Ester 8:15 - ŊMALƐ KRƆŊKRƆŊ LƐ

¹⁵ Mɔdekai je maŋtsɛ lɛ hiɛ etee, ni ewo maŋtsɛ atade ni akɛ mama bluu kɛ mama yɛŋ ekpɛ, kɛ enɔ atade wuyaa ni akɛ klala yɛŋ kɛ kuŋtu tsuru faa kpɛ. Shika akekre agbo fi eyitso. Susa maŋ lɛ nya ni amɛna miishɛɛ.

Ṅmãle̱ Kroṅkroṅ Le̱

¹⁵ Ni Mordekai dše maṅtše̱ le̱ hĩe edše kpo, ní ewo maṅtše̱ atade, blū ke̱ eye̱ṅ, ke̱ šika akekre kpeteṅkple, ke̱ klala fe̱fe̱o ke̱ mama tšuru atade yū; ní Šušan maṅ le̱ nyá ni ame̱ná mīše̱.

Ester 8:15 ပူးပေါင်းရင်းမြစ်များ

1 Mose 41:42

Kɛkɛ ni Farao jie ewolonaasɔomɔ ga lɛ yɛ ewao, ni ekɛwo Yosef wao; ewula lɛ kɛ klala fɛɛfɛo atadei ni ekɛ shika kɔsɔŋkɔsɔ ŋmɛ ekuɛ.

Ester 1:6

Bɔ ni awula kpo teŋ lɛ mli ahã nɛ. Akɛ tɛi eŋɔlii kɛ tɛi yɛji kɛ tɛi bluu kɛ tɛi diji eka kpo lɛ nɔ; ni akɛ tɛi yɛji akulashiŋi emamɔ tɛi ni aka lɛ anɔ. Jwiɛtɛi gai yɛ akulashiŋi nɛɛ ahe. Akɛ kpãa yɛŋ fɛɛfɛo kɛ kpãa afaseo emɔmɔ mamai yɛji fɛɛfɛji kɛ mamai bluu lɛ hu anaa; kɛkɛ ni akɛŋmɔlɔ jwiɛtɛi akulashiŋi lɛ ahe gai lɛ, ni ehã mamai lɛ tsotsoro shi. Mlikpãmɔ saatsei pɛmpɛbii ni akɛ shika kɛ jwiɛtɛi fee mamɔ kpo teŋ lɛ mli hei komɛi.

Ester 10:2

He ni egbojee shɛ kɛ nibii ni etsu yɛ ehewalɛ kɛ enyɛmɔ naa, kɛ he ni ewo Mɔdekai nɔ grɔŋŋ kɛyashɛ lɛ aŋmala fɛɛ yɛ Media kɛ Persia Maŋtsɛmɛi Ayinɔ Saji Awolo lɛ mli.

Ester 3:15

Bɔfoi lɛ kɛ woji lɛ shi kɛ foi yɛ maŋtsɛ lɛ fãmɔ naa kɛtee shikpɔji lɛ anɔ. Ashiɛ akpɔ lɛ yɛ Susa ni ji maŋtsɛmaŋ lɛ mli hu. Kɛkɛ ni Maŋtsɛ Ahashwerosh kɛ Haman ho tara shi ni amɛnu dãa, be mli ni akpɔ lɛ ehã Susa maŋ lɛ fɛɛ ejijaa lɛ.

Ester 5:1

Be ni Ester ehi ŋmãa gbii etɛ̃ lɛ ekɔlɔ emaŋnyɛ atadei lɛ ewo, kɛkɛ ni ebote maŋtsɛ we lɛ mli, ni etee eyadamɔ maŋtsɛ we lɛ mligbɛ kpo lɛ nɔ yɛ maŋtsɛ lɛ asa lɛ ŋlɛnɔ. Nakai be mli lɛ maŋtsɛ lɛ yɛ asa lɛ nɔ. Eta emaŋtsɛ sɛi lɛ nɔ, ni ehiɛ miikwɛ asa lɛ shinaa lɛ naagbɛ.

Ester 5:11

Haman kɛ enii ni eyɔɔ kɛ emusuŋbii ayifalɛ kɛ bɔ ni maŋtsɛ lɛ ewo enɔ grɔŋŋ kɛ bɔ ni ehiɛ hewalɛ fe lumɛi kɛ maŋtsɛ tsuji lɛ fɛɛ ateŋ eko fɛɛ eko lɛ shi ehe nɔ etsɔ̃ɔ amɛ.

Ester 6:11

No hewɔ lɛ, Haman ŋɔ atade lɛ kɛ okpɔŋɔ lɛ kɛtee. Ekɛ atade lɛ yawula Mɔdekai, ni ehã ekwɔ eta okpɔŋɔ lɛ nɔ, ni eta nɔ kɛfo blohuiaŋ yɛ maŋ lɛ mli, ni Haman bɔ oshe kɛnyiɛ Mɔdekai hiɛ ekɛɛ akɛ, “Naa, bɔ ni afeɔ ahãa mɔ ni Maŋtsɛ miisumɔ akɛ ewo ehiɛ nyam lɛ nɛ!”

Ester 6:8

Maŋtsɛ ahã akɔlɔ maŋtsɛ atadei ni maŋtsɛ woɔ daa lɛ ekomɛi, ni aŋɔ okpɔŋɔ ni maŋtsɛ eta nɔ dã, ni akɛ maŋtsɛ akekre afata he.

Ester 8:14

Kɛkɛ ni okpɔŋɔnɔtalɔi ho tara maŋtsɛ lɛ diɛŋtsɛ okpɔŋɔi komɛi anɔ, yɛ maŋtsɛ lɛ famɔ naa, ni amɛhe fee oya amɛkɛ woji lɛ tee. Ashiɛ akpɔ nɛɛ yɛ Susa ni ji maŋtsɛmaŋ lɛ hu mli.

Abe̱i 11:10

Kɛji nɔ fɛɛ nɔ tee nɔ jogbaŋŋ hã jalɔ lɛ maŋ fɛɛ nyaa; ni kɛji mɛi fɔ̃ji ahiɛ kpãtã lɛ, maŋ fɛɛ bɔɔ oshe kɛ miishɛɛ.

Abe̱i 28:12

Kɛ jalɔi ye kunim lɛ, eyɛ nyam naakpa; shi kɛ mɛi fɔ̃ji wo amɛhe nɔ lɛ, mɛi teeteɔ amɛhe.

Abe̱i 29:2

Kɛji jalɔi miiye maŋ nɔ lɛ, maŋbii lɛ nyaa; shi kɛji mɛi fɔ̃ji miiye nɔ lɛ, maŋbii lɛ dɔ̃mɔɔ ŋtsɔi.

Mateo 11:8

Aloo mɛni kwɛmɔ nyɛtee? Gbɔmɔ ni woɔ atade bɔdɔɔ? Naa, mɛi ni woɔ atade bɔdɔɔ lɛ, maŋtsɛmɛi awei amɛyɔɔ.

Mateo 6:29

Shi miikɛɛ nyɛ akɛ, Solomon kɛ enunyam lɛ fɛɛ tete ewulaaa tamɔ enɛɛmɛi ateŋ ekome.

Luka 16:19

“Nuu niiatsɛ ko ni yɔɔ, ni ewoɔ atade tsuru kɛ atade yɛŋ fɛɛfɛo, ni ekɛ ŋɔɔmɔnii kpakpai ayeli naa tsuijurɔ daa gbi.