Ester 9:18 - ŊMALƐ KRƆŊKRƆŊ LƐ

¹⁸ Yudafoi ni yɔɔ Susa maŋ lɛ mli lɛ gbe amɛhenyɛlɔi lɛ yɛ gbi ni ji nyɔŋma kɛ etɛ̃ kɛ nyɔŋma kɛ ejwɛ lɛ anɔ, kɛkɛ ni amɛjɔɔ amɛhe yɛ gbi ni ji nyɔŋma kɛ enumɔ lɛ nɔ, ni amɛkɛfee okplɔŋmɛɛ kɛ nyamɔ gbijurɔ.

Ṅmãle̱ Kroṅkroṅ Le̱

¹⁸ Ši Iudafoi le̱ ni yo̱ Šušan le̱ bua ame̱he nā ye̱ gbĩ ni dši gbĩ nyoṅma ke̱ etẽ le̱ ke̱ gbĩ ni dši gbĩ nyoṅma ke̱ edſe̱ le̱ no̱, ni gbĩ ni dši gbĩ nyoṅma ke̱ enumo̱ le̱ no̱ le̱ ame̱dšō̱ ame̱he, ni ame̱ṅõ-fe okplõṅmõ ke̱ nyã́mo̱ gbĩdšũrõ.

Ester 9:18 ပူးပေါင်းရင်းမြစ်များ

Ester 8:11

Woji lɛ kɛɛ akɛ Maŋtsɛ Ahashwerosh ehã Yudafoi ni yɔɔ maŋ fɛɛ maŋ nɔ hegbɛ koni amɛbua amɛhe naa amɛbɔ asafoi ni amɛdamɔ shi kɛfã amɛhe. Kɛji mɛi komɛi aaabatua amɛ yɛ maŋ fɛɛ maŋ ko nɔ lɛ, amɛkɛ mɛi lɛ awu kɛfã amɛhe ni amɛgbe amɛ kɛ amɛbii kɛ amɛ hɔi kɛ yei fɛɛ kɛbule amɛshishi; ni no sɛɛ lɛ amɛha mɛi nɛɛ anibii amɛhã amɛhe,

Ester 9:1

Kɛkɛ ni nyɔŋ ni ji nyɔŋma kɛ enyɔ ni atsɛɔ lɛ Adar lɛ nɔ gbi ni ji nyɔŋma kɛ etɛ̃ lɛ bashɛ, ni ji gbi ni abaaye maŋtsɛ kitã kɛ akpɔ lɛ nɔ lɛ. Be mli ni Yudafoi lɛ ahenyɛlɔi lɛ ahiɛ kã nɔ akɛ amɛbaana Yudafoi lɛ anɔ hewalɛ lɛ, amɛhiɛnɔkãmɔ nɛɛ tsake ekroko, ni Yudafoi lɛ moŋ na hewalɛ yɛ amɛhenyɛlɔi lɛ anɔ.

Ester 9:11

Nakai gbi lɛ nɔŋŋ lɛ ayabɔ Maŋtsɛ Ahashwerosh mɛi ayibɔ ni agbe yɛ Susa ni ji maŋtsɛmaŋ lɛ mli lɛ.

Ester 9:13

Ester to he ni ekɛɛ akɛ, “Kɛji Nii baasumɔ lɛ, aŋmɛ Yudafoi ni yɔɔ Susa maŋ nɛɛ mli lɛ agbɛ koni wɔ hu lɛ, amɛfee bɔ ni amɛfee ŋmɛnɛ yɛ mla lɛ naa lɛ ekoŋŋ; asaŋ akɛ Haman bihii nyɔŋma lɛ agbohii lɛ atsotsoro tso nɔ.”

Ester 9:15

Kɛkɛ ni Yudafoi ni yɔɔ Susa maŋ lɛ mli lɛ bua amɛhe naa ekoŋŋ yɛ Adar nyɔŋ lɛ nɔ gbi ni ji nyɔŋma kɛ ejwɛ lɛ nɔ, ni amɛsaa amɛgbegbee mɛi ohai etɛ̃ yɛ Susa; shi moŋ amɛhaaa mɛi anii.

Ester 9:2

Yudafoi lɛ buabua amɛhe naa kuikui yɛ amɛkutsei lɛ amli yɛ Maŋtsɛ Ahashwerosh nɔyelihei lɛ amli majimaji lɛ amli akɛ amɛkɛ mɛi fɛɛ ni baatua amɛ lɛ baawu. Ni mɔ ko mɔ ko nyɛɛɛ amɛhiɛ adamɔ, ejaakɛ Yudafoi lɛ ahe ŋmiŋmi emɔmɔ maji lɛ fɛɛ.

Ester 9:21

ni ekɛfo efɔ̃ shi ehã Yudafoi lɛ akɛ amɛye Adar nyɔŋ lɛ nɔ gbi ni ji nyɔŋma kɛ ejwɛ kɛ gbi ni ji nyɔŋma kɛ enumɔ lɛ akɛ gbijurɔ daa afi,