Ester 9:2 - ŊMALƐ KRƆŊKRƆŊ LƐ

² Yudafoi lɛ buabua amɛhe naa kuikui yɛ amɛkutsei lɛ amli yɛ Maŋtsɛ Ahashwerosh nɔyelihei lɛ amli majimaji lɛ amli akɛ amɛkɛ mɛi fɛɛ ni baatua amɛ lɛ baawu. Ni mɔ ko mɔ ko nyɛɛɛ amɛhiɛ adamɔ, ejaakɛ Yudafoi lɛ ahe ŋmiŋmi emɔmɔ maji lɛ fɛɛ.

Ṅmãle̱ Kroṅkroṅ Le̱

² Ke̱ke̱ ni Iudafoi le̱ babuabuā amehe nā ke̱-kpe ye̱ ame̱mãdši le̱ amli ye̱ maṅtše̱ Ahašweroš šikpõdši le̱ fẽ no̱, koni ame̱ke̱ ame̱nidši aṅmlẽ mei ní taoo̱ame̱ efõṅ le̱ ano̱. Ni mokomoko nyẽẽ ame̱hĩe adamo̱; edšake̱ *ame̱he ṅmiṅmi emõmo̱ mãdšimãdši le̱ fẽ. *8,17.

Ester 9:2 ပူးပေါင်းရင်းမြစ်များ

1 Mose 35:5

Kɛkɛ ni amɛŋɔ shwie nɔ. Nyɔŋmɔ he ŋmiŋmi mɔmɔ maji fɛɛ ni bɔle amɛ lɛ, no hewɔ lɛ, amɛtiuuu Yakob webii lɛ.

Ester 8:11

Woji lɛ kɛɛ akɛ Maŋtsɛ Ahashwerosh ehã Yudafoi ni yɔɔ maŋ fɛɛ maŋ nɔ hegbɛ koni amɛbua amɛhe naa amɛbɔ asafoi ni amɛdamɔ shi kɛfã amɛhe. Kɛji mɛi komɛi aaabatua amɛ yɛ maŋ fɛɛ maŋ ko nɔ lɛ, amɛkɛ mɛi lɛ awu kɛfã amɛhe ni amɛgbe amɛ kɛ amɛbii kɛ amɛ hɔi kɛ yei fɛɛ kɛbule amɛshishi; ni no sɛɛ lɛ amɛha mɛi nɛɛ anibii amɛhã amɛhe,

Ester 8:17

Anɔkwa shikpɔŋ fɛɛ shikpɔŋ kɛ maŋ fɛɛ maŋ nɔ ni Maŋtsɛ Ahashwerosh shɛɛ kɛ akpɔ lɛ yashɛ lɛ, jɛi Yudafoi lɛ na miishɛɛ, ni amɛnya, ni amɛŋmɛŋmɛɛ okplɔ̃, ni amɛyeyee gbii juji. Shikpɔji anɔ bii lɛ ateŋ mɛi babaoo tsɔ̃mɔ amɛhe Yudafoi tete, ejaakɛ Yudafoi lɛ ahe ŋmiŋmi emɔmɔ amɛ.

Ester 9:10

ni ji Hamedata bi Haman, Yudafoi ahenyɛlɔi lɛ, bihii nyɔŋma lɛ fɛɛ hu. Shi Yudafoi lɛ ehaaa mɛi anii.

Lalai 71:13

Hã mɛi ni foɔ sane fɔ̃ɔ minɔ lɛ ahiɛ agboi, ni amɛhiɛ akpãtã. Mɛi ni taoɔ mi efɔŋ lɛ, hã amɛhiɛ ashwie shi, ni amɛhe guɔ agbo;

Lalai 71:24

Gbi muu fɛɛ lɛ, mililɛi aaagba ojalɛ, mɔyelikɛbuamɔ lɛ; ejaakɛ mɛi ni ka mi efɔŋ feemɔ lɛ, awo amɛ hiɛgbele, ni amɛhiɛ eshwie shi.

2 Mose 23:27

“Mahã miheŋmiŋmi atsɔ̃ nyɛhiɛ amɔmɔ maji lɛ fɛɛ dani nyɛaayanina amɛ, ni maŋ fɛɛ maŋ nɔ ni nyɛaashɛ lɛ aaajija yɛ nyɛhiɛ.

Yesaia 8:9

Nyɛ majimaji, nyɛbuaa nyɛhe naa kɛ tsuifãa! Nyɛ majimaji ni yɔɔ shɔŋŋ, nyɛboa toi, ni nyɛhe ajɔ̃a nyɛhe.

5 Mose 2:30

“Shi Heshbon Maŋtsɛ Sihon ekpɛlɛ̃ɛɛ nɔ akɛ wɔtsɔ̃ eshikpɔŋ lɛ nɔ kɛho, ejaakɛ Yehowa, nyɛNyɔŋmɔ lɛ, hã ekuɛŋ ti, ni ekpliŋ etsui bɔ ni afee ni wɔ kɛ lɛ awu ni wɔye enɔ kunim tamɔ eyɔɔ ŋmɛnɛ nɛɛ lɛ.

Yoshua 11:20

Ejaakɛ Yehowa ninenaa nitsumɔ nɛ, akɛ ehã maji lɛ amli bii lɛ kpliŋ amɛtsui, bɔ ni afee ni amɛ kɛ Israelbii lɛ awu ta koni atsɔ̃ no nɔ amɛkpãtã amɛhiɛ ni mɔbɔnalɛ bɛ mli, tamɔ bɔ ni Yehowa fã Mose lɛ.

Yoshua 2:9

ni eyakɛɛ amɛ akɛ, “Mile akɛ Yehowa kɛ shikpɔŋ nɛɛ ehã nyɛ, ni nyɛhe ŋmiŋmi emɔmɔ wɔmaŋbii fɛɛ, ni shikpɔŋ lɛ nɔ bii fɛɛ ejijaa yɛ nyɛhewɔ;