Ezra 1:3 - ŊMALƐ KRƆŊKRƆŊ LƐ

³ Yehowa webii ni yɔɔ nyɛteŋ lɛ, Yehowa efã amɛteŋ mɔ fɛɛ mɔ koni efã kɛya Yerusalɛm yɛ Yuda, koni ayama Yehowa, Israel Nyɔŋmɔ lɛ, shĩa lɛ; lɛ Nyɔŋmɔ mɔ ni ajaa yɛ Yerusalɛm lɛ, we lɛ.

Ṅmãle̱ Kroṅkroṅ Le̱

³ Emaṅbii le̱ ateṅ mofẽmo ní yo̱ nyeteṅ le̱, e-Nyoṅmo̱ le̱ afata ehe ní efã ke̱-ya Ierusalem ye̱ Iuda, ní eyamã Iehowa, Israel Nyoṅmo̱ le̱, šīa le̱. Le̱ dši Nyoṅmo̱ ni yo̱ Ierusalem le̱.

Ezra 1:3 ပူးပေါင်းရင်းမြစ်များ

1 Maŋtsɛmɛi 18:39

Be ni maŋ lɛ fɛɛ na nɔ ni eba lɛ, amɛkɛ amɛhiɛiaŋ bumɔ shi, ni amɛbolɔ amɛkɛɛ, “Yehowa lɛ, lɛ ji Nyɔŋmɔ! Yehowa lɛ, lɛ ji Nyɔŋmɔ!”

1 Maŋtsɛmɛi 8:23

ni ekɛɛ, “Yehowa, Israel Nyɔŋmɔ! Nyɔŋmɔ ko bɛ ŋwɛi yɛ yiteŋ gbɛ loo shikpɔŋ lɛ nɔ yɛ shishigbɛ ni tamɔ bo, ni otoɔ kpãŋmɔ kɛ mɔbɔnalɛ ohãa otsuji ni boɔ bo toi kɛ amɛtsui fɛɛ lɛ.

1 Kronika 28:20

Kɛkɛ ni Maŋtsɛ David kɛɛ ebi Solomon akɛ, “Wajemɔ ohe ni ofee ekãa; kaashe gbeyei, ni otsui akafã hu. Ejaakɛ Yehowa Nyɔŋmɔ, ni ji mi, miNyɔŋmɔ lɛ, yɛ osɛɛ; ekwaŋ bo lɛ, eshiŋ bo hu kɛyaashi beyinɔ ni ooogbe Yehowa We lɛ mãa he nitsumɔi lɛ fɛɛ anaa.

Ezra 1:4

Mɔ fɛɛ mɔ ni eshwɛ yɛ nomii lɛ ateŋ lɛ, he fɛɛ he ni eyato gbɔ yɛ lɛ, jɛmɛbii lɛ aye abua lɛ kɛ jwiɛtɛi kɛ shika kɛ nibiinibii kɛ kooloi. Asaŋ amɛhã nikeenii yɛ tsuijurɔ naa yɛ Nyɔŋmɔ shĩa ni yɔɔ Yerusalɛm lɛ hewɔ.’ ”

Ezra 4:3

Shi Zerubabel kɛ Yeshua kɛ Israel tsɛmɛi awei lɛ onukpai ni eshwɛ lɛ kɛɛ amɛ akɛ, “Kɛ wɔmiima shĩa wɔhã wɔNyɔŋmɔ lɛ, jeee wɔkɛ nyɛ sane ni; shi wɔ sɔŋŋ wɔɔɔma wɔhã Yehowa, Israel Nyɔŋmɔ lɛ, tamɔ bɔ ni maŋtsɛ Koresh, Persia maŋtsɛ lɛ ewo wɔ kitã lɛ.”

Ezra 5:13

Shi Koresh, Babilon maŋtsɛ lɛ yinɔ klɛŋklɛŋ afi lɛ nɔ lɛ, ewo akpɔ akɛ abama nɛkɛ Nyɔŋmɔ We nɛɛ.

Ezra 5:3

Nakai be lɛ mli nɔŋŋ lɛ, Tatnai ni ji amralo ni kwɛɔ Eufrate Faa lɛ anaigbɛ biɛgbɛ lɛ kɛ Shetar-Boznai kɛ amɛnanemɛi lɛ, ba mɛi ni maa tsu lɛ ŋɔɔ, ni nɔ ni amɛbi mɛi ni maa lɛ nɛ, “Namɔ fã nyɛ akɛ nyɛma nɛkɛ tsu nɛɛ ni nyɛgbe naa?”

Ezra 6:7

Nyɛŋmɛa gbɛ koni atsu Nyɔŋmɔ We lɛ he nitsumɔ lɛ; nyɛkagbaa nitsumɔ lɛ naa. Nyɛhãa Yudafoi lɛ amralo lɛ kɛ amɛ onukpai lɛ amã Nyɔŋmɔ We nɛɛ yɛ emãahe lɛ.

Lalai 132:13

Ejaakɛ Yehowa eŋɔ Zion, ni eesumɔ akɛ ekɛfee eshihilɛhe.

Lalai 83:18

Hã amɛna amɛle akɛ bo mɔ ni ogbɛi ji Yehowa lɛ, bo pɛ ji Ofe yɛ shikpɔŋ lɛ nɔ fɛɛ.

Yesaia 37:16

“Ao Yehowa, Taiatsɛ, Israel Nyɔŋmɔ ni omaŋtsɛ sɛi lɛ ma kerubim anɔ, bo ji Nyɔŋmɔ hã maŋtsɛyelii fɛɛ, bo okoome pɛ obɔ ŋwɛi kɛ shikpɔŋ.

Yesaia 44:28

Ekɛɛ yɛ Koresh he akɛ, ‘Mitookwɛlɔ ji lɛ, ni ebaafee nii ni sa mihiɛ’; ni ekɛɛ yɛ Yerusalɛm he akɛ, ‘Abaasaa ama’, ni ekɛɛ yɛ Sɔlemɔ we lɛ hu he akɛ, ‘Abaato oshishi ekoŋŋ.’ ”

Yesaia 45:5

“Mi ji Yehowa, ni mɔ ko mɔ ko bɛ dɔŋŋ; mi misɛɛ lɛ Nyɔŋmɔ ko Nyɔŋmɔ ko bɛ. Mahã ona hewalɛ tsɛbelɛ oleee mi,

Yeremia 10:10

Shi Yehowa ji anɔkwa Nyɔŋmɔ. Lɛ ji Nyɔŋmɔ hiɛkãalɔ kɛ Naanɔ Maŋtsɛ lɛ. Emlifu hãa shikpɔŋ hosoɔ, ni maji nyɛɛɛ emlila lɛ naa adamɔ.

Daniel 2:47

Ekɛɛ Daniel akɛ, “Lɛɛlɛŋ akɛ nyɛNyɔŋmɔ lɛ, lɛ ji Nyɔŋmɔ ni fe nyɔŋmɔi fɛɛ kɛ maŋtsɛmɛi fɛɛ anuŋtsɔ lɛ; ni lɛ ejieɔ teemɔŋ saji akpo, ejaakɛ onyɛ ojie nɛkɛ teemɔ sane nɛɛ kpo.”

Daniel 6:26

Miiwo kitã akɛ mɔ fɛɛ mɔ ni yɔɔ minɔyeli nɛɛ he fɛɛ he lɛ, ehe akpokpo, ni eshe Daniel Nyɔŋmɔ lɛ gbeyei.” “Lɛ ji Nyɔŋmɔ hiɛkãalɔ lɛ, mɔ ni yɛ kɛmiiya naanɔ lɛ; anyɛŋ emaŋtsɛyeli hiɛ akpãtã, ni ehewalɛ lɛ sɛɛ efoŋ.

Mateo 28:20

ni nyɛtsɔ̃ɔ amɛ ni amɛye nii fiaa ni mikɛɛ nyɛ lɛ nɔ. Ni naa, mi lɛ mikɛ nyɛ yɛ daa kɛyaashi jeŋ naagbee lɛ.”

Bɔfoi 10:36

Nyɔŋmɔ tsu akɛ wiemɔ lɛ yahã Israelbii ni etsɔ̃ Yesu Kristo nɔ ejaje hejɔlɛ Sanekpakpa etsɔ̃ɔ amɛ. Yesu nɛɛ ji mɛi fɛɛ aNuŋtsɔ.

5 Mose 32:31

Ejaakɛ wɔhenyɛlɔi lɛ diɛŋtsɛ yeɔ enɛ he odase akɛ amɛtɛsaa, amɛnyɔŋmɔ lɛ, tamɔɔɔ wɔTɛsaa, Israel Nyɔŋmɔ lɛ.

Yoshua 1:9

Ani jeee mi mifã bo? Wajemɔ ohe ni ofee ekãa. Kaahã ŋmiŋmi miimɔ bo, ni asaŋ otsui akafã ejaakɛ mi, Yehowa, oNyɔŋmɔ lɛ, mifĩ osɛɛ yɛ he fɛɛ he ni oyaa.”