Ester 7:8 - ŊMALƐ KRƆŊKRƆŊ LƐ

⁸ Ho ni Haman ho egbee shi yɛ saatso fioo ko ni Ester ta nɔ lɛ naa, koni ekpa lɛ fai pɛ, kɛkɛ ni maŋtsɛ lɛ jɛ maŋtsɛ we lɛ he trom lɛ mli kɛba he ni aŋmɛ okplɔ̃ lɛ yɛ lɛ. Ni ebanina Haman nɛkɛ lɛ ekɛɛ akɛ, “Aso ebaatua maŋnyɛ lɛ yɛ mihiɛ yɛ mi diɛŋtsɛ nɔŋŋ miwe mli lo?” Maŋtsɛ lɛ naa ni nyɔɔ shi nɛkɛ nɔŋŋ kɛkɛ ni piafoi lɛ ha Haman hiɛ.

Ṅmãle̱ Kroṅkroṅ Le̱

⁸ Ke̱ke̱ ni maṅtše̱ le̱ kũ ese̱ ke̱-dše̱ mō̃ le̱ he trom le̱ mli ke̱-ba heni aṅmẽ wein okplõ le̱ ye̱ le̱; ni Haman eho ebu māṅō ní Ester tá no̱ le̱ no̱. Ni maṅtše̱ le̱ kē̱: Aso ebatua maṅnye le̱ ye̱ mihĩe ye̱ šĩa ne̱? Beni wiemo̱ le̱ dše maṅtše̱ le̱ dāṅ pe̱, ke̱ke̱ ní ame̱ha Haman hĩe.

Ester 7:8 ပူးပေါင်းရင်းမြစ်များ

Ester 1:5

Be ni akɛ nibii lɛ etsɔ̃ɔ agbe naa lɛ, Maŋtsɛ Ahashwerosh tsɛ mɛi wujiwuji kɛ mɛi bibii hu fɛɛ ni yɔɔ Susa maŋ lɛ mli nakai beiaŋ lɛ okplɔ̃, gbii kpawo yɛ trom ko ni yɔɔ maŋtsɛ we lɛ he lɛ kpo teŋ lɛ mli.

Ester 1:6

Bɔ ni awula kpo teŋ lɛ mli ahã nɛ. Akɛ tɛi eŋɔlii kɛ tɛi yɛji kɛ tɛi bluu kɛ tɛi diji eka kpo lɛ nɔ; ni akɛ tɛi yɛji akulashiŋi emamɔ tɛi ni aka lɛ anɔ. Jwiɛtɛi gai yɛ akulashiŋi nɛɛ ahe. Akɛ kpãa yɛŋ fɛɛfɛo kɛ kpãa afaseo emɔmɔ mamai yɛji fɛɛfɛji kɛ mamai bluu lɛ hu anaa; kɛkɛ ni akɛŋmɔlɔ jwiɛtɛi akulashiŋi lɛ ahe gai lɛ, ni ehã mamai lɛ tsotsoro shi. Mlikpãmɔ saatsei pɛmpɛbii ni akɛ shika kɛ jwiɛtɛi fee mamɔ kpo teŋ lɛ mli hei komɛi.

Ester 6:12

Kɛkɛ ni Mɔdekai ku esɛɛ kɛba maŋtsɛ koi lɛ shi; shi Haman he fee oya ni eyiŋ kɛtee ewe lɛ kɛ ŋkɔmɔyeli ni eha eyi nɔ.

Ester 7:10

No hewɔ lɛ, atee ni ayasɛŋ Haman moŋ yɛ tso ni ekala akɛ ebaasɛŋ Mɔdekai yɛ nɔ lɛ nɔ. Kɛkɛ ni maŋtsɛ lɛ mlila lɛ jɔ.

Hiob 9:24

Ekɛ je lɛ ewo mɔ fɔŋ dɛŋ; eha enɔ kojolɔi ahiɛ. Kɛjeee Nyɔŋmɔ ni lɛ, namɔ ni mɔ?

Yesaia 22:17

Naa, bo nuu hewalɔ, Yehowa baawo bo eshɛ efɔ̃. Ebaamɔ omli tswɛ, ni eeefɔ̃ bo kɛbɔle yɛ kɔɔyɔŋ,

Yesaia 49:23

Maŋtsɛmɛi aaatsɔmɔ tamɔ tsɛmɛi aha nyɛ, ni maŋnyɛmɛi aaatsɔmɔ tamɔ yei fufɔhalɔi ahã nyɛ. Amɛkɛ amɛhiɛ aaabumɔ shi, amɛaakoto nyɛ, ni amɛaalɛmɔ nyɛnaji ahe mlu. Kɛkɛ lɛ nyɛaana nyɛle akɛ mi ji Yehowa. Mɛi ni hiɛ kã minɔ lɛ, amɛhiɛ gboiŋ.”

Amos 3:12

Yehowa kɛɛ akɛ, “Bɔ ni tookwɛlɔ shɔ̃ɔ too shuɔji enyɔ loo etoi kuku kɛkɛ po yɛ jata daaŋ lɛ, nakai kɛji eshwɛ saatso tso kuku kɛkɛ loo saashwɛ tete akɛbaahere Israelbii ni yɔɔ Samaria lɛ ayiwala.”

Marko 14:65

Ni mɛi komɛi bɔ̃i lajɔ̃fɛɛ kɛ ehe shwiemɔ, ni amɛfi ehiɛ, ni amɛyi lɛ, ni amɛkɛɛ lɛ akɛ, “Gbaa!” Ni tsuji lɛ shwie enɔ kɛ ma.