Ester 6:10 - ŊMALƐ KRƆŊKRƆŊ LƐ

¹⁰ Kɛkɛ ni maŋtsɛ lɛ kɛɛ Haman akɛ, “Ohe afee oya, koni oŋɔ atade kɛ okpɔŋɔ lɛ, ni oyafee bɔ ni okɛɛ lɛ pɛpɛɛpɛ ohã Mɔdekai, Yudanyo lɛ, ni taa maŋtsɛ koi lɛ shi lɛ. Okashi nɔ ko ni otsɔ̃ɔ akɛ afee lɛ ekoeko.”

Ṅmãle̱ Kroṅkroṅ Le̱

¹⁰ Ke̱ke̱ ni maṅtše̱ le̱ kē̱ Haman ake̱: Ohe afe oyá, ni oṅõ atade ke̱ okpo̱ṅo̱ le̱, take̱ bo̱ni okē̱ le̱, ni oyafe nakai ohã Mordekai, Iudanyo le̱, ní táa maṅtše̱ koi le̱ ši le̱; kāšĩ nii ní otši tã le̱ fẽ mli ekomeflo!

Ester 6:10 ပူးပေါင်းရင်းမြစ်များ

2 Maŋtsɛmɛi 10:10

Agbɛnɛ nyɛnaa nyɛlea akɛ Yehowa wiemɔ ni ewie yɛ Ahab we lɛ he lɛ, emli ekome folo efeŋ yaka, ejaakɛ Yehowa efee nɔ ni etsɔ̃ etsulɔ Elia nɔ ewie lɛ.”

Ester 6:11

No hewɔ lɛ, Haman ŋɔ atade lɛ kɛ okpɔŋɔ lɛ kɛtee. Ekɛ atade lɛ yawula Mɔdekai, ni ehã ekwɔ eta okpɔŋɔ lɛ nɔ, ni eta nɔ kɛfo blohuiaŋ yɛ maŋ lɛ mli, ni Haman bɔ oshe kɛnyiɛ Mɔdekai hiɛ ekɛɛ akɛ, “Naa, bɔ ni afeɔ ahãa mɔ ni Maŋtsɛ miisumɔ akɛ ewo ehiɛ nyam lɛ nɛ!”

Ester 6:9

Atu atadei kɛ okpɔŋɔ lɛ awo maŋtsɛ lumɛi onukpai lɛ ateŋ mɔ kome dɛŋ koni ekɛwula nuu lɛ ni Maŋtsɛ sumɔɔ akɛ ewo ehiɛ nyam lɛ. Nuu nɛɛ ni awoɔ ehiɛ nyam lɛ ata okpɔŋɔ lɛ nɔ kɛfo blohuiaŋ yɛ maŋ lɛ mli be mli ni onukpa lɛ nyiɛ ehiɛ. Abɔ oshe kɛnyiɛ gbɔmɔ nɛɛ hiɛ akɛ, ‘Nɛkɛ abaafee ahã mɔ ni maŋtsɛ miisumɔ akɛ ewo ehiɛ nyam lɛ nɛ.’ ”

Lalai 31:24

Nyɛ mɛi fɛɛ ni nyɛhiɛ kã Yehowa nɔ lɛ, nyɛwajea nyɛhe, ni nyɛfea ekãa.

Daniel 4:37

“No hewɔ lɛ, mi, Nebukadnezar, miijie Ŋwɛi Maŋtsɛ lɛ yi, ni miiwo lɛ, ni miiwo ehiɛ nyam. Nɔ fɛɛ nɔ ni efeɔ hi, ni eja hu, ni mɔ fɛɛ mɔ ni woɔ ehe nɔ lɛ, enyɛɔ ebaa mɔ lɛ shi.”

Luka 14:11

Ejaakɛ mɔ fɛɛ mɔ ni woɔ ehe nɔ lɛ, aaaba lɛ shi, ni mɔ ni baa ehe shi lɛ, aaawo enɔ.”

Kpojiemɔ 18:7

Bɔ ni ewo lɛ diɛŋtsɛ ehiɛ nyam ni ebɔ nyɛnyɛŋtswi lɛ, nakai bɔ nɔŋŋ nyɛhãa epiŋmɔ kɛ ewerɛhoo lɛ afaa; ejaakɛ ekɛɔ yɛ etsui mli akɛ, ‘Mita shi akɛ maŋnyɛ, ni mijeee okulafo, ni minaŋ awerɛhoo.’