Ester 9:13 - ŊMALƐ KRƆŊKRƆŊ LƐ

¹³ Ester to he ni ekɛɛ akɛ, “Kɛji Nii baasumɔ lɛ, aŋmɛ Yudafoi ni yɔɔ Susa maŋ nɛɛ mli lɛ agbɛ koni wɔ hu lɛ, amɛfee bɔ ni amɛfee ŋmɛnɛ yɛ mla lɛ naa lɛ ekoŋŋ; asaŋ akɛ Haman bihii nyɔŋma lɛ agbohii lɛ atsotsoro tso nɔ.”

Ṅmãle̱ Kroṅkroṅ Le̱

¹³ Ke̱ke̱ ni Ester kē̱: Ke̱dši esa maṅtše̱ hĩe le̱, hã ní aṅmi Iudafoi le̱ ní yo̱ Šušan le̱ gbe̱, ní wó̱ hũ ame̱fe tamo̱ bo̱ni afe ye̱ ṅme̱ne̱ mla le̱ nā le̱, ní ase̱ṅ Haman bihĩĩ nyoṅma le̱ hũ ye̱ tšo le̱ no̱.

Ester 9:13 ပူးပေါင်းရင်းမြစ်များ

2 Samuel 21:6

No hewɔ lɛ, ŋɔɔ eshwiei amli hii kpawo ohã wɔ koni wɔyasɛŋ amɛ wɔtsɔ̃ɔ yɛ Yehowa hiɛ yɛ Gibea, yɛ Saul, mɔ ni Yehowa wo lɛ maŋtsɛ lɛ, maŋ lɛ mli.” Maŋtsɛ David to he ni ekɛɛ, “Mibahã nyɛ mɛi lɛ.”

2 Samuel 21:9

David kɛ amɛ wo Gibeonbii lɛ adɛŋ, ni Gibeonbii lɛ sɛŋ amɛ yɛ Yehowa hiɛ yɛ gɔŋ lɛ nɔ, ni amɛyi kpawo lɛ fɛɛ amɛgboi shi kome. Ŋmɔshi nikpamɔ shishijee be mli asɛŋ gbɔmɛi nɛɛ; no mli lɛ abɔi akoko foo.

Ester 8:11

Woji lɛ kɛɛ akɛ Maŋtsɛ Ahashwerosh ehã Yudafoi ni yɔɔ maŋ fɛɛ maŋ nɔ hegbɛ koni amɛbua amɛhe naa amɛbɔ asafoi ni amɛdamɔ shi kɛfã amɛhe. Kɛji mɛi komɛi aaabatua amɛ yɛ maŋ fɛɛ maŋ ko nɔ lɛ, amɛkɛ mɛi lɛ awu kɛfã amɛhe ni amɛgbe amɛ kɛ amɛbii kɛ amɛ hɔi kɛ yei fɛɛ kɛbule amɛshishi; ni no sɛɛ lɛ amɛha mɛi nɛɛ anibii amɛhã amɛhe,

Ester 9:14

Maŋtsɛ lɛ fee nakai. Awo mla yɛ Susa, ni ahole Haman bihii nyɔŋma lɛ agbohii lɛ, ni akɛ amɛ tsotsoro shi yɛ maŋ jara nɔ.

Ester 9:15

Kɛkɛ ni Yudafoi ni yɔɔ Susa maŋ lɛ mli lɛ bua amɛhe naa ekoŋŋ yɛ Adar nyɔŋ lɛ nɔ gbi ni ji nyɔŋma kɛ ejwɛ lɛ nɔ, ni amɛsaa amɛgbegbee mɛi ohai etɛ̃ yɛ Susa; shi moŋ amɛhaaa mɛi anii.

Galatabii 3:13

Kristo kpɔ̃ wɔ kɛjɛ Mla lɛ loomɔ lɛ mli, akɛni etsɔ̃ loomɔ ehã wɔ lɛ, ejaakɛ aŋma akɛ, “Alomɔ mɔ fɛɛ mɔ ni tsotsoro tso nɔ lɛ;”

5 Mose 21:23

akahã egbonyo lɛ miihi tso lɛ nɔ ni je tsɛre nɔ. Afu mɔ lɛ gbi nɔ ni asɛŋ lɛ lɛ nɔŋŋ, ejaakɛ nɛkɛ gbɔmɔ lɛ Nyɔŋmɔ loomɔ kã enɔ koni nyɛkabule shikpɔŋ ni Yehowa, nyɛNyɔŋmɔ lɛ, kɛhã nyɛ lɛ.”