Ester 9:25 - ŊMALƐ KRƆŊKRƆŊ LƐ

²⁵ Shi Ester yana maŋtsɛ lɛ, ni maŋtsɛ lɛ ŋmã wolo, ni naagbee mli lɛ ehã Yudafoi lɛ ayinɔ ŋaa fɔŋ ni Haman etsɔ̃ lɛ babua lɛ moŋ eyiteŋ, ni asɛŋ lɛ kɛ ebihii lɛ fɛɛ yɛ tso nɔ yɛ maŋ jara nɔ.

Ṅmãle̱ Kroṅkroṅ Le̱

²⁵ ši beni Ester ba maṅtše̱ le̱ hĩe le̱, eṅmã wolo eke̱-fã́ ake̱ ahã eṅā fõṅ ní etšṍ ye̱ Iudafoi le̱ ahe le̱ akũ se̱ ababua le̱dientše̱ eyĩteṅ, ni *ase̱ṅ le̱ ke̱ ehihĩĩ le̱ ye̱ tšo le̱ no̱. *K. 14. 7,10.

Ester 9:25 ပူးပေါင်းရင်းမြစ်များ

1 Maŋtsɛmɛi 8:32

no lɛ bo toi yɛ ŋwɛi koni okojo otsuji lɛ; buu atɛŋ, mɔ ni yeɔ fɔ lɛ buu lɛ fɔ, ni enii abua eyiteŋ; ni mɔ ni yeɔ bem, lɛ buu lɛ bem ni eŋɔ ehe eye tswaa.

Ester 3:6

Akɛni akɛɛ Haman akɛ Yudanyo ji Mɔdekai hu hewɔ lɛ, Haman to eyiŋ akɛ ekpãtãŋ Mɔdekai kome kɛkɛ hiɛ, shi moŋ ekɛ Mɔdekai he nu baaju Yudafoi fɛɛ ni yɔɔ Maŋtsɛ Ahashwerosh maŋtsɛyeli shikpɔji lɛ fɛɛ anɔ lɛ ahe.

Ester 7:10

No hewɔ lɛ, atee ni ayasɛŋ Haman moŋ yɛ tso ni ekala akɛ ebaasɛŋ Mɔdekai yɛ nɔ lɛ nɔ. Kɛkɛ ni maŋtsɛ lɛ mlila lɛ jɔ.

Ester 7:4

Amrɔ nɛɛ mli lɛ, ahɔ̃ɔ wɔ, mi kɛ mimaŋbii lɛ, ahã koni akpãtã wɔhiɛ, ni agbe wɔ kɛbule wɔshishi. Eji ahɔ̃ɔ wɔ akɛ nyɔji hii kɛ nyɔji yei kɛkɛ kulɛ egbaŋ minaa, ni kulɛ mikɛŋ nɔ ko, ejaakɛ piŋmɔ ni abaapiŋ wɔ lɛ ejeee nɔ ko kwraa kɛji akɛto maŋtsɛ nii ni baafite he.”

Ester 7:5

Kɛkɛ ni Maŋtsɛ Ahashwerosh here nɔ, ni ebi Maŋnyɛ Ester akɛ, “Namɔ to yiŋ kɛbaafee nɛkɛ nɔ ko? Namɔ ni, ni nɛgbɛ mɔ lɛ yɔɔ?”

Lalai 140:8

Oo Yehowa, kaahã mɔ fɔŋ nine shɛ nɔ ni eshweɔ lɛ nɔ; ni kaahã eyiŋtoo fɔŋ lɛ miiba mli miihã lɛ.

Lalai 140:9

Mɛi ni efo sa ewo mihe lɛ, hã efɔŋ ni jɛ amɛ diɛŋtsɛ amɛnaa lɛ abua amɛyiteŋ.

Lalai 141:10

Hã mɛi fɔ̃ji adu amɛ diɛŋtsɛ amɛtsɔne lɛ, ni mi lɛ, hã maje mli sɔkee.

Lalai 7:16

emusu buaa lɛ diɛŋtsɛ eyiteŋ, ni eyiwalɛ lɛ wulaa lɛ diɛŋtsɛ nɔŋŋ eyiteŋ.

Lalai 7:17

Mada Yehowa shi yɛ ejalɛ naa, ni mala majie Yehowa, Ŋwɛi flooflonyo lɛ gbɛi lɛ yi.

Lalai 94:23

Ebaahã amɛnishaianii lɛ abua amɛ diɛŋtsɛ amɛyiteŋ; ni eeekpãtã amɛhiɛ yɛ amɛnifɔɔjianii lɛ ahewɔ. Yehowa, wɔNyɔŋmɔ lɛ aaabɛɛ amɛ ashwie.

Abe̱i 26:27

Mɔ ni kɛ yiŋtoo fɔŋ tsaa bu lɛ, lɛ nɔŋŋ eeegbee mli; ni mɔ ni kɛ yiŋsha kokloɔ tɛ lɛ, lɛ nɔŋŋ enɔ tɛ lɛ aaaku sɛɛ agbee.

Abe̱i 5:22

Mɔ fɔŋ lɛ enifɔji anii lɛ nɔŋŋ duɔ lɛ tamɔ tsɔne, ni eshai ni efeɔ lɛ nɔŋŋ fimɔɔ lɛ tamɔ kpãa.

Yesaia 22:25

Kɛji nakai be lɛ shɛ lɛ, shiŋmlitso lɛ ni aka akɛma shi shiŋŋ lɛ, aaawɔtsɔ, ni ebaagbee shi, ni jatsu ni tsotsoro nɔ lɛ hiɛ baakpãtã.” Yehowa, Taiatsɛ lɛ, ekɛɛ.

Obadia 1:15

“Ejaakɛ be lɛ eshɛ etã, be ni, mi, Yehowa mibakojo majimaji lɛ. Bɔ ni ofee lɛ, nakai aaafee bo, Esau. Onifeemɔnii lɛ baaku sɛɛ abawula oyiteŋ.

Mateo 21:44

Ni mɔ fɛɛ mɔ ni aaagbee tɛ nɛɛ nɔ lɛ emli aaatsɛrɛ; shi mɔ ni tɛ lɛ aaagbee enɔ lɛ, eeegbɛlɛ lɛ mɔnyɔmɔnyɔ.”]

1 Samuel 25:39

Be ni David nu akɛ Nabal egbo lɛ nɔ ni ekɛɛ ji akɛ, “Yehowa yiwala dɔŋŋ. Etɔ ahora ni Nabal bɔ mi lɛ he owele ehã mi, ni asaŋ etsĩ mi, etsulɔ, naa hu koni mikayafee nɔ fɔŋ. Yehowa ehã Nabal musu ebua eyiteŋ.” David tsu fee sɛɛ atee akɛ Abigail yawie koni ekɛ lɛ afee eŋa.