Ezra 1:2 - ŊMALƐ KRƆŊKRƆŊ LƐ

² “Bɔ ni Koresh, Persia maŋtsɛ lɛ, kɛɛ nɛ, ‘Yehowa ŋwɛi Nyɔŋmɔ lɛ etu shikpɔŋ lɛ nɔ maŋtsɛyelii fɛɛ ewo midɛŋ, ni efã mi akɛ miyama shĩa mihã lɛ yɛ Yerusalɛm yɛ Yuda shikpɔŋ lɛ nɔ.

Ṅmãle̱ Kroṅkroṅ Le̱

² Bo̱ni Koreš, Persia maṅtše̱ le̱, kē̱ ne̱: Iehowa, ṅwei Nyoṅmo̱ le̱, etu šikpoṅ le̱ no̱ maṅtše̱yelii le̱ fẽ ewo mideṅ, ni efã́mi ake̱ miyamã šĩa mihãle̱ ye̱ Ierusalem ye̱ Iuda. Ies. 44,28; 45,1.

Ezra 1:2 ပူးပေါင်းရင်းမြစ်များ

1 Maŋtsɛmɛi 8:27

“Aso bo Nyɔŋmɔ, ooobahi shikpɔŋ nɛɛ nɔ lo! Naa, ŋwɛi kɛ ŋwɛii amli ŋwɛi nyɛɛɛ bo ato, aahu ni Sɔlemɔtsu bibioo nɛɛ ni mimã nɛɛ!

2 Kronika 2:12

Ajie Yehowa, Israel Nyɔŋmɔ, lɛ ni bɔ ŋwɛi kɛ shikpɔŋ lɛ yi akɛ ehã Maŋtsɛ David bi nilelɔ kɛ hiɛshikãlɔ kɛ jwɛŋlɔ fɛɛ ni baama Sɔlemɔtsu ehã Yehowa, kɛ maŋtsɛ we hu ehã lɛ diɛŋtsɛ emaŋtsɛyeli lɛ.

Ezra 1:5

Kɛkɛ ni Yuda kɛ Benyamin wekui lɛ ayitsei kɛ osɔfoi lɛ kɛ Levibii lɛ, mɛi fɛɛ ni Nyɔŋmɔ kanya amɛ yɛ mumɔ mli lɛ, fã koni amɛya ni amɛyasaa Yehowa shĩa lɛ ni yɔɔ Yerusalɛm lɛ amɛma.

Ezra 3:7

Maŋbii lɛ hã shika kɛhã gbogbotswalɔi kɛ srɛŋkifoi lɛ anyɔmɔwoo. Asaŋ amɛhã niyenii kɛ dãa kɛ mu akɛ akɛhã Sidonbii lɛ kɛ Tirobii lɛ, koni amɛyaŋɔ tsenedru tsei kɛjɛ Lebanon kɛba Yopa ŋshɔ lɛ naa tamɔ bɔ ni Koresh, Persia maŋtsɛ lɛ, ehã amɛ hegbɛ akɛ afee lɛ.

Ezra 4:3

Shi Zerubabel kɛ Yeshua kɛ Israel tsɛmɛi awei lɛ onukpai ni eshwɛ lɛ kɛɛ amɛ akɛ, “Kɛ wɔmiima shĩa wɔhã wɔNyɔŋmɔ lɛ, jeee wɔkɛ nyɛ sane ni; shi wɔ sɔŋŋ wɔɔɔma wɔhã Yehowa, Israel Nyɔŋmɔ lɛ, tamɔ bɔ ni maŋtsɛ Koresh, Persia maŋtsɛ lɛ ewo wɔ kitã lɛ.”

Ezra 5:15

ni efã Sheshbazar koni ekɛ nibii nɛɛ aya ni ekɛyawo Sɔlemɔtsu lɛ ni yɔɔ Yerusalɛm lɛ mli koni ehã asaa ama Nyɔŋmɔ We lɛ yɛ eshimaahe lɛ.

Ezra 6:10

koni amɛshã afɔlei ni jeɔ ŋma amɛhã ŋwɛi Nyɔŋmɔ lɛ, ni amɛkpa fai koni maŋtsɛ kɛ ebihii lɛ ayi ana wala.

Ezra 6:3

“Maŋtsɛ Koresh klɛŋklɛŋ afi lɛ nɔ lɛ, ewo akpɔ yɛ Nyɔŋmɔ We lɛ ni yɔɔ Yerusalɛm lɛ he akɛ: ‘Nyɔŋmɔ shĩa ni yɔɔ Yerusalɛm ni ashãa afɔlei yɛ mli lɛ, ama, ni ahã eshishitoo lɛ awa. Ekwɔlɛ ninetalɔi nyɔŋmai ekpaa ni elɛɛmɔ hu nakai nɔŋŋ.

Ezra 7:12

“Artashasta, maŋtsɛmɛi amaŋtsɛ lɛ, ŋmã ehã osɔfo Ezra ni ji mlatsɔɔlɔ ni le ŋwɛi Nyɔŋmɔ lɛ mla lɛ mli jogbaŋŋ lɛ.

Nehemia 1:4

Be ni minu wiemɔ nɛɛ miho mita shi, ni mifo. “Miye ŋkɔmɔ gbii abɔ, ni mihi ŋmãa. Misɔle mikpa Nyɔŋmɔ fai,

Nehemia 1:5

ni mikɛɛ, ‘Oo Yehowa, Naa Nyɔŋmɔ ni yɔɔ ŋwɛi, ni oda ni ohe yɔɔ gbeyei! Okɛ osuɔmɔ ni tsakeee yeɔ kpãŋmɔ ni okɛ mɛi ni sumɔɔ bo, ni amɛyeɔ okitãi lɛ anɔ lɛ kpãŋɔ lɛ nɔ, ni okɛtsɔ̃ɔ akɛ anɔkwafo ji bo.

Lalai 136:26

Oo, nyɛdaa Ŋwɛi Nyɔŋmɔ lɛ shi; ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 85:2

Okɛ omaŋ lɛ he eshai lɛ efa amɛ, ni okɛ amɛtɔ̃mɔi lɛ fɛɛ efa amɛ.

Abe̱i 21:1

Maŋtsɛ tsui lɛ etamɔ faa ni hoɔ yɛ Yehowa dɛŋ. Etsɔ̃mɔɔ lɛ bɔ ni lɛ diɛŋtsɛ esumɔɔ.

Yesaia 41:2

Namɔ ji mɔ ni tee mɔ ko shi kɛjɛ bokãgbɛ, mɔ ni yeɔ kunim yɛ he fɛɛ he ni eyaa lɛ? Namɔ hãa eyeɔ maŋtsɛmɛi kɛ majimaji anɔ lɛ? Ekɛ eklante lɛ hãa amɛtsɔ̃ɔ tamɔ mlu, ni egãi lɛ gbɛɔ amɛ eshwãa tamɔ tutuu yɛ kɔɔyɔɔ hiɛ.

Yesaia 44:26

Emaa etsulɔ wiemɔ nɔ mi, ni ehãa ebɔfoi agbalɛ baa mli taakɛ ekɛɛ yɛ Yerusalɛm he akɛ, ‘Mɛi baahi mli ekoŋŋ’, ni ekɛɛ yɛ Yuda maji wuji lɛ ahe akɛ, ‘Abaasaa amãmɔ amɛ, ni maha tsui ni akumɔ ate shi ekoŋŋ’ lɛ.

Yesaia 44:28

Ekɛɛ yɛ Koresh he akɛ, ‘Mitookwɛlɔ ji lɛ, ni ebaafee nii ni sa mihiɛ’; ni ekɛɛ yɛ Yerusalɛm he akɛ, ‘Abaasaa ama’, ni ekɛɛ yɛ Sɔlemɔ we lɛ hu he akɛ, ‘Abaato oshishi ekoŋŋ.’ ”

Yesaia 45:1

Bɔ ni Yehowa kɛɔ Koresh mɔ ni efɔ lɛ mu, mɔ ni mimɔ eninejurɔ mli koni maba majimaji ashi yɛ ehiɛ, koni maba maŋtsɛmɛi ashi, ni magbele shinai yɛ ehiɛ, koni akaŋamɔ agboi awo lɛ lɛ nɛ,

Yesaia 66:1

Bɔ ni Yehowa kɛɛ nɛ, “Ŋwɛi lɛ, mimaŋtsɛ sɛi ni; ni shikpɔŋ lɛ, minaneshi maaŋoo ni; belɛ mɛɛ tsu nyɛaama nyɛha mi mɔ, ni nɛgbɛ aaafee mihejɔɔmɔ he?

Yeremia 10:11

“Bɔ ni nyɛkɛɛ amɛ nɛ, ‘Nyɔŋmɔi lɛ ni jeee amɛ amɛbɔ ŋwɛi kɛ shikpɔŋ lɛ, amɛ fɛɛ amɛhiɛ baakpãtã yɛ shikpɔŋ lɛ nɔ kɛ atatuiaŋ fɛɛ.’ ”

Yeremia 27:5

“Mi, Yehowa, mi mibɔ je lɛ kɛ gbɔmɛi kɛ kooloi bluublu ni yɔɔ shikpɔŋ lɛ nɔ yɛ mihewalɛ kpeteŋkple kɛ minineshiwalɛ naa; ni mikɛhãa mɔ ni misumɔɔ.

Yeremia 29:10

“Ejaakɛ Yehowa kɛɛ akɛ, ‘Kɛji Babilon ye afii nyɔŋmai kpawo lɛ etã lɛ, mibakwɛ nyɛsane lɛ maye mahã nyɛ, ni mibahã shiwoo jurɔ ni miwo yɛ nyɛhe, akɛ mibahã nyɛku nyɛsɛɛ kɛba biɛ nɛɛ lɛ, aba mli.’

Daniel 1:21

Daniel sɔ̃mɔ yɛ maŋtsɛwe lɛ mli aahu kɛyashi afi nɔ ni Persia Maŋtsɛ Koresh baye Babilon nɔ kunim lɛ.

Daniel 2:21

Lɛ etsakeɔ bei kɛ yinɔi lɛ; ekpaa maŋtsɛmɛi, ni etoɔ maŋtsɛmɛi. Lɛ eduroɔ jwɛŋmɔ, ni eduroɔ nilelɔi niiashishinumɔ;

Daniel 2:28

Shi moŋ Nyɔŋmɔ ko yɛ ŋwɛi ni ejieɔ teemɔŋ nibii kpo etsɔ̃ɔ; ni lɛ ji mɔ ni ejie nɔ ni baaba wɔsɛɛ lɛ etsɔ̃ɔ Maŋtsɛ Nebukadnezar lɛ. Lamɔ lɛ ni ola, ni ji ninaa ni ajie atsɔ̃ɔ bo be ni okã osaa lɛ nɔ, lɛ nɛ,

Daniel 4:25

Abaashwie bo kɛjɛ gbɔmɛi ateŋ, ni obaaya oyahi ŋaŋ kooloi ateŋ, ni obaakpe jwɛi tamɔ tsina. Ŋwɛi bɔ baanyɔ onɔ yɛ jwɛiaŋ, afii kpawo, kɛyaashi beyinɔ ni oooyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ adesa maŋtsɛyeli fɛɛ maŋtsɛyeli nɔ; asaŋ mɔ fɛɛ mɔ ni lɛ esumɔɔ lɛ, lɛ ekɛ maŋtsɛyeli hãa.

Daniel 4:32

asaŋ aaashwie bo kɛje gbɔmɛi ateŋ kɛya ŋaŋ kooloi ateŋ koni okɛ amɛ ayahi shi. Obaakpe jwɛi tamɔ tsina afii kpaw, ni ooona oyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ gbɔmɛi amaŋtsɛyeli fɛɛ maŋtsɛyeli nɔ, asaŋ akɛ mɔ fɛɛ mɔ ni lɛ esumɔɔ lɛ lɛ ekɛ maŋtsɛyeli hãa.”

Daniel 5:23

shi moŋ owo ohe nɔ yɛ Nuŋtsɔ ni yɔɔ ŋwɛi lɛ hiɛ. Otee oyaloo kpuji kɛ okpolui ni yɔɔ ewe lɛ kɛba, ni bo kɛ onukpai lɛ kɛ oŋamɛi lɛ kɛ ohemɛi lɛ kɛbanu dãa. Enɛ sɛɛ hu lɛ nyɛjie wɔji srɔtoi ni akɛ shika kɛ jwiɛtɛi kɛ akɔɔble kɛ dade kɛ tso kɛ tɛ efee lɛ ayi, nibii ni amɛnãaa nii, ni amɛnuuu nii, ni amɛleee nɔ ko nɔ ko lɛ yi. Shi Nyɔŋmɔ lɛ, ni lɛ edɛŋ owala kɛ oyaakɛbaa fɛɛ yɔɔ lɛ, ojieee lɛ moŋ eyi.

Daniel 6:25

Enɛ sɛɛ lɛ Maŋtsɛ Dario ŋmã wolo ekɛmaje majimaji kɛ asafoi kɛ je lɛ mli wiemɔi srɔtoi ashikpɔji anɔ bii fɛɛ akɛ, “Nyɛhea omanye!

Yona 1:9

Yona jie naa akɛ, “Hebrinyo ji mi; ni Yehowa mɔ ni yɔɔ ŋwɛi ni lɛ ebɔ ŋshɔ kɛ shikpɔŋ gbiŋ fɛɛ lɛ mijaa.”