Ezra 1:7 - ŊMALƐ KRƆŊKRƆŊ LƐ

⁷ Yehowa we lɛ okpolui kɛ kpuji ni Nebukadnezar yaloo kɛjɛ Yerusalɛm kɛba ekɛbawo ejemawɔŋ lɛ we lɛ, Maŋtsɛ Koresh jie amɛ kpo.

Ṅmãle̱ Kroṅkroṅ Le̱

⁷ Ni maṅtše̱ Koreš hũ dšie Iehowa we le̱ nibii le̱ ní Nebukadnezar yalō ke̱-dše̱ Ierusalem ke̱-ba ni eke̱-bawo enyoṅmo̱ le̱ we le̱.

Ezra 1:7 ပူးပေါင်းရင်းမြစ်များ

2 Maŋtsɛmɛi 24:13

Ni eyaloo Yehowa we lɛ jwetri lɛ kɛ maŋtsɛ we lɛ jwetri lɛ fɛɛ kɛtee, ni ejwara shika nibii fɛɛ ni Israel Maŋtsɛ Solomon efee yɛ Yehowa Sɔlemɔtsu lɛ mli dukuduku eshwie, taakɛ bɔ ni Yehowa ewie eto lɛ.

2 Kronika 36:10

Afi lɛ shishijee mli lɛ, Maŋtsɛ Nebukadnezar wo tsuji gbɛ, ni amɛbamɔ Yehoiakin kɛtee Babilon, asaŋ aloo Yehowa we lɛ mli ojarawa nibii lɛ ekomɛi afata ehe kɛtee Babilon lɛ. Kɛkɛ ni Nebukadnezar to Yehoiakin nyɛminuu Zedekia akɛ Yuda kɛ Yerusalɛm maŋtsɛ.

2 Kronika 36:18

Kɛkɛ ni eloo Sɔlemɔ we lɛ mli jwetrii wuji kɛ bibii fɛɛ ni yɔɔ nitoohei lɛ, kɛ maŋtsɛ lɛ diɛŋtsɛ kɛ enukpai lɛ hu ajwetrii fɛɛ tswɛm, ni ekɛtee Babilon.

2 Kronika 36:7

Ni Nebukadnezar loo Yehowa we lɛ mli nibii lɛ ekomɛi kɛtee, ni ekɛyawo emaŋtsɛ we lɛ mli yɛ Babilon.

Ezra 5:14

Shika ŋmiiŋmi kɛ jwiɛtɛi nibii ni Nebukadnezar baloo yɛ Sɔlemɔtsu lɛ ni yɔɔ Yerusalɛm lɛ mli ni ekɛyawo Sɔlemɔtsu ni yɔɔ Babilon lɛ mli lɛ, maŋtsɛ Koresh jie yɛ Babilon Sɔlemɔtsu lɛ mli. Etu ewo mɔ ko ni atsɛɔ lɛ Sheshbazar ko ní ewo lɛ amralo yɛ Yuda lɛ dɛŋ;

Ezra 6:5

Asaŋ shika ŋmiiŋmi kɛ jwiɛtɛi nibii ni Nebukadnezar yaloo kɛjɛ Sɔlemɔtsu ni yɔɔ Yerusalɛm lɛ mli ni ekɛba Babilon lɛ, akɛku sɛɛ ahã ni akɛya Sɔlemɔtsu lɛ ni yɔɔ Yerusalɛm lɛ mli ni akɛyato amɛtoohe koni ahã ahi Nyɔŋmɔ We lɛ.’ ”

Yeremia 51:44

Mibagbala Bel, Babilonbii awɔŋ lɛ toi, ni mahã egɔi nibii fɛɛ ni emimii. Majimaji anɔ bii eloŋ amɛhe kɛyaŋ eŋɔɔ dɔŋŋ. Babilon maŋ lɛ he gbogbo lɛ ekumɔ eshwie shi.

Daniel 1:2

Nuŋtsɔ lɛ hã eye Maŋtsɛ Yehoiakim nɔ kunim. Kɛkɛ ni emɔ Yehoiakim kɛ nomii komɛi hu, ni eloo Nyɔŋmɔ We lɛ mli nibii lɛ ekomɛi, ni ekɛ nomii lɛ kɛ nibii nɛɛ tee Babilon shikpɔŋ lɛ nɔ, ni ekɛ nibii lɛ yawo enyɔŋmɔ lɛ we lɛ mli nitoohe lɛ.

Daniel 5:23

shi moŋ owo ohe nɔ yɛ Nuŋtsɔ ni yɔɔ ŋwɛi lɛ hiɛ. Otee oyaloo kpuji kɛ okpolui ni yɔɔ ewe lɛ kɛba, ni bo kɛ onukpai lɛ kɛ oŋamɛi lɛ kɛ ohemɛi lɛ kɛbanu dãa. Enɛ sɛɛ hu lɛ nyɛjie wɔji srɔtoi ni akɛ shika kɛ jwiɛtɛi kɛ akɔɔble kɛ dade kɛ tso kɛ tɛ efee lɛ ayi, nibii ni amɛnãaa nii, ni amɛnuuu nii, ni amɛleee nɔ ko nɔ ko lɛ yi. Shi Nyɔŋmɔ lɛ, ni lɛ edɛŋ owala kɛ oyaakɛbaa fɛɛ yɔɔ lɛ, ojieee lɛ moŋ eyi.