Ezra 1:4 - ŊMALƐ KRƆŊKRƆŊ LƐ

⁴ Mɔ fɛɛ mɔ ni eshwɛ yɛ nomii lɛ ateŋ lɛ, he fɛɛ he ni eyato gbɔ yɛ lɛ, jɛmɛbii lɛ aye abua lɛ kɛ jwiɛtɛi kɛ shika kɛ nibiinibii kɛ kooloi. Asaŋ amɛhã nikeenii yɛ tsuijurɔ naa yɛ Nyɔŋmɔ shĩa ni yɔɔ Yerusalɛm lɛ hewɔ.’ ”

Ṅmãle̱ Kroṅkroṅ Le̱

⁴ Ni mofẽmo ni eſe̱ ye̱ hefẽhe ni eyato gbo̱ ye̱ le̱, dše̱mei bii le̱ aye abuale̱ ke̱ dſie̱te̱i ke̱ šika ke̱ nibiinibii ke̱ koloi, ni asaṅ ame̱hã tšuidšũrõnā nikēnii ye̱ Nyoṅmo̱ šīa ní yo̱ Ierusalem le̱ hewo̱.

Ezra 1:4 ပူးပေါင်းရင်းမြစ်များ

1 Kronika 29:17

MiNyɔŋmɔ, mile akɛ bo lɛ okaa gbɔmɔ tsui okwɛɔ, ni onaa mɛi ni yeɔ anɔkwa he miishɛɛ. Mijɛ mitsuiŋ fɛɛ kɛ suɔmɔ mli mikɛ nibii nɛɛ fɛɛ ke, ni agbɛnɛ miina akɛ omaŋ ni jwere shi nɛɛ hu miike bo nii kɛ miishɛɛ kɛ nyamɔ.

1 Kronika 29:3

Nibii ni misaa mito Shĩa Krɔŋkrɔŋ lɛ mãa nɛɛ fɛɛ sɛɛ lɛ, mikɛ mi diɛŋtsɛ mishika kɛ jwiɛtɛi ni miyɔɔ hu miihã koni akɛfata nibii lɛ ahe, ejaakɛ miNyɔŋmɔ lɛ Sɔlemɔ we lɛ he sane lɛ kã mitsui nɔ.

1 Kronika 29:9

Agbɛnɛ maŋ muu lɛ fɛɛ nya yɛ nii ni amɛkɛke yɛ tsuijurɔ naa lɛ hewɔ. Ejaakɛ amɛjɛ amɛtsuiiaŋ amɛkɛ nii ke Yehowa, ni Maŋtsɛ David hu nya naakpa.

2 Kronika 31:14

Kore ni ji Imna, Levinyo onukpa ni kwɛɔ Bokãgbɛ Agbo lɛ nɔ lɛ, bi lɛ ji mɔ ni ato akɛ ehe nibii ni abakeɔ Nyɔŋmɔ yɛ tsuijurɔ naa lɛ; asaŋ ejie nikee nɛɛ mli nii ni ji krɔŋkrɔŋ fe fɛɛ ni ji tuuŋtu gbɛfaŋ nii lɛ yɛ afɔlei lɛ amli eto afã.

Ezra 1:3

Yehowa webii ni yɔɔ nyɛteŋ lɛ, Yehowa efã amɛteŋ mɔ fɛɛ mɔ koni efã kɛya Yerusalɛm yɛ Yuda, koni ayama Yehowa, Israel Nyɔŋmɔ lɛ, shĩa lɛ; lɛ Nyɔŋmɔ mɔ ni ajaa yɛ Yerusalɛm lɛ, we lɛ.

Ezra 1:5

Kɛkɛ ni Yuda kɛ Benyamin wekui lɛ ayitsei kɛ osɔfoi lɛ kɛ Levibii lɛ, mɛi fɛɛ ni Nyɔŋmɔ kanya amɛ yɛ mumɔ mli lɛ, fã koni amɛya ni amɛyasaa Yehowa shĩa lɛ ni yɔɔ Yerusalɛm lɛ amɛma.

Ezra 9:15

Yehowa, Israel Nyɔŋmɔ, jalɔ ji bo; ejaakɛ ashi wɔ akɛ mɛi ni eshwɛ ni eje hiɛkpãtãmɔ lɛ mli tamɔ bɔ ni eyɔɔ ŋmɛnɛ gbi nɛɛ. Naa, wɔyɛ ohiɛ akɛ mɛi ni eye fɔ. Ejaakɛ wɔfɔ ni wɔye lɛ hewɔ lɛ, wɔteŋ mɔ ko mɔ ko nyɛŋ ohiɛ adamɔ.”

2 Mose 35:29

Israelbii lɛ bake Yehowa nii yɛ tsuijurɔ naa. Nuu fɛɛ nuu kɛ yoo fɛɛ yoo ni nu he yɛ etsuiŋ akɛ ehã nɔ ko lɛ, ekɛbake, koni akɛtsu nitsumɔi srɔtoi fɛɛ ni Yehowa ekɛɛ akɛ atsɔ̃ Mose nine nɔ atsu lɛ.

Yesaia 10:21

Mɛi fioo ni eshwɛ aaaba Nyɔŋmɔ hewalɛtsɛ lɛ ŋɔɔ.

Bɔfoi 24:17

“Shi afii pii asɛɛ lɛ miba ni mikɛ nikeenii abahã mimaŋ lɛ ni mashã afɔle hu.

Galatabii 6:2

Nyɛjatsui lɛ nyɛkpeekpea nyɛhe kɛterea, ni nɛkɛ gbɛ nɔ nyɛaatsɔ nyɛye Kristo mla lɛ nɔ.