Ester 9:19 - ŊMALƐ KRƆŊKRƆŊ LƐ

¹⁹ No hewɔ lɛ, Yudafoi ni yɔɔ akrowai amli, ni ji maji ni atswako gbogbo awoko amɛhe lɛ, yeɔ Adar nyɔŋ lɛ nɔ gbi ni ji nyɔŋma kɛ ejwɛ lɛ akɛ gbijurɔ kɛ okplɔŋmɛɛ kɛ nyamɔ, ni amɛkekeɔ amɛhe nii.

Ṅmãle̱ Kroṅkroṅ Le̱

¹⁹ Nohewo̱ le̱ Iudafoi ní dši akrowai amli bii ní yo̱ mãdši ní gbogboi be̱ he le̱ amli le̱ ṅõ Adar nyõṅ le̱ no̱ gbĩ ni dši gbĩ nyoṅma ke̱ edſe̱ le̱ ame̱fe okplõṅmē̃ ke̱ nyã́mo̱ gbĩdšũrõ ke̱ gbĩ kpakpa ke̱ henikē gbĩ.

Ester 9:19 ပူးပေါင်းရင်းမြစ်များ

Ester 8:17

Anɔkwa shikpɔŋ fɛɛ shikpɔŋ kɛ maŋ fɛɛ maŋ nɔ ni Maŋtsɛ Ahashwerosh shɛɛ kɛ akpɔ lɛ yashɛ lɛ, jɛi Yudafoi lɛ na miishɛɛ, ni amɛnya, ni amɛŋmɛŋmɛɛ okplɔ̃, ni amɛyeyee gbii juji. Shikpɔji anɔ bii lɛ ateŋ mɛi babaoo tsɔ̃mɔ amɛhe Yudafoi tete, ejaakɛ Yudafoi lɛ ahe ŋmiŋmi emɔmɔ amɛ.

Ester 9:20

Mɔdekai hã aŋmãla nɛkɛ saji nɛɛ, ni ekɛ woji tsu, ni akɛyahã Yudafoi fɛɛ ni yɔɔ Maŋtsɛ Ahashwerosh nɔyelihei lɛ fɛɛ, mɛi ni bɛŋkɛ kɛ mɛi ni yɔɔ shɔŋŋ fɛɛ,

Ester 9:22

ejaakɛ nɛkɛ gbii nɛɛ anɔ Yudafoi lɛ ahe jɔ amɛ kɛjɛ amɛhenyɛlɔi lɛ adɛŋ. Nyɔŋ nɛɛ nɔ amɛwerɛho lɛ tsɔ̃ miishɛɛ, ni amɛkɔmɔyeli lɛ tsɔ̃ nyamɔ. No hewɔ lɛ, amɛfee nɛkɛ gbii nɛɛ okplɔŋmɛɛ kɛ nyamɔ kɛ henikee kɛ ohiafoi anikee gbii.

Zakaria 2:4

Klɛŋklɛŋ bɔfo lɛ fã bɔfo kroko lɛ ekɛɛ, “Sha foi ni oyakɛɛ nɛkɛ oblanyo nɛɛ ni hiɛ susumɔ kpãa lɛ akɛ, Yerusalɛm he baakã efolo tamɔ akrowa ni atswako gbogbo awoko he yɛ emli gbɔmɛi kɛ kooloi ayifalɛ hewɔ.

Luka 11:41

Moŋ nyɛŋɔa nibii ni yɔɔ mli lɛ nyɛfea ejurɔ, ni nibii fɛɛ he aaatse ahã nyɛ.

5 Mose 15:7

“Kɛji nyɛnyɛmi Israelnyo ko miiye ohia yɛ maŋ ko mli yɛ nyɛshikpɔŋ ni Yehowa, nyɛNyɔŋmɔ lɛ, kɛhãa nyɛ lɛ nɔ lɛ, akawa lɛ yi, musuŋ akajoo yɛ nyɛmi ohiafo lɛ nɔ.

5 Mose 16:11

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii ni yɔɔ nyɛmaji lɛ amli kɛ maŋsɛɛ gbɔi kɛ awusãi kɛ okulafoi hu ni yɔɔ nyɛteŋ lɛ. Nyɛyea gbijurɔ nɛɛ yɛ he ni Yehowa, nyɛNyɔŋmɔ lɛ, eŋɔ akɛ jɛi aja lɛ yɛ lɛ.

5 Mose 16:14

Nyɛyea gbijurɔ nɛɛ kɛ miishɛɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii kɛ maŋsɛɛ gbɔi kɛ awusãi kɛ okulafoi hu ni yɔɔ nyɛmaji lɛ amli lɛ.

5 Mose 3:5

Nɛkɛ maji nɛɛ fɛɛ lɛ, atswatswaa gbogboi ni kwɔlɔ awowoo amɛhe akɛwaje amɛ, ni agboi kɛ amɛsɛɛ adabaŋi tara amɛnaa. Wɔshɔ̃ maji babaoo diɛŋtsɛ ni gbogboi bɛ amɛhe hu.

Kpojiemɔ 11:10

Ni mɛi ni yɔɔ shikpɔŋ lɛ nɔ lɛ aaanya yɛ amɛnɔ ni amɛmli aaafli amɛ, ni amɛ aaamajemajee amɛhe keenii, ejaakɛ nɛkɛ gbalɔi enyɔ nɛɛ piŋ mɛi ni yɔɔ shikpɔŋ lɛ nɔ lɛ.

1 Samuel 25:8

Bo lɛ bi oblahii lɛ, ni amɛbaagba bo. No hewɔ lɛ, ofainɛ, kwɛmɔ miblahii lɛ ahiɛ, ejaakɛ wɔba yɛ gbi kpakpa nɔ be ni ooŋmɛ okplɔ̃. Ofainɛ, ohã otsuji nɔ fɛɛ nɔ ni oyɔɔ yɛ onine nɔ lɛ eko koni okɛmaje obi David.”