Ester 5:1 - ŊMALƐ KRƆŊKRƆŊ LƐ

¹ Be ni Ester ehi ŋmãa gbii etɛ̃ lɛ ekɔlɔ emaŋnyɛ atadei lɛ ewo, kɛkɛ ni ebote maŋtsɛ we lɛ mli, ni etee eyadamɔ maŋtsɛ we lɛ mligbɛ kpo lɛ nɔ yɛ maŋtsɛ lɛ asa lɛ ŋlɛnɔ. Nakai be mli lɛ maŋtsɛ lɛ yɛ asa lɛ nɔ. Eta emaŋtsɛ sɛi lɛ nɔ, ni ehiɛ miikwɛ asa lɛ shinaa lɛ naagbɛ.

Ṅmãle̱ Kroṅkroṅ Le̱

¹ Ni eba mli ake̱ gbĩ ní dši gbĩ etẽ le̱ no̱ le̱ Ester wo emaṅnye atadei, ni eyadamo̱ maṅtše̱ we le̱ mligbe̱ kpo le̱ no̱, ye̱ maṅtše̱ we le̱ ṅe̱le̱no̱; ni maṅtše̱ le̱ tá emaṅtše̱sẽi le̱ no̱ ye̱ maṅtše̱we le̱ šĩa le̱ nāgbe̱ le̱ ṅe̱le̱no̱.

Ester 5:1 ပူးပေါင်းရင်းမြစ်များ

Ester 1:11

Kɛkɛ ni efã amɛ akɛ amɛya koni amɛyaŋɔ Maŋnyɛ Vashti kɛba ehiɛ; ebu emaŋnyɛ fai lɛ kɛba. Anɔkwa emaŋnyɛ lɛ he yɛ fɛo jogbaŋŋ, ni Maŋtsɛ Ahashwerosh miitao akɛ egbɔi lɛ ana emaŋnyɛ lɛ he fɛo lɛ.

Ester 2:5

Nakai be mli lɛ Yudanyo ko yɛ Susa, maŋtsɛmaŋ lɛ mli, ni atsɛɔ lɛ Mɔdekai. Benyaminnyo Yair bi ji lɛ, ni efeɔ Shimei nabi kɛ Kish nanakansowa.

Ester 4:11

“Mɔ fɛɛ mɔ, nuu ni jio, yoo ni jio, ni eeeya eyanina maŋtsɛ lɛ yɛ ewe lɛ mligbɛ kpo lɛ nɔ trukaa, be mli ni maŋtsɛ lɛ tsuko kɛ mɔ lɛ gbɛi tuuŋtu akɛ atsɛ mɔ lɛ ahã lɛ lɛ, mla ni kã shi ji akɛ abaagbe mɔ lɛ. Mla ni kã shi ni ale kɛjɛ maŋtsɛ tsuji anɔ aahu kɛyashi maŋbii fɛɛ anɔ ji enɛ. Shi kɛji maŋtsɛ lɛ wo eshika tsi lɛ nɔ etsɔ̃ɔ mɔ lɛ hiɛ lɛ no dani mɔ lɛ yi naa wala. Kɛjɛ gbii nyɔŋmai etɛ̃ sɔŋŋ nɛ lɛ, maŋtsɛ lɛ tsuko koni atsɛ mi ahã lɛ.”

Ester 4:16

“Yaa ni oyabua Yudafoi ni yɔɔ Susa maŋ lɛ mli fɛɛ anaa kɛkpe; ni nyɛhia ŋmãa, ni nyɛsɔlea nyɛhãa mi. Nyɛkayea nii, ni nyɛkanua nu hu shwaneshwane kɛ nyɔɔŋnyɔɔŋ gbii etɛ̃. Mi hu mi kɛ miblayei lɛ baahi ŋmãa nakai nɔŋŋ. Enɛ sɛɛ lɛ mibaya mayana maŋtsɛ lɛ, tsɛbelɛ mla eŋmɛɛɛ gbɛ nakai. Kɛji miyagbo yɛ no hewɔ po jiŋŋ efeee nɔ ko.”

Ester 4:17

Kɛkɛ ni Mɔdekai yiŋ etee, ni eyafee bɔ ni Ester kɛɛ eyafee lɛ pɛpɛɛpɛ.

Ester 6:4

Maŋtsɛ lɛ bi akɛ, “Namɔ yɔɔ kpo lɛ nɔ lɛ?” No mli nɔŋŋ lɛ Haman ebashɛ maŋtsɛ we lɛ agbonaagbɛ kpo lɛ nɔ, ni eeba ekɛ maŋtsɛ lɛ abawie he koni asɛŋ Mɔdekai yɛ tso ni ehã akla ama shi ahã Mɔdekai sɛŋmɔ lɛ nɔ.

Ester 8:15

Mɔdekai je maŋtsɛ lɛ hiɛ etee, ni ewo maŋtsɛ atade ni akɛ mama bluu kɛ mama yɛŋ ekpɛ, kɛ enɔ atade wuyaa ni akɛ klala yɛŋ kɛ kuŋtu tsuru faa kpɛ. Shika akekre agbo fi eyitso. Susa maŋ lɛ nya ni amɛna miishɛɛ.

Mateo 10:16

“Naa miitsu nyɛ tamɔ too Gwantɛŋi yɛ klãji ateŋ; no hewɔ lɛ, nyɛhiɛ atɛ̃a tamɔ onufui, ni nyɛfea kpoo tamɔ okpoi.

Mateo 11:8

Aloo mɛni kwɛmɔ nyɛtee? Gbɔmɔ ni woɔ atade bɔdɔɔ? Naa, mɛi ni woɔ atade bɔdɔɔ lɛ, maŋtsɛmɛi awei amɛyɔɔ.

Mateo 27:64

No hewɔ lɛ, fã ni ayabu bu lɛ he jogbaŋŋ kɛyashi gbi ni ji etɛ̃ lɛ, koni ekaselɔi lɛ akabaju lɛ kɛtee, ni amɛyakɛɛ maŋ lɛ akɛ, ‘Ete shi kɛjɛ gbohii ateŋ’; ni sɛɛkpee shishiumɔ lɛ bafee efɔŋ fe klɛŋklɛŋ nɔ lɛ.”

Luka 22:30

koni nyɛye nii ni nyɛnu yɛ mikpɔlɔ̃ lɛ he yɛ mimaŋtsɛyeli lɛ mli; ni nyɛaatara sɛii anɔ ni nyɛkojo Israel akutsei nyɔŋma kɛ enyɔ lɛ.”

Kpojiemɔ 3:21

Kunimyelɔ lɛ mahã ekɛ mi ata mimaŋtsɛ sɛi lɛ nɔ tamɔ bɔ nɔŋŋ ni mi hu miye kunim ni mikɛ miTsɛ ta emaŋtsɛ sɛi lɛ nɔ lɛ.