Ester 5:2 - ŊMALƐ KRƆŊKRƆŊ LƐ

² Be ni maŋtsɛ lɛ na Maŋnyɛ Ester damɔ kpo lɛ nɔ lɛ, ena maŋnyɛ lɛ he tsuijurɔ, kɛkɛ ni ekpã enine mli ni ekɛ shika tsi ni ehiɛ lɛ tsɔ̃ɔ Ester hiɛ. Ester tsi ebɛŋkɛ maŋtsɛ lɛ, ni ekɛ enine ta tsi lɛ (yitso lɛ) he.

Ṅmãle̱ Kroṅkroṅ Le̱

² Ni eba mli ake̱, beni maṅtše̱ le̱ na maṅnye Ester damo̱ kpo le̱ no̱ le̱, ehīe ba nyam ye̱ ehĩe, ni maṅtše̱ le̱ *wó šika maṅtše̱tšo le̱ ní ehĩe le̱ ne̱ etšõ Ester. Ke̱ke̱ ni Ester tši be̱ṅke̱, ni eke̱ enine bata maṅtše̱tšo le̱ nābu. *4,11; 8,4.

Ester 5:2 ပူးပေါင်းရင်းမြစ်များ

1 Mose 32:28

Nuu lɛ kɛɛ lɛ akɛ, “Atsɛŋ bo Yakob dɔŋŋ, shi Israel aaatsɛ bo, ejaakɛ okɛ Nyɔŋmɔ kɛ gbɔmɛi eshi mple, ni oye kunim.”

Nehemia 1:11

Oo Nuŋtsɔ, ka otoi ohã fai ni otsulɔ kpaa bo lɛ. Ka toi ohã fai ni otsuji ni sumɔɔ akɛ amɛshe bo gbeyei lɛ kpaa bo lɛ. Hã otsulɔ aye omanye ŋmɛnɛ gbi nɛɛ, ni hã maŋtsɛ lɛ ana mi mɔbɔ.” Nɛkɛ bei nɛɛ amli lɛ, maŋtsɛ lɛ dãawolɔ ji mi.

Ester 2:9

Ester hiɛ ba nyam yɛ Hegai hiɛ. No hewɔ lɛ, etsɛɛɛ kwraa kɛkɛ ni Hegai kɛ mui kɛ niyenii kpakpai kuma Ester. Fee sɛɛ lɛ Hegai jie Ester ni ekɛ lɛ yato yei awe lɛ mli he ko ni hi fe fɛɛ lɛ, ni eje gbɛ hu ehala oblayei kpawo yɛ maŋtsɛ we lɛ mli ablawai lɛ ateŋ, ni ekɛ amɛ to Ester he koni amɛsɔmɔ lɛ.

Ester 4:11

“Mɔ fɛɛ mɔ, nuu ni jio, yoo ni jio, ni eeeya eyanina maŋtsɛ lɛ yɛ ewe lɛ mligbɛ kpo lɛ nɔ trukaa, be mli ni maŋtsɛ lɛ tsuko kɛ mɔ lɛ gbɛi tuuŋtu akɛ atsɛ mɔ lɛ ahã lɛ lɛ, mla ni kã shi ji akɛ abaagbe mɔ lɛ. Mla ni kã shi ni ale kɛjɛ maŋtsɛ tsuji anɔ aahu kɛyashi maŋbii fɛɛ anɔ ji enɛ. Shi kɛji maŋtsɛ lɛ wo eshika tsi lɛ nɔ etsɔ̃ɔ mɔ lɛ hiɛ lɛ no dani mɔ lɛ yi naa wala. Kɛjɛ gbii nyɔŋmai etɛ̃ sɔŋŋ nɛ lɛ, maŋtsɛ lɛ tsuko koni atsɛ mi ahã lɛ.”

Ester 8:4

Maŋtsɛ lɛ kpã enine mli ni ekɛ tsi ni ehiɛ lɛ tsɔ̃ɔ Ester hiɛ. No hewɔ lɛ, Ester te shi edamɔ maŋtsɛ lɛ hiɛ,

Lalai 116:1

Miisumɔ Yehowa, ejaakɛ ebo migbee kɛ mifaikpamɔ lɛ toi.

Abe̱i 21:1

Maŋtsɛ tsui lɛ etamɔ faa ni hoɔ yɛ Yehowa dɛŋ. Etsɔ̃mɔɔ lɛ bɔ ni lɛ diɛŋtsɛ esumɔɔ.

Bɔfoi 10:4

Ni ekwɛ lɛ gãa ni eshe gbeyei ni ekɛɛ; “Mɛni, Nuŋtsɔ?” Ni ekɛɛ lɛ akɛ, “Osɔlemɔi kɛ onijuji ni ofeɔ lɛ eshɛ ŋwɛi ni efee kaimɔnɔ yɛ Nyɔŋmɔ hiɛ.

Bɔfoi 7:10

ni ejie lɛ yɛ emanehului fiaa mli, ni ehã ehiɛ ba nyam, ni efee nilelɔ yɛ Ijipt maŋtsɛ Farao hiɛ, ni ewo lɛ lumɔ yɛ Ijipt kɛ lɛ diɛŋtsɛ ewe lɛ fɛɛ nɔ.