lɛ amralo yɛ Yuda lɛ dɛŋ;

Ezra 5:16

Kɛkɛ ni nɛkɛ Sheshbazar nɛɛ ba ni ebato Nyɔŋmɔ We lɛ ni yɔɔ Yerusalɛm lɛ shishi. Kɛjɛ nakai be lɛ mli aahu kɛbashi amrɔ nɛɛ akã he aama, shi agbeko naa lolo.’

Ezra 5:2

Kɛkɛ ni Zerubabel, Shealtiel bi lɛ, kɛ Yeshua, Yozadak bi lɛ, te shi ni amɛbɔi Nyɔŋmɔ We lɛ ni yɔɔ Yerusalɛm lɛ mãa. Nyɔŋmɔ gbalɔi enyɔ lɛ fĩ amɛsɛɛ, ni amɛwa amɛ.

Yeremia 51:44

Mibagbala Bel, Babilonbii awɔŋ lɛ toi, ni mahã egɔi nibii fɛɛ ni emimii. Majimaji anɔ bii eloŋ amɛhe kɛyaŋ eŋɔɔ dɔŋŋ. Babilon maŋ lɛ he gbogbo lɛ ekumɔ eshwie shi.

Hagai 1:1

Maŋtsɛ Dario, Persia nɔyelɔ lɛ yinɔ afi ni ji enyɔ lɛ nɔ nyɔŋ ni ji ekpaa lɛ klɛŋklɛŋ gbi lɛ nɔ lɛ, Yehowa kɛ wiemɔ hã Gbalɔ Hagai ekɛbahã Yuda Amralo Zerubabel, Shealtiel bi lɛ, kɛ Osɔfonukpa Yoshua, Yehozadak bi lɛ.

Hagai 1:14

Kɛkɛ ni Yehowa tee Yuda Amralo Zerubabel, Shealtiel bi lɛ, kɛ Osɔfonukpa Yoshua, Yehozadak bi lɛ, kɛ maŋ lɛ mli bii ni shwɛ kɛjɛ nomŋɔɔ mli kɛba lɛ hu fɛɛ amumɔ shi, ni amɛtee amɛyatsu Yehowa, Taiatsɛ, amɛNyɔŋmɔ lɛ, Sɔlemɔ we lɛ he nii.