Ester 5:9 - ŊMALƐ KRƆŊKRƆŊ LƐ

⁹ Haman shi maŋtsɛ we lɛ gbi lɛ kɛ miishɛɛ kɛ mliflimɔ. Shi be ni ena Mɔdekai yɛ maŋtsɛ koi lɛ shi, ni Mɔdekai eteee shi ehãaa lɛ, asaŋ ni ehe hu kpokpooo lɛ, Haman mli wo Mɔdekai la naakpa.

Ṅmãle̱ Kroṅkroṅ Le̱

⁹ Ke̱ke̱ ni Haman dše kpo nakai gbĩ le̱ ke̱ nyã́mo̱ ke̱ mliflimo̱. Ši beni Haman na Mordekai ye̱ maṅtše̱ koi le̱ ši ake̱ etee ši ehããle̱, ni asaṅ etšii ehe tete, Haman mli wo Mordekai la naakpa.

Ester 5:9 ပူးပေါင်းရင်းမြစ်များ

1 Maŋtsɛmɛi 21:4

Ahab ku esɛɛ etee ewe lɛ ni efee gblinii, ni emli ewo la yɛ wiemɔ ni Nabot, Yezreelnyo lɛ, kɛ lɛ wie lɛ hewɔ; ejaakɛ ekɛɛ akɛ. “Mikɛ mitsɛmɛi agboshinii lɛ haŋ bo.” Eho ekã esaa nɔ, ni etsɔ̃ ehiɛ ehã gbogbo, ni ekpɛlɛ̃ɛɛ niyeli.

1 Maŋtsɛmɛi 21:6

Ahab here nɔ, ni ekɛɛ, “Ejaakɛ mikɛ Nabot, Yezreelnyo lɛ, wie ni mikɛɛ lɛ akɛ, ‘Ŋɔɔ owaintrom lɛ ohã mi, ni mahe, aloo kɛji oosumɔ lɛ mikɛ waintrom kroko aaato bo no najiaŋ.’ Shi ekɛɛ mi akɛ, mikɛ miwaintrom lɛ hãaa bo.”

Ester 2:19

Be ko hu be ni abua oblayei lɛ anaa ekoŋŋ nɔ ni ji shii enyɔ nɔ ahã maŋtsɛ lɛ, no mli lɛ Mɔdekai shi maŋtsɛ koishi onukpai lɛ anɔ.

Ester 3:2

Maŋtsɛ Ahashwerosh fã akɛ etsuji fɛɛ ni yɔɔ esɔ̃ɔmɔ mli lɛ akula shi ni amɛkoto Haman be fɛɛ be. Tsuji lɛ fɛɛ fee nakai, ja Mɔdekai pɛ ni kotooo Haman.

Ester 3:5

Ni be ni Haman na akɛ Mɔdekai kulãaa shi haaa lɛ, ni ekotooo lɛ lɛ, Haman mli fu naakpa.

Ester 5:13

Shi kɛ̃lɛ enɛɛmɛi fɛɛ asɛɛ lɛ, gbii abɔ ni minaa Mɔdekai Yudanyo lɛ ta maŋtsɛ koi shi lolo lɛ mitsui etɔɔɔ.”

Hiob 20:5

akɛ efɔŋfeelɔi anyamɔ sɛɛ etsɛɛɛ, ni mɛi ni sheee Nyɔŋmɔ gbeyei amiishɛɛ yeɔ hiŋmɛitswaa kɛkɛ!

Hiob 31:31

Mishĩaŋbii ekɛŋ akɛ, ‘Wɔteŋ namɔ yeko edɛŋ niyenii etɔko dã?’

Lalai 15:4

Mɔ ni nyɛɔ mɛi fɛɛ ni Nyɔŋmɔ ekwa amɛ, shi moŋ ewoɔ mɛi ni sheɔ Yehowa gbeyei lɛ ahiɛ nyam; mɔ ni kɛ ekã kitã ni eeena amane yɛ he po lɛ, etsakeee.

Lalai 27:3

Kɛji asafo ko gba ta ewo mi po, mitsui efaŋ. Kɛji ta te shi wo mi tete lɛ, no mli po lɛ, mana ekãa.

Daniel 3:13

Maŋtsɛ Nebukadnezar kɛ mlifu kɛ mlila fã akɛ ayaŋɔ Shadrak kɛ Meshak kɛ Abednego kɛba; ni ayaŋɔ gbɔmɛi nɛɛ kɛba maŋtsɛ lɛ hiɛ.

Mateo 10:28

Ni nyɛkashea mɛi ni gbeɔ gbɔmɔtso lɛ ni amɛnyɛɛɛ susuma lɛ amɛgbe lɛ gbeyei; shi moŋ nyɛshea mɔ ni nyɛɔ susuma kɛ gbɔmɔtso fɛɛ hiɛ ekpãtãa yɛ abonsamiiaje lɛ gbeyei.

Mateo 2:16

Agbɛnɛ be ni Herode na akɛ nilelɔi lɛ yeee lɛ anɔkwa lɛ, emli fu waa, ni etsu ayagbe gbekɛbii hii fɛɛ ni yɔɔ Betlehem kɛ jɛi niiaŋ fɛɛ, mɛi ni eye afii enyɔ kɛ mɛi ni yeko nakai lɛ, kɛji abu kɛjɛ be ni ebi nilelɔi lɛ sane lɛ fitsofitso lɛ.

Luka 6:25

“Kpoo hã nyɛ mɛi ni nyɛtɔrɔ amrɔ nɛɛ! Ejaakɛ hɔ̃mɔ aaaye nyɛ. “Kpoo hã nyɛ mɛi ni nyɛŋmɔɔ amrɔ nɛɛ! Ejaakɛ nyɛaaye ŋkɔmɔ ni nyɛaafofoi.

Yohane 16:20

Anɔkwale mikɛɔ nyɛ akɛ, nyɛ lɛ nyɛbaafo ni nyɛbaawo yara, shi je lɛ baanya; nyɛ lɛ nyɛbaaye ŋkɔmɔ, shi nyɛkɔmɔyeli lɛ aaatsɔ̃ miishɛɛ.

Bɔfoi 7:54

Shi be ni amɛnu nɛkɛ wiemɔi nɛɛ lɛ, etsurɔ amɛtsuiiaŋ, ni amɛkpe amɛnyanyɔji ashishi kɛ mlifu.

Yakobo 4:9

Nyɛwerɛ ahoa nyɛhe ni nyɛyea ŋkɔmɔ ni nyɛfoa. Nyɛŋmɔlɔ lɛ atsɔ̃ ŋkɔmɔyeli, ni nyɛmiishɛɛ hu atsɔ̃ gbliniifeemɔ.