Ester 8:17 - ŊMALƐ KRƆŊKRƆŊ LƐ

¹⁷ Anɔkwa shikpɔŋ fɛɛ shikpɔŋ kɛ maŋ fɛɛ maŋ nɔ ni Maŋtsɛ Ahashwerosh shɛɛ kɛ akpɔ lɛ yashɛ lɛ, jɛi Yudafoi lɛ na miishɛɛ, ni amɛnya, ni amɛŋmɛŋmɛɛ okplɔ̃, ni amɛyeyee gbii juji. Shikpɔji anɔ bii lɛ ateŋ mɛi babaoo tsɔ̃mɔ amɛhe Yudafoi tete, ejaakɛ Yudafoi lɛ ahe ŋmiŋmi emɔmɔ amɛ.

Ṅmãle̱ Kroṅkroṅ Le̱

¹⁷ Ni šikpoṅ-fẽ-šikpoṅ ke̱ maṅ-fẽ-maṅ no̱ ní maṅtše̱ le̱ kitã ke̱ ekpo̱ le̱ še̱ le̱, Iudafoi le̱ náa mīše̱ ni ame̱nyáa ni ame̱ṅmẽo̱ okplõ ni ame̱yeo̱ gbĩdšũrõ. Ni šikpoṅ le̱ no̱ bii le̱ ateṅ mei pi tšṍmo̱ Iudafoi tete; *edšake̱ Iudafoi le̱ ahe ṅmiṅmi emōmo̱ame̱. 2 Mose 15,14-19.

Ester 8:17 ပူးပေါင်းရင်းမြစ်များ

1 Mose 35:5

Kɛkɛ ni amɛŋɔ shwie nɔ. Nyɔŋmɔ he ŋmiŋmi mɔmɔ maji fɛɛ ni bɔle amɛ lɛ, no hewɔ lɛ, amɛtiuuu Yakob webii lɛ.

Nehemia 8:10

Ezra kɛɛ amɛ akɛ, “Nyɛyaa ni nyɛyayea nii ni hi naakpa, ni nyɛnua wain ni ŋɔɔ dɔkɔdɔkɔ. Ni nyɛkɛ eko amajea mɛi ni afeko nɔ ko atoko amɛ lɛ, ejaakɛ ŋmɛnɛ gbi nɛɛ lɛ gbi krɔŋkrɔŋ ni hã wɔNuŋtsɔ lɛ. No hewɔ hu lɛ nyɛwerɛ akahoa nyɛhe, ejaakɛ Yehowa he nyamɔ lɛ ji nɔ ni baawo nyɛ hewalɛ.”

Ester 9:17

Afee nii nɛɛ yɛ Adar nyɔɔŋ lɛ nɔ gbi ni ji nyɔŋma kɛ etɛ̃ lɛ nɔ. Gbi ni ji nyɔŋma kɛ ejwɛ lɛ nɔ lɛ, Yudafoi lɛ jɔɔ amɛhe ni amɛgbeee mɔ ko. Amɛye gbi lɛ akɛ gbijurɔ, ni amɛtsɛtsɛɛ okplɔ̃ kɛ nyamɔ.

Ester 9:19

No hewɔ lɛ, Yudafoi ni yɔɔ akrowai amli, ni ji maji ni atswako gbogbo awoko amɛhe lɛ, yeɔ Adar nyɔŋ lɛ nɔ gbi ni ji nyɔŋma kɛ ejwɛ lɛ akɛ gbijurɔ kɛ okplɔŋmɛɛ kɛ nyamɔ, ni amɛkekeɔ amɛhe nii.

Ester 9:2

Yudafoi lɛ buabua amɛhe naa kuikui yɛ amɛkutsei lɛ amli yɛ Maŋtsɛ Ahashwerosh nɔyelihei lɛ amli majimaji lɛ amli akɛ amɛkɛ mɛi fɛɛ ni baatua amɛ lɛ baawu. Ni mɔ ko mɔ ko nyɛɛɛ amɛhiɛ adamɔ, ejaakɛ Yudafoi lɛ ahe ŋmiŋmi emɔmɔ maji lɛ fɛɛ.

Ester 9:22

ejaakɛ nɛkɛ gbii nɛɛ anɔ Yudafoi lɛ ahe jɔ amɛ kɛjɛ amɛhenyɛlɔi lɛ adɛŋ. Nyɔŋ nɛɛ nɔ amɛwerɛho lɛ tsɔ̃ miishɛɛ, ni amɛkɔmɔyeli lɛ tsɔ̃ nyamɔ. No hewɔ lɛ, amɛfee nɛkɛ gbii nɛɛ okplɔŋmɛɛ kɛ nyamɔ kɛ henikee kɛ ohiafoi anikee gbii.

Ester 9:27

Yudafoi lɛ to gbii nɛɛ akɛ gbijurɔ. Amɛfo amɛŋmɛ shi amɛhã amɛhe kɛ amɛshwiei kɛ mɛi fɛɛ ni aaabadɔmɔ amɛ akɛ amɛye gbii enyɔ nɛɛ daa afi, yɛ be ni ato lɛ mli kɛbɔ hu ni ato akɛ aye amɛ ahã lɛ; ni ekaho amɛyi kɔkɔɔkɔ.

Ester 9:3

Anɔkwa, shikpɔji lɛ anɔ onukpai lɛ kɛ amraloi lɛ kɛ lumɛi lɛ kɛ mɛi fɛɛ ni tsuɔ maŋtsɛ nii ye bua Yudafoi lɛ, ejaakɛ mɔ fɛɛ mɔ miishe Mɔdekai gbeyei.

Lalai 105:38

Ijipt nya yɛ amɛjɛijee lɛ hewɔ, ejaakɛ Israelbii lɛ ahe ŋmiŋmi emɔmɔ amɛ.

Lalai 18:43

Ohãaa maŋsɔ̃ aba mi kɛ maŋbii ateŋ. Ofee mi majimaji lɛ atsɛ; mɛi ni mileee amɛ po basɔmɔ mi.

2 Mose 15:16

Gbeyei kɛ ŋmiŋmi eloo amɛ, onineshi tsiimɔ sɔŋŋ ehã amɛmu shi dɛoo kɛyaashi beyinɔ ni Yehowa, omaŋ lɛ aaaho, kɛyaashi mɛi ni okpɔ̃ lɛ aaaho.

5 Mose 11:25

Yehowa, nyɛNyɔŋmɔ lɛ, baahã nyɛhe ŋmiŋmi kɛ nyɛhe gbeyei amɔmɔ shikpɔŋ fɛɛ shikpɔŋ ni nyɛaayashɛ nɔ lɛ nɔ bii, ni mɔ ko mɔ ko nyɛŋ nyɛhiɛ adamɔ tamɔ bɔ ni ewo nyɛ shi lɛ.

5 Mose 2:25

Kɛjɛ ŋmɛnɛ gbi nɛɛ nɔ lɛ, mahã nyɛhe ŋmiŋmi kɛ gbeyei amɔmɔ mɛi fɛɛ ni yɔɔ jeŋ fɛɛ; amɛaanu nyɛhe, amɛtsui aaafã, ni amɛhe aaakpokpo kɛji atsi nyɛtã.

Yoshua 2:11

Amrɔ nɔŋŋ ni wɔnu saji nɛɛ lɛ, wɔtsui fã, ni shi ofɔ̃ shi nuu fɛɛ nuu nɔ yɛ nyɛhewɔ, ejaakɛ Yehowa, nyɛNyɔŋmɔ lɛ, lɛ ji ŋwɛi ni yɔɔ shɔŋŋ lɛ kɛ shikpɔŋ ni yɔɔ ŋwɛi shishi lɛ nɔ Nyɔŋmɔ.

Yoshua 2:9

ni eyakɛɛ amɛ akɛ, “Mile akɛ Yehowa kɛ shikpɔŋ nɛɛ ehã nyɛ, ni nyɛhe ŋmiŋmi emɔmɔ wɔmaŋbii fɛɛ, ni shikpɔŋ lɛ nɔ bii fɛɛ ejijaa yɛ nyɛhewɔ;

1 Samuel 25:8

Bo lɛ bi oblahii lɛ, ni amɛbaagba bo. No hewɔ lɛ, ofainɛ, kwɛmɔ miblahii lɛ ahiɛ, ejaakɛ wɔba yɛ gbi kpakpa nɔ be ni ooŋmɛ okplɔ̃. Ofainɛ, ohã otsuji nɔ fɛɛ nɔ ni oyɔɔ yɛ onine nɔ lɛ eko koni okɛmaje obi David.”