Ester 6:4 - ŊMALƐ KRƆŊKRƆŊ LƐ

⁴ Maŋtsɛ lɛ bi akɛ, “Namɔ yɔɔ kpo lɛ nɔ lɛ?” No mli nɔŋŋ lɛ Haman ebashɛ maŋtsɛ we lɛ agbonaagbɛ kpo lɛ nɔ, ni eeba ekɛ maŋtsɛ lɛ abawie he koni asɛŋ Mɔdekai yɛ tso ni ehã akla ama shi ahã Mɔdekai sɛŋmɔ lɛ nɔ.

Ṅmãle̱ Kroṅkroṅ Le̱

⁴ Ni maṅtše̱ le̱ kē̱: Namo yo̱ kpo le̱ no̱ le̱? No mli le̱ Haman eba maṅtše̱ we le̱ agbónāgbe̱ kpo le̱ ne̱, eke̱ maṅtše̱ le̱ ba wie, ní ase̱ṅ *Mordekai ye̱ tšo ní emã ehāle̱ le̱ no̱. *5,14.

Ester 6:4 ပူးပေါင်းရင်းမြစ်များ

Ester 4:11

“Mɔ fɛɛ mɔ, nuu ni jio, yoo ni jio, ni eeeya eyanina maŋtsɛ lɛ yɛ ewe lɛ mligbɛ kpo lɛ nɔ trukaa, be mli ni maŋtsɛ lɛ tsuko kɛ mɔ lɛ gbɛi tuuŋtu akɛ atsɛ mɔ lɛ ahã lɛ lɛ, mla ni kã shi ji akɛ abaagbe mɔ lɛ. Mla ni kã shi ni ale kɛjɛ maŋtsɛ tsuji anɔ aahu kɛyashi maŋbii fɛɛ anɔ ji enɛ. Shi kɛji maŋtsɛ lɛ wo eshika tsi lɛ nɔ etsɔ̃ɔ mɔ lɛ hiɛ lɛ no dani mɔ lɛ yi naa wala. Kɛjɛ gbii nyɔŋmai etɛ̃ sɔŋŋ nɛ lɛ, maŋtsɛ lɛ tsuko koni atsɛ mi ahã lɛ.”

Ester 5:1

Be ni Ester ehi ŋmãa gbii etɛ̃ lɛ ekɔlɔ emaŋnyɛ atadei lɛ ewo, kɛkɛ ni ebote maŋtsɛ we lɛ mli, ni etee eyadamɔ maŋtsɛ we lɛ mligbɛ kpo lɛ nɔ yɛ maŋtsɛ lɛ asa lɛ ŋlɛnɔ. Nakai be mli lɛ maŋtsɛ lɛ yɛ asa lɛ nɔ. Eta emaŋtsɛ sɛi lɛ nɔ, ni ehiɛ miikwɛ asa lɛ shinaa lɛ naagbɛ.

Ester 5:14

No hewɔ lɛ, eŋa lɛ kɛ enanemɛi lɛ fɛɛ wo lɛ ŋaa akɛ, “Hã akla tsei ama shi; ekwɔlɛ afee ninetalɔi nyɔŋmai enumɔ. Obi maŋtsɛ lɛ koni asɛŋ Mɔdekai yɛ nɔ wɔ leebi. No sɛɛ lɛ, okɛ maŋtsɛ lɛ aya okplɔ̃ lɛ he kɛ miishɛɛ.” Ŋaa ni awo nɛɛ ŋɔɔ Haman naa; ni no hewɔ lɛ, ehã akla sɛŋmɔtso lɛ ama shi.

Ester 6:3

Kɛkɛ ni maŋtsɛ lɛ bi akɛ, “Mɛni afee akɛwo Mɔdekai hiɛ nyam yɛ nɔ ni etsu nɛɛ hewɔ?” Maŋtsɛ lɛ sɔ̃ɔlɔi ni yɔɔ emasɛi lɛ here nɔ akɛ, “Afeko nɔ ko nɔ ko ahãko lɛ.”

Ester 6:5

No hewɔ lɛ, maŋtsɛ lɛ sɔ̃ɔlɔi lɛ kɛɛ lɛ akɛ, “Haman eshɛ shi, edamɔ kpo lɛ nɔ.” Maŋtsɛ lɛ kɛɛ akɛ, “Hã ni eba mli!”

Ester 7:9

Kɛkɛ ni piafoi ni yɔɔ jɛi lɛ ateŋ mɔ kome ko ni gbɛi ji Harbona lɛ kɛɛ akɛ, “Nii, bɛ Haman ekala tso ni ekwɔlɛ ji ninetalɔi nyɔŋmai enumɔ ema ewe lɛ akɛ ekɛbaasɛŋ Mɔdekai mɔ ni here oyiwala lɛ.” Kɛkɛ ni maŋtsɛ lɛ fã akɛ, “Nyɛyasɛŋa lɛ yɛ nɔ!”

Hiob 5:13

Ekɛ ŋaatsɔlɔi nɔŋŋ aŋaa duɔ amɛ, ni efiteɔ mɛi fɔ̃ji ayiŋtoi fɔ̃ji lɛ.

Lalai 2:4

Mɔ ni ta ŋwɛi lɛ miiŋmɔ Nuŋtsɔ lɛ miiye amɛhe fɛo po; ni eyeɔ amɛhe fɛo hu.

Lalai 33:19

Yehowa aaajie amɛ kɛaaje gbele mli, ni eeehã amɛyi ana wala yɛ hɔmɔ be mli.

Jajelɔ 9:10

Nɔ fɛɛ nɔ tsumɔ ni ooomɔ mli lɛ, tsu kɛ onyɛmɔ fɛɛ, ejaakɛ gbohiiaje he ni oyaa lɛ, nɔ ni atsɛɔ lɛ nitsumɔ loo yiŋshwiemɔ loo nilee loo jwɛŋmɔ lɛ eko bɛ jɛi.