Ester 8:10 - ŊMALƐ KRƆŊKRƆŊ LƐ

¹⁰ Mɔdekai hã aŋmala woji lɛ yɛ Maŋtsɛ Ahashwerosh gbɛi mli, ni akɛ maŋtsɛ lɛ wolonaasɔomɔ ga lɛ sɔo amɛnaa. Kɛkɛ ni ekɛ woji lɛ tsu bɔfoi ni tara maŋtsɛ lɛ okpɔŋɔi ni afoijee naa wa lɛ ekomɛi anɔ kɛtee.

Ṅmãle̱ Kroṅkroṅ Le̱

¹⁰ Ni eṅmã ye̱ maṅtše̱ Ahašweroš gbe̱i ano̱, ni eke̱ maṅtše̱ le̱ wolonāso̱omo̱ga le̱ so̱o nā, ni eke̱ wodši le̱ tšũtšũ bo̱foi ní he yo̱ oyá ni trá okpo̱ṅo̱ĩ ke̱ tedšiokpo̱ṅo̱i ní he yo̱ oyá ni dši okpo̱ṅo̱yei abii ano̱,

Ester 8:10 ပူးပေါင်းရင်းမြစ်များ

1 Maŋtsɛmɛi 21:8

Kɛkɛ ni Yezebel ŋma woji yɛ Ahab gbɛi mli, ni ekɛ Ahab wolonaasɔomɔnɔ lɛ sɔo woji lɛ anaa, kɛkɛ ni ekɛmaje Yezreel maŋ onukpai kɛ abladei ni kɛ Nabot yɔɔ jɛi lɛ.

1 Maŋtsɛmɛi 4:28

Amɛkɛ akoko kɛ jwɛi hu ni akɛbaahã okpɔŋɔi kɛ kooloi krokomɛi lɛ fɛɛ baa, bɔ ni afo tɛ ahã amɛ lɛ.

2 Kronika 30:6

No hewɔ lɛ, maŋtsɛ lɛ kɛ maŋ onukpai lɛ ŋmala woji, ni amɛkɛtsu bɔfoi kɛtee Israel kɛ Yuda heihei fɛɛ. Maŋtsɛ lɛ shɛɛ lɛ kɛɛ akɛ, “Israelbii, nyɛkpalea nyɛbaa Yehowa, ni ji Abraham kɛ Isak kɛ Israel Nyɔŋmɔ lɛ ŋɔɔ, ni lɛ hu eeebɛŋkɛ nyɛ, nyɛ mɛi ni nyɛhe je mli, ni Asiria maŋtsɛmɛi lɛ anine eyashɛɛɛ nyɛnɔ koni amɛŋɔ nyɛ nom lɛ.

Ester 8:8

Nyɛbaanyɛ nyɛŋma Yudafoi lɛ nɔ fɛɛ nɔ ni nyɛaasumɔ yɛ sane nɛɛ he yɛ mi, migbɛi mli. Asaŋ nyɛkɛ miwolo naasɔomɔ ga lɛ asɔoa wolo lɛ naa, ejaakɛ wolo ni aŋmã yɛ maŋtsɛ gbɛi mli, asaŋ ni akɛ ewolo naasɔomɔ ga lɛ esɔo naa lɛ, anyɛŋ emli sane lɛ mli afo.”

Hiob 9:25

“Migbii lɛ ahe yɛ oya fe foijolɔ, amɛhoɔ amɛyaa, ni amɛnaaa nɔ kpakpa ko.

Jajelɔ 8:4

Kɛji maŋtsɛ kɛɛ lɛ, akɛɛɛ dɔŋŋ; ni namɔ po baanyɛ lɛ ebi akɛ, “Mɛni po ofeɔ nɛɛ?”

Yesaia 60:6

Yoomai asafo yuu aaabua ohe kutuu, ni ji Midian kɛ Efa yoomai oblahii lɛ. Amɛaatere shika kɛ krɔbɔo kɛaajɛ Sheba kɛaaba; ni mɛi aaagba nɔ ni Yehowa efee lɛ he sane kɛ ŋɔɔmɔ lɛ.

Yesaia 66:20

Ni amɛ kɛ nyɛnyɛmimɛi lɛ fɛɛ ni jɛ jeŋmaji lɛ amli lɛ aaaba akɛ nikee abahã Yehowa. Amɛaatara okpɔŋɔi anɔ kɛ shwiilii kɛ akpakãii amli kɛ teji kɛ yoomai anɔ kɛba Yerusalɛm, migɔŋ krɔŋkrɔŋ lɛ nɔ, taakɛ bɔ ni Israelbii hiɛɔ amɛnikeenii yɛ nibii ni mli tse amli kɛbaa Yehowa we lɛ,” Yehowa kɛɛ.

Yeremia 2:23

Te feɔ tɛŋŋ ni okɛɔ akɛ, ‘Mibuleko mihe, miyajako wɔŋ Baal lɛ?’ Kwɛmɔ ojeŋ ni oba yɛ gɔji ateŋ jɔɔ lɛ mli lɛ, ni ooona ole nɔ ni ofee. Otamɔ ŋaŋ yooma oblayoo ni hiɛ foi kɛmiiya biɛ kɛ biɛ.

Yeremia 51:21

Bo mikɛkumɔɔ okpɔŋɔ kɛ enɔtalɔ lɛ, ni bo mikɛkumɔɔ tayaa shwiilii, ni bo mikɛkumɔɔ shwiilii kɛ kudɔlɔi lɛ.

Daniel 4:1

Maŋtsɛ Nebukadnezar ŋma eyahã mɛi fɛɛ ni yɔɔ majimaji kɛ jakui fɛɛ ni yɔɔ shikpɔŋ muu lɛ fɛɛ nɔ, yɛ amɛwiemɔi amli akɛ, “Nyɛhea omanye!

Daniel 6:8

Agbɛnɛ, Maŋtsɛ, ofainɛ ni owo akpɔ nɛɛ, ni aŋmã awo woloŋ, ni osɔo naa koni etsɔ̃ tamɔ Mediabii kɛ Persiabii amla ni atsakeee hiɛ lɛ.”