Ester 9:29 - ŊMALƐ KRƆŊKRƆŊ LƐ

²⁹ Maŋnyɛ Ester, Abihail biyoo lɛ, kɛ Mɔdekai, Yudanyo lɛ, ŋma wolo yɛ hewalɛ ni amɛna lɛ naa, ni amɛkɛma Purim gbijurɔyeli lɛ he wolo ni Mɔdekai eŋmã lɛ nɔ aduatsɔ.

Ṅmãle̱ Kroṅkroṅ Le̱

²⁹ Ni maṅnye Ester ni dši Abihail biyō le̱, ke̱ Mordekai, Iudanyo le̱, ke̱ ame̱hewale̱ ní ame̱ná le̱ fẽ ṅmã ni ame̱ke̱-mã ne̱ke̱ Purim he wolo ni dši enye̱ ne̱ no̱ aduatšo̱.

Ester 9:29 ပူးပေါင်းရင်းမြစ်များ

Ester 2:15

Agbɛnɛ ebashɛ Ester ni ji Mɔdekai tsɛkwɛ Abihail biyoo mɔ ni eŋɔ lɛ efee lɛ diɛŋtsɛ ebi lɛ nɔ, ni ebaaya maŋtsɛ lɛ ŋɔɔ. Ester diɛŋtsɛ biii nɔ ko nɔ ko koni ekɛsaa ehe kɛya. Nɔ ni Hegai, maŋtsɛ piafonyo ni kwɛɔ yei lɛ, kɔ hã lɛ lɛ, no Ester kɛsaa ehe. Ni Ester he fee mɛi fɛɛ ni na lɛ lɛ akɔnɔ pam.

Ester 3:15

Bɔfoi lɛ kɛ woji lɛ shi kɛ foi yɛ maŋtsɛ lɛ fãmɔ naa kɛtee shikpɔji lɛ anɔ. Ashiɛ akpɔ lɛ yɛ Susa ni ji maŋtsɛmaŋ lɛ mli hu. Kɛkɛ ni Maŋtsɛ Ahashwerosh kɛ Haman ho tara shi ni amɛnu dãa, be mli ni akpɔ lɛ ehã Susa maŋ lɛ fɛɛ ejijaa lɛ.

Ester 8:10

Mɔdekai hã aŋmala woji lɛ yɛ Maŋtsɛ Ahashwerosh gbɛi mli, ni akɛ maŋtsɛ lɛ wolonaasɔomɔ ga lɛ sɔo amɛnaa. Kɛkɛ ni ekɛ woji lɛ tsu bɔfoi ni tara maŋtsɛ lɛ okpɔŋɔi ni afoijee naa wa lɛ ekomɛi anɔ kɛtee.

Ester 9:20

Mɔdekai hã aŋmãla nɛkɛ saji nɛɛ, ni ekɛ woji tsu, ni akɛyahã Yudafoi fɛɛ ni yɔɔ Maŋtsɛ Ahashwerosh nɔyelihei lɛ fɛɛ, mɛi ni bɛŋkɛ kɛ mɛi ni yɔɔ shɔŋŋ fɛɛ,

Ester 9:21

ni ekɛfo efɔ̃ shi ehã Yudafoi lɛ akɛ amɛye Adar nyɔŋ lɛ nɔ gbi ni ji nyɔŋma kɛ ejwɛ kɛ gbi ni ji nyɔŋma kɛ enumɔ lɛ akɛ gbijurɔ daa afi,

Ester 9:28

Amɛfo akɛ Yudafoi aweku fɛɛ weku ni yɔɔ maŋ fɛɛ maŋ nɔ, yɛ shikpɔŋ fɛɛ shikpɔŋ nɔ, yɛ yinɔi fɛɛ amli hiɛ ahi nɛkɛ gbii enyɔ nɛɛ anɔ, ni amɛye Purim gbii nɛɛ, ni ekaho amɛyi kɔkɔɔkɔ. Amɛ kɛ amɛshwiei akai gbii nɛɛ kɛya yinɔi ayinɔi fɛɛ.