Ester 6:12 - ŊMALƐ KRƆŊKRƆŊ LƐ

¹² Kɛkɛ ni Mɔdekai ku esɛɛ kɛba maŋtsɛ koi lɛ shi; shi Haman he fee oya ni eyiŋ kɛtee ewe lɛ kɛ ŋkɔmɔyeli ni eha eyi nɔ.

Ṅmãle̱ Kroṅkroṅ Le̱

¹² Ni Mordekai kū ese̱ ke̱-ba maṅtše̱ koi le̱ ši ekoṅ; ši Haman he fe oyá ni eyiṅ ete ewe le̱ ke̱ ṅko̱mo̱yeli, ni eha eyi no̱.

Ester 6:12 ပူးပေါင်းရင်းမြစ်များ

2 Samuel 15:30

Maŋtsɛ David kwɔ Mu Gɔŋ lɛ ni yaafonu jwere ehiɛ, ni eha eyiteŋ, ni asaŋ enyiɛ enane folo. Ni esɛɛbii lɛ ateŋ mɔ fɛɛ mɔ ni kɛ lɛ nyiɛ lɛ hu eha eyiteŋ; ni be ni amɛyaa lɛ amɛmiifo.

2 Samuel 17:23

Be ni Ahitofel na akɛ ayeee ŋaa ni ewo lɛ nɔ lɛ, ewo eteji nɔ nii, kɛkɛ ni eshi kɛtee emaŋ; ni be ni eto enibii fɛɛ gbɛjianɔ lɛ, eyawo esɛ̃ kpãa, ni egbe ehe. Afu lɛ yɛ etsɛ gbonyo fuuhe lɛ mli.

1 Maŋtsɛmɛi 20:43

Maŋtsɛ Ahab yiŋ etee ewe yɛ Samaria be mli ni efee gblinii, asaŋ ni ehao hu.

1 Maŋtsɛmɛi 21:4

Ahab ku esɛɛ etee ewe lɛ ni efee gblinii, ni emli ewo la yɛ wiemɔ ni Nabot, Yezreelnyo lɛ, kɛ lɛ wie lɛ hewɔ; ejaakɛ ekɛɛ akɛ. “Mikɛ mitsɛmɛi agboshinii lɛ haŋ bo.” Eho ekã esaa nɔ, ni etsɔ̃ ehiɛ ehã gbogbo, ni ekpɛlɛ̃ɛɛ niyeli.

1 Maŋtsɛmɛi 21:6

Ahab here nɔ, ni ekɛɛ, “Ejaakɛ mikɛ Nabot, Yezreelnyo lɛ, wie ni mikɛɛ lɛ akɛ, ‘Ŋɔɔ owaintrom lɛ ohã mi, ni mahe, aloo kɛji oosumɔ lɛ mikɛ waintrom kroko aaato bo no najiaŋ.’ Shi ekɛɛ mi akɛ, mikɛ miwaintrom lɛ hãaa bo.”

2 Kronika 26:20

Be ni Azaria kɛ osɔfoi krokomɛi lɛ na hewolo nɔ hela kplitsaa lɛ ni shwie Uzia hiɛnaa lɛ, amɛtsirɛ eyisɛɛ akɛ eshi Sɔlemɔtsu lɛ mli. Ni lɛ diɛŋtsɛ po ehe fee oya ni eje kpo ejaakɛ Yehowa egbala etoi.

Ester 2:19

Be ko hu be ni abua oblayei lɛ anaa ekoŋŋ nɔ ni ji shii enyɔ nɔ ahã maŋtsɛ lɛ, no mli lɛ Mɔdekai shi maŋtsɛ koishi onukpai lɛ anɔ.

Ester 6:11

No hewɔ lɛ, Haman ŋɔ atade lɛ kɛ okpɔŋɔ lɛ kɛtee. Ekɛ atade lɛ yawula Mɔdekai, ni ehã ekwɔ eta okpɔŋɔ lɛ nɔ, ni eta nɔ kɛfo blohuiaŋ yɛ maŋ lɛ mli, ni Haman bɔ oshe kɛnyiɛ Mɔdekai hiɛ ekɛɛ akɛ, “Naa, bɔ ni afeɔ ahãa mɔ ni Maŋtsɛ miisumɔ akɛ ewo ehiɛ nyam lɛ nɛ!”

Ester 7:8

Ho ni Haman ho egbee shi yɛ saatso fioo ko ni Ester ta nɔ lɛ naa, koni ekpa lɛ fai pɛ, kɛkɛ ni maŋtsɛ lɛ jɛ maŋtsɛ we lɛ he trom lɛ mli kɛba he ni aŋmɛ okplɔ̃ lɛ yɛ lɛ. Ni ebanina Haman nɛkɛ lɛ ekɛɛ akɛ, “Aso ebaatua maŋnyɛ lɛ yɛ mihiɛ yɛ mi diɛŋtsɛ nɔŋŋ miwe mli lo?” Maŋtsɛ lɛ naa ni nyɔɔ shi nɛkɛ nɔŋŋ kɛkɛ ni piafoi lɛ ha Haman hiɛ.

Hiob 20:5

akɛ efɔŋfeelɔi anyamɔ sɛɛ etsɛɛɛ, ni mɛi ni sheee Nyɔŋmɔ gbeyei amiishɛɛ yeɔ hiŋmɛitswaa kɛkɛ!

Hiob 9:24

Ekɛ je lɛ ewo mɔ fɔŋ dɛŋ; eha enɔ kojolɔi ahiɛ. Kɛjeee Nyɔŋmɔ ni lɛ, namɔ ni mɔ?

1 Samuel 3:15

Kɛkɛ ni Samuel ho ekã shi kɛyashi je tsɛre ni egbele Yehowa we lɛ shinai lɛ. Samuel she he gbeyei akɛ eeegba Eli ninaa lɛ.