Ezra 1:1 - ŊMALƐ KRƆŊKRƆŊ LƐ

¹ Koresh, Persia maŋtsɛ lɛ, yinɔ klɛŋklɛŋ afi lɛ nɔ lɛ, bɔ ni afee ni Yehowa wiemɔ ni ewie kɛtsɔ̃ Yeremia nɔ lɛ aba mli hewɔ lɛ, Yehowa kanya Koresh yɛ mumɔ mli, ni ehã aŋmã, ni ashiɛ yɛ emaŋtsɛyeli lɛ mli he fɛɛ he akɛ,

Ṅmãle̱ Kroṅkroṅ Le̱

¹ Koreš, Persia maṅtše̱ le̱, yino̱ kleṅkleṅ afi le̱ no̱ le̱, beni afe ni Iehowa wiemo̱ ní ewie ye̱ *Ieremia nā le̱ aba mli le̱, Iehowa tšīe Koreš, Persia maṅtše̱ le̱, mumo̱ hĩe, ni ehã ašie̱ ye̱ emaṅtšeyelihe le̱ fẽ, ni asā aṅmã hũ ake̱: 2 Kron. 36,22. 28. *Ier. 26,11; 29,10.

Ezra 1:1 ပူးပေါင်းရင်းမြစ်များ

Ezra 1:5

Kɛkɛ ni Yuda kɛ Benyamin wekui lɛ ayitsei kɛ osɔfoi lɛ kɛ Levibii lɛ, mɛi fɛɛ ni Nyɔŋmɔ kanya amɛ yɛ mumɔ mli lɛ, fã koni amɛya ni amɛyasaa Yehowa shĩa lɛ ni yɔɔ Yerusalɛm lɛ amɛma.

Ezra 4:3

Shi Zerubabel kɛ Yeshua kɛ Israel tsɛmɛi awei lɛ onukpai ni eshwɛ lɛ kɛɛ amɛ akɛ, “Kɛ wɔmiima shĩa wɔhã wɔNyɔŋmɔ lɛ, jeee wɔkɛ nyɛ sane ni; shi wɔ sɔŋŋ wɔɔɔma wɔhã Yehowa, Israel Nyɔŋmɔ lɛ, tamɔ bɔ ni maŋtsɛ Koresh, Persia maŋtsɛ lɛ ewo wɔ kitã lɛ.”

Ezra 6:14

Yudafoi onukpai lɛ ma Sɔlemɔ we lɛ, ni etee nɔ jogbaŋŋ yɛ Hagai, gbalɔ lɛ, kɛ Zakaria, Ido bi lɛ, gbalɛ lɛ hewɔ. Amɛma, ni amɛgbe naa yɛ Israel Nyɔŋmɔ lɛ kitã lɛ kɛ Persia maŋtsɛ Koresh kɛ Dario Artashasta akpɔ lɛ naa.

Ezra 6:22

Amɛkɛ nyamɔ ye Akpiti Gbijurɔ lɛ gbii kpawo; ejaakɛ Yehowa ehã amɛmli efili amɛ, akɛni ehã Asiria maŋtsɛ lɛ tsui emɔ amɛ koni ewo amɛ hewalɛ yɛ Nyɔŋmɔ ni ji Israel Nyɔŋmɔ lɛ We lɛ he nitsumɔ lɛ mli lɛ.

Ezra 6:3

“Maŋtsɛ Koresh klɛŋklɛŋ afi lɛ nɔ lɛ, ewo akpɔ yɛ Nyɔŋmɔ We lɛ ni yɔɔ Yerusalɛm lɛ he akɛ: ‘Nyɔŋmɔ shĩa ni yɔɔ Yerusalɛm ni ashãa afɔlei yɛ mli lɛ, ama, ni ahã eshishitoo lɛ awa. Ekwɔlɛ ninetalɔi nyɔŋmai ekpaa ni elɛɛmɔ hu nakai nɔŋŋ.

Ezra 7:27

Kɛkɛ ni Ezra kɛɛ, “Ajie Yehowa, wɔtsɛmɛi aNyɔŋmɔ lɛ, yi akɛ ekɛ nɛkɛ nɔ ko wo maŋtsɛ lɛ yiŋ akɛ ewula Yehowa we ni yɔɔ Yerusalɛm lɛ.

Lalai 106:46

Ehã majimaji fɛɛ ni ŋɔ amɛ nom lɛ na amɛ mɔbɔ.

Abe̱i 21:1

Maŋtsɛ tsui lɛ etamɔ faa ni hoɔ yɛ Yehowa dɛŋ. Etsɔ̃mɔɔ lɛ bɔ ni lɛ diɛŋtsɛ esumɔɔ.

Yesaia 44:28

Ekɛɛ yɛ Koresh he akɛ, ‘Mitookwɛlɔ ji lɛ, ni ebaafee nii ni sa mihiɛ’; ni ekɛɛ yɛ Yerusalɛm he akɛ, ‘Abaasaa ama’, ni ekɛɛ yɛ Sɔlemɔ we lɛ hu he akɛ, ‘Abaato oshishi ekoŋŋ.’ ”

Yesaia 45:1

Bɔ ni Yehowa kɛɔ Koresh mɔ ni efɔ lɛ mu, mɔ ni mimɔ eninejurɔ mli koni maba majimaji ashi yɛ ehiɛ, koni maba maŋtsɛmɛi ashi, ni magbele shinai yɛ ehiɛ, koni akaŋamɔ agboi awo lɛ lɛ nɛ,

Yeremia 1:1

Yeremia, Osɔfo Hilkia ni hi shi yɛ Anatot yɛ Benyamin shikpɔŋ lɛ nɔ lɛ bi lɛ, wiemɔi nɛ:

Yeremia 29:10

“Ejaakɛ Yehowa kɛɛ akɛ, ‘Kɛji Babilon ye afii nyɔŋmai kpawo lɛ etã lɛ, mibakwɛ nyɛsane lɛ maye mahã nyɛ, ni mibahã shiwoo jurɔ ni miwo yɛ nyɛhe, akɛ mibahã nyɛku nyɛsɛɛ kɛba biɛ nɛɛ lɛ, aba mli.’

Ezekiel 38:5

Magbala Persiabii kɛ Etiopiabii kɛ Libiabii fɛɛ ni amɛhiɛhiɛ tsɛŋi ni amɛbu dadefai lɛ hu mafata amɛhe.

Daniel 1:21

Daniel sɔ̃mɔ yɛ maŋtsɛwe lɛ mli aahu kɛyashi afi nɔ ni Persia Maŋtsɛ Koresh baye Babilon nɔ kunim lɛ.

Daniel 2:1

Nebukadnezar maŋtsɛyeli afi ni ji enyɔ lɛ nɔ lɛ, ela lamɔi komɛi. Lamɔi nɛɛ hã etsui bɔ̃i yeli, ni wɔ tserɛ yɛ ehiɛ.

Daniel 6:25

Enɛ sɛɛ lɛ Maŋtsɛ Dario ŋmã wolo ekɛmaje majimaji kɛ asafoi kɛ je lɛ mli wiemɔi srɔtoi ashikpɔji anɔ bii fɛɛ akɛ, “Nyɛhea omanye!

Daniel 9:2

Eklɛŋklɛŋ afi lɛ mli, be ni, mi Daniel, mihiɛ woji amli kwɛmɔ lɛ, mina akɛ afii abɔ ni Yehowa kɛɛ Gbalɔ Yeremia akɛ Yerusalɛm baakã shi amaŋfɔ̃ kɛyashi lɛ ji afii nyɔŋmai kpawo.

Yohane 1:23

Ekɛɛ, “Mi ji mɔ gbee ni boɔ yɛ ŋa lɛ nɔ akɛ, ‘Nyɛjajea Nuŋtsɔ lɛ gbɛ lɛ,’ ” tamɔ bɔ ni gbalɔ Yesaia kɛɛ lɛ.